Bakıya yağan yağış Xaləddin İsgəndərovun “Təmiz Binəqədi” layihəsinin çirkablarını və təmiz yeyintisini üzə çıxardı

Binəqədi yenə də su altında qaldı, FHN təxliyə etməsə evlərdən meyitlər çıxacaqdı...

Paytaxtın Binəqədi rayon icra başçısı növbəti faciəyə səbəbkar olacaqdı. Xaləddin İsgəndərov bu dəfə Bakıya yağan yağışda Binəqədi camaatını boğacaqdı. Şükür ki göydə Allah və yerdə FHN əməkdaşları sakinlərin harayını eşitdi.



2015-ci ildə X.İsgəndərovun keyfiyyətsiz politeran üzlüyünü bina fasadına vurdurması 13 nəfərin tələf olması ilə nəticələnmişdi. İcra başçısının 16-18 oktyabr tarixlərində də iflasa uğramış, biabırçı “Təmiz Binəqədi” layihəsi böyük fəlakətə gətirib çıxaracaqdı.

FHN-nin xilasediciləri sakinləri təxliyə etməsəydi yanan bina işinə bənzər faciə yaşanmağa yaxın idi. X.İsgəndərov isə bu məsuliyyətsizliyinə, “Təmin Binəqədi” faciəsinə görə nə çıxıb açıqlama verdi, nə sakinlərin halına yandı.



“Gündəm-xəbər”in əldə etdiyi məlumata görə, yağış yağan günlərdə “Təmin Binəqədi”nin küçələrində qayıqla üzmək olardı. Rayondakı evləri, həyətləri su basdı, sakinlər boğulmaq həddinə çatdırıldı. FHN işçiləri onların dadına yetişdi. “Təmin Binəqədi” təmiz dənizə oxşayırdı.

Əgər FHN yardıma çatmasaydı, evlərdən qadın və uşaqların meyitləri çıxacaqdı. Milyonlarla dövlət büdcəsi hesabına başa gələn “Təmin Binəqədi” layihəsinin keyfiyyətsiz, məmurların maxinasiyası ucbatından səhlənkar olduğu təsdiqini tapdı.



Hər yerə “Təmiz Binəqədi” yazıb vurublar. Küçələr, yollar bərbad gündədirsə, təmiz yazmağın nə mənası? Bunu qəzetimizə Binəqədi rayonu Süleyman Sani Axundov küçəsinin sakinləri deyirlər. Bakıya bir neçə saat yağış yağan kimi ilk "Evimizi su basdı", "Küçələrimiz gölə çevrilib" xəbərləri məhz Binəqədi rayonundan gəlir Nədənsə bu rayonda illərdir ki, yağışdan sonrakı problemlər öz həllini tapmır. Artıq insanlar bu durumun normal bir şey olduğuna alışırlar. Çünki Binəqədi sakinlərinin başqa yolu yoxdur. X.İsgəndərovun bu layihəsi sadəcə təmiz yeyintiyə səbəb olub.

Bundan başqa, Binəqədi rayon icra hakimiyyətinin həyata keçirdiyi bu lahiyədə bəzi məmurların və bələdiyyə sədrlərinin söküntülərdən qazandıqları milyonlarla manat vəsait olub.



Binəqədinin ən böyük qəsəbələrindən biri olan Biləcəridə həyata keçirilən bu reklam xarakterli kampaniyada yüzlərlə yerli sakin ciddi ziyan çəkib. Səbəb çox sadədir. Əlində icra hakimiyyətinin və bələdiyyənin söküntü üçün göstərişi olan Bələdiyyə sədri qanunun tələblərini pozaraq yüzlərlə Biləcəri sakinin evini başına uçurdub.



Biləcəridə özünü icarədar məmur kimi tanıdan İlham Xəlilov özü üçün mağazalar inşa etdirib. Onun adı MTN generalı Akif Çovdarova 150 min pul və torpaq bağışlamaqda keçib. Elə bu səbədən də qəsəbə ərazisində fəaliyyət göstərən sahibkarların fəaliyyəti dözülməz dərəcədə pisləşib.

İcra başçısı Xaləddin İbrahimovun göstərişi ilə abadlıq işlərinə nəzarəti əlində cəmləşdirən İlham Xəlilov səlahiyyətlərini aşaraq sahibkarlara verilən sərəncamları, məhkəmənin qərarı olmadan ləğv edib.

“Təmiz Binəqədi” lahiyyəsini Biləcəri sakinləri bildirir ki, süni torpaq təpəciklər ucaltmaqla əslində icra başçısı və bələdiyyə sədri problemlər girdabında boğulan Binəqədi ərazisini sanki “gizlətmək” istəyiblər. Amma o təpələr də dağıdıldı.



İcra başçısının “Təmiz Binəqədi” layihəsini və bu layihənin altında gizlədilən biabırçılığı təbiət asanlıqla üzə çıxardı. Paytaxta yağan bir neçə saatlıq yağış Binəqədinin “novator” rəhbərini “islatdı” və onun yol verdiyi korrupsiyanı küçələrdə gölləndirdi.

1 iyul 2014-cü ildən etibarən Binəqədi rayonu ərazisində mərhələli şəkildə “Təmiz Binəqədi” layihəsinin həyata keçirilməsinə başlanılıb.

Layihənin həyata keçirilməsi ilə əlaqədar Binəqədi Rayon İcra Hakimiyyəti başçısının müvafiq sərəncamı ilə Tədbirlər Planı təsdiq edilib və Tədbirlər Planının icrasını təmin etmək məqsədilə müvafiq komissiya yaradılıb.

Bunun ardınca sözügedən rayonun ərazisində vizual olaraq xeyli tədbir keçirilib. Yeni asfaltlar, zibil yeşiklərinin rənglənməsi, yaşıllıqların artırılması... Rayon icra hakimiyyətinin rəsmi saytında da bu tədbirlər 2015-ci ildə Birinci Avropa Olimpiya Oyunlarının Bakıda keçirilməsinə hazırlıq işi kimi qələmə verilib.



Ancaq leysan yağışlar bu layihəni də suya batırdı. Hazırda Binəqədinin əksər küçələri yağışa təslim olub, sosial şəbəkələrdə bununla bağlı yüzlərlə foto yer alıb.

Bu isə “Təmiz Binəqədi”nin yarıtmaz kanalizasiya sistemi, bərbad asfaltının olması barədə fikirləri möhkəmləndirdi. Yaxşı, bəs bu cür ciddi paraların dövr etdiyi layihənin fiaskoya uğramasının səbəbi nədir? Harda, hansı yeyintilər baş verib?

“Təmiz Binəqədi” layihəsinə ayrılan vəsaitlə bağlı məlumatlar şəffaf deyil. Avropa Oyunlara ayrılan vəsaitlər göz qabağındadır:

“2013-2014-cü illərdə olimpiya oyunlarına 2.3 milyard, 2015-ci il üçünsə 1.3 milyard manat ayrılıb. Hökumətin investisiya xərcləri mənbələrində göstərilmir ki, ”Təmiz Binəqədi" layihəsinə nə qədər vəsait ayrılıb.

Xatırladaq ki, Binəqədi rayonunun icra başçısı Xaləddin İgəndərov bu posta Vergilər Nazirliyindən gətirilib. X.İsgəndərov 2012-ci ilin aprel ayından Binəqədi İH başçısı təyin olunub.

Ötən müddətdə Binəqədidə elə ciddi dəyişiklik baş verməyib. Düzdür, o, bu vəzifəyə təyin olunandan yolların kənarında yaşıllıq salınır, hasarlar tikilir, divarlar ağardılır, rənglənir və s. Amma rayonun infrastrukturunda, əhalinin güzəranının yaxşılaşmasında ciddi irəliləyiş yoxdur.



Sakinlər daim rayon ərazisində suyun, elektrik enerjisinin və təbii qazın verilişində əvvəlki illərdə olduğu kimi problemlərin qaldığını vurğulayır. Demək, divarlara rəng vurmaqla, yol kənarına qazon əkməklə rayonun vəziyyətini düzəltmək olmurmuş.

Belə çıxır ki, “Təmiz Binəqədi” layihəsinə sərf olunan dövlət vəsaiti əslində bir neçə məmurun cibinə axıb. O qədər axıb ki, həmin pulların yaratdığı korrupsiya hazırda Binəqədinin küçə və prospektlərində az qala adam boyu qədər olan gölməçələr yaradıb.

Xaləddin İsgəndərov bu gölməçədə korrupsiya əməllərini yuya biləcəkmi, yoxsa o, elə həmin gölməçələrdə batıb qalacaqmı? Bunu yaxın zamanda görəcəyik.

Məlumatda bildirilir ki, Binəqədi rayon İcra Hakimiyyətinin başcısı Xaləddin İsgəndərov icra hakimiyyətinə gələn pulların bölünməsi üçün xüsusi adamlar müəyyənləşdirib.

Rayonun gənclər və idman idarəsinə, YAP-a, rayon təhsil şöbəsinə, uşaq baxçalarına ayrılan maliyə vəsaitlərə icra hakimiyyəti başcısının müavini Aygün Əliyevaya həvalə olunub. Beləliklə dövlət və partiya tərəfindən ayrılan maliyə vəsaiti ancaq Aygün Əliyevanın nəzarəti ilə xərclənə bilər.

Onu da deyək ki, Xaləddin İsgəndərov Azadlıq prospektindəkui məşum faciənin əsl təqriskarı kimi ittiham edilin. “Global Stone” şirkətinin təsisçisi Miryusif Mahmudovun məhkəmədə icra başçısını hədəfə alıb. Mahmudov deyib ki, yanan binanın üzlənməsi təklifi Binəqədi Rayon İcra Hakimiyyətinin başçısı Xaləddin İsgəndərovdan gəlib. Onun sözlərinə görə, bu binanı yandırmaq üçün uzun müddət hazırlıq işləri gedib. Hazırlıqlar da aprelin 10-da Xətaidəki binanın yandırılmasından başlanıb. Onsuz da ölkə rəhbərliyinin gözündən düşmüş və yalnız nazirin himayədarlığı sayəsində yanğın olayından özünü sağ çıxarmış X.İsgəndərovun “vurulması” gündəmdədir. Deyilənə görə, Binəqədiyə yeni icra başçısı təyin olunması ehtimalı var. Ona görə də məhkəmə verilən ifadələrin hər sətiri onun əleyhinə işləyir. Referendumdan sonra islahatlar paketində problemli icra başçılarının da sistemdən uzaqlaşdırılması nəzərdə tutulub ki, siyahıda Binəqədi rəhbərinin adı keçdiyi deyilir. Ümumiyyətlə, 2015-ci il mayın 19-da Binəqədidə 16 mərtəbəli yaşayış binasında baş vermiş

yanğın ölkəni sarsıtmaqla yanaşı, “Günahkar kimdir?” sualını da indiyədək açıq saxlayır. Ancaq göründüyü kimi, günahkarlardan biri kimi şirkət rəhbəri icra başçısını göstərir. Digər əsas təqsirkar kimi isə MTN vəzifəlilərini ittiham edir. Məlumat üçün deyək ki. İsgəndərov Xaləddin Şahmar oğlu 5 noyabr 1962-ci Goranboy rayonunun Xanqərvənd kəndində anadan olub. 1984-ci ildə Azərbaycan Xalq Təsərrüfatı İnstitutunun "Əmtəəşünaslıq" fakultəsini bitirib.

Əmək fəaliyyətinə 1979-cu ildə Yevlax rayonu Birləşdirilmiş Qaz Birliyində çilingər olaraq başlamış, 1984-1985-ci illərdə Qubadlı rayonu İstehlak Cəmiyyətində Sədr Müavini vəzifəsində çalışıb.

Hərbi xidmətdən qayıtdıqdan sonra isə 1987-1991-ci illərdə Abşeron rayonu Təsərrüfat hesablı Univermaqda əmtəəşünas vəzifəsində işləyib.

1991-1992-ci illərdə Xızı rayonu İstehlak Cəmiyyətinin ticarət şöbəsinin müdiri vəzifəsində, 1992-2001-ci illərdə “Azər” təsərrüfat hesablı müəssisənin direktoru vəzifəsində çalışıb.

2001-2003-cü illərdə Bakı Şəhər İcra Hakimiyyəti başçısı Aparatının Ərazi idarəetmə orqanları ilə iş şöbəsinin böyük referenti vəzifəsində, 2003-2012-ci illərdə Vergilər Nazirliyinin 11 saylı və 14 saylı Ərazi Vergi İdarələrində işləyib.

Bakı şəhəri Vergilər Departamentində, Vergilər Nazirliyi yanında Xüsusi rejimli Vergi Xidməti Departamentində müxtəlif rəhbər vəzifələrdə çalışıb.

Prezidentinin 26 aprel 2012-ci il tarixli Sərəncamı ilə Bakı şəhəri Binəqədi Rayon İcra Hakimiyyətinin başçısı təyin edilib. Binəqədi RİH-nin mövqeyini dərc etməyə hazırıq.

Rafiq Qara