Cəbhədə düşmənlə üz-üzə döyüşüb qəhrəmanlıq göstərən xalq, nədən məişətdə məmurların “intellektual terror”una müqavimət göstərə bilmir və dözüm nümayiş etdirmək məcburiyyətində də qalırlar?
Azərbaycan Respublikasının prezidenti cənab İlham Əliyevin 19 may 2015-ci il tarixdə Binəqədi rayonu ərazisində yanan bina ilə bağlı korrupsiya əleyhinə olan çıxışından başlayaraq, indiyə qədərki çıxışlarında irəli sürdüyü "Qoy hamı bilsin ki, heç kəs məsuliyyətdən kənarda qala bilməz" çağrışı, bir çox KİV-də təkrar-təkrar ictimailəşdirildiyinə görə, korrupsiya məngənəsində əzablara məruz qalan əhali, xüsusilə də, Laçın rayon sakinləri həmin çıxışı böyük ümid hissi ilə və sevinclə qarşıladı. Görəsən bəzi məmurlar müxtəlif ünvanlarda belə bir çağırışa necə münasibət bəslədilər? “Təhsil millətin gələcəyidir”. Əsrlərin sınağından çıxmış bu kəlam, bu gün də bəşəriyyətin tərəqqipərvər qisminin intellektual sferasında öz aktuallığını saxlamaqdadır. Bu kəlamı və möhtərəm Prezidentimizin məlum antikorrupsiya çağrışlarını, yəqin ki, Laçın rayonunun Təhsil Şöbəsinin zirehləndirilmiş sabiq müdiri rayonda heç kəsi, hətta qanunları belə vecinə almayaraq, təhsili iflic edən Malik Vəliyev və onun başçlığı altında fəaliyyət göstərən mütəşəkkil korrupsioner banda (yalnız Vəliyev Malikin meyarları əsasında seçilmiş əksər məktəb direktorları və təhsil şöbəsinin bəzi məmurları) da eşitməmiş deyil. Bəs, bu müqəddəs yola başqa cür baxanlar necə? Onları kimə bənzətmək olar? Yüksək mövqeli hamisinin himayəsi sayəsində təşkil edilmiş “cəzasızlıq şəraitində“ Laçın rayonunda təhsili demək olar ki, darmadağın edən Vəliyev Malik və onun başçılığı altında fəaliyyət göstərən mütəşəkkil korrupsioner dəstənin əməllərini saymaqla qurtarmaq olmaz. Belə ki, Vəliyev Malik və seçilmiş məmurlar sindromu sayəsində məlum ünvanda mütəmadi olaraq tədris ilinin əvvəlində şagird şəbəkəsini təsdiq etdirmək, az qala hər ay “yuxarıdan gələn” yoxlamaları yola salmaq, məktəbə yanacq, peç, truba və digər avadanlıqlar almaq, məktəbi təmir etdirmək, müxtəlif tədbirlərə vəsait, müxtəlif ünvanlara sovqat göndərmək və s. adı ilə məktəblərdəki işini itirmək istəməyən hər işçidən müəyyən məbləğdə pul yığılır. Bu seçilmiş mütəşəkkil dəstənin fəal üzvləri respublikanın hansı rayonunun sakini olmasına baxmayaraq, biliyi öz şagirdinin bilik səviyyəsindən çox aşağı olanları, diplomu saxta olanları, işləməyə icazə yaşı çoxdan bitənləri axtarıb taparaq işə düzəldir və adlarına külli miqdarda əməkhaqqı yazıb həmin əməkhaqqının çox az bir hissəsini onlara verir, daha çoxunu isə isə özləri götürürlər. Dünyanın hansı ölkəsində yaşama sından aslı olmayaraq yalnız əmək stajına razı olan hər bir kəsi axtarıb taparaq, onların adlarına fantastik miqdarda əməkhaqqı yazıb özlərinə götürülər. Nə orta, nə də ali məktəbdə bir gün də olsun dərsə getməsə də “diplom”u olanlardan, hətta Vətənimizin müharibə vəziyyətində olduğu bir vaxtında hərbi xidmətdən dolayı yollarla yayınan “dezertirlər”dən hər kəs, Malik Vəliyevin könlünə yatan məbləği verərsə, istənilən məktəbdə, hətta, təhsil şöbəsinin aparatnda istədiyi vəzifəni ala bilər. Bir sözlə, Laçın rayon təhsil şöbəsində müdir vəzifəsini daşımış Malik Vəliyev və seçilmiş direktor labirinti sayəsində dövlət büdcəsini və müəllimləri amansızlıqla çapıb-talamaq peşəkarlıq göstəricisi hesab olunur. Laçın rayon Təhsil Şöbəsinin zirehləndirilmiş sabiq müdiri Vəliyev Malkin dünya təhsil sisteminə və pedaqogika elminə gətirdiyi “yeniliklər”dən biri də ondan ibarətdir ki, seçdiyi pedaqoji təhsili olmayan, diplomu saxta olan, hətta iki eşşəyin arpasını bölməyi bacarmayan direktorlardan bəzilərinin əlinə bir neçə gerbli möhür verərək, həmin məktəblərin direktorluğunu onlara həvalə etməklə, yenə də, pedaqoji kollektivə və əhaliyə anoloqu olmayan cəhənnəm əzabını yaşatmaqdadır. Hələ Malik Vəliyevin təhsil şöbəsinin aparatına yerləşdirdiyi və tamam təhsili olmasa da, “diplom”ları olan “dezertirlər” dəstəsinin nələrlə məşğul olduğunu bilsək, ən qatı düşmənlərimizə belə şükür edərik. Hər ay hər müəllimin əməkhaqqından 21% həcmində vergi pulu tutulur. Bundan əlavə, maaş cədvəlində müəllimlərin bir hissəsinin maaşlarından kəsib başqa müəllimlərin adına yazırlar, həmin pulu isə, sonralar direktorlar “artıqdan yazılmış saat” kimi həmin müəllimlərdən alırlar. Fəal məktəb direktorları az qala ayda bir dəfə məktəbdə işləyən məcburi köçkünlərin hamısından nə yolla olursa-olsun, şəxsiyyət vəsiqələrinin surətlərini alırlar. Çatdırılan məlumatlara görə, həmin surətlər əsasında onların adına yardım kimi əlavə pul yazaraq özləri mənimsəyirlər. Hər tədris ilinin sonunda hər müəllimdən “sığorta pulu” adı ilə 8-10 manata qədər pul saxlanılır. İldə bir neçə dəfə sinif rəhbərliyi pullarının və texniki işçilərin maaşlarının hamısı zorla da olsa əllərindən alınır. 2014/2015-ci tədris ilindən isə, rayon üzrə bütün müəllimlərin 25 avqust—15 sentyabr dövründəki maaşlarından əməkhaqqı cədvəlində 3 günün əməkhaqqısı kəsilməkdədir. Hər il hər müəllimin maaşından “qəzet pulu” adı ilə 15 manat saxlanılsa da, heç kəsə heç vaxt qəzet verilmir. Testdən keçib iş yerinə gələn müəllimləri qorxudub iş yerindən qaçırırlar, həmin dərsləri isə “artıq saatlar”kimi ona-buna yazaraq, sonra özlərindən alırlar. İşdən hali olan müəllimləri əvvəlcə aldatmaq istəyirlər, aldanmayanları isə “ağıllı” olmağa dəvət edirlər “Ağıllı” olmaq istəməyən məzlumların ərizələrindəki məlumatları isə, yerli hökumətin rəsmi səlahiyyətlərinin zoru hesabına yalana çıxardaraq, onlara böhtançı damğası vururlar. Sonra isə işə cəlb edilmiş rayon məhkəməsinin sifarişli qərarı ilə, məzlumların yalana çıxarılmış məlumatları vəzifəli şəxslərin şərəf və ləyaqətini alçaldan məlumatlar hesab edlir. Bunun ardınca isə, daha bir sifarişli “məhkəmə qərarı” ilə yurdsuz-yuvasızlardan külli miqdarda pul alınaraq, həmin məmurlara ödətdirməklə məmurların alçaldılmış şərəf və ləyaqətlərini guya bərpa etməyə çalışacaqlar. Hər kəs bu acınacaqlı sonluqdan özü üçün ibrət dərsi alacaq. Yoxsa, bütün bunlara görədirmi ki, Vəliyev Malk harada gəldi nümayişkaranə tərzdə bəyan edirmiş ki, pulum var, nə qədər hesab istəsələr verib ya rayona icra hakimiyyətinin başçısı, ya da regional təhsil idarələrindən birinə müdir keçəcəyəm. Vay o xalqın halına ki, bu günü də görə. “Niyyətin hara, mənzilin ora” deyiblər. Həm də bu yolla?... Bu yolun bizi Laçına aparmayacağını ən qatı düşmənlərimiz belə, nə qədər vicdansız olsalar da danmazlar! Kimsələr nə danışsalar belə! ... Allah qorusun bu xalqı! O xalqı ki, həm cəbhədə yağı düşmənlə mərdliklə döyüşür, həm də məişətində zirehləndirilmiş Malikkimilərin rəsmi səlahiyyətləri çərçivəsində təşkil edilmiş mütəşəkkil korrupsional fırıldaqlarına çarəsiz qaldığından dözməyə davam edir. Yüksək mövqeli hamisinin himayəsi sayəsində təşkil edilmiş “cəzasızlıq şəraitində“ Laçın rayonunda təhsili tamamilə darmadağın edən dəstənin “qlavar”ı (başçısı) olan Vəliyev Malikin belə yüksək mövqelərdən birini zəbt etməsinin onsuz da başı kifayət qədər dərddə olan xalqımıza gətirəcəyi fəlakətlərin miqyasını və miqdarını hesablayıb qarşısını ala bilmək üçün, təkcə mahir riyaziyyatçı olmaq kifayət etməz. Bunun üçün bir balaca milli qürur hissinə sahib olmaqla bərabər, həm də milli-mənəvi dəyərlərimizə hörmətlə yanaşa bilmək cəsarəti tələb olunur. Çatdırılan məlumatlara görə artıq bir ilə yaxındır ki, Vəliyev Malik Azərbaycan Respublikası Təhsil Nazirliyinin Tərtər Regional İdarəsinə müdir təYin edilib. Əgər bu təyinat Malikkimilərin məlum təcrübəsini yaymaq məqsədi daşıyırsa, onda vay Azərbaycan xalqının halına!...Çünki, vastilə Laçın rayon Təhsil şöbəsində Vəliyev Malik tərəfindən təşkil edilmiş mütəşəkkil korrupsiya əməliyyatları bütün gücü ilə davam etməkdədir. Əcaba, ola bilərmi ki, Laçın rayonunda nə icra hakimiyyətinin indiki başçısı, nə də Laçın rayon Təhsil şöbəsinin indiki müdiri Vəliyev Malikin qoyduğu qaydalardan kənara çıxmaq gücünə malik olsun? Azğın korrupsioner məmurlar tərəfindən xalqın əzilən qismi olaraq, biz möhtərəm Prezidentimizin davamlı antikorrupsiya çağrışlarında ictimai nəzarətin nə qədər vacib olduğu tezisini dəstəkləyərək, rayonumuzda zirehləndirilmiş bəzi məmurların rəsmi səlahiyyətləri çərçivəsində təşkil edilən mütəşəkkil korrupsiya əməliyyatları haqqında məlumat verməklə, təxirəsalınmaz vətəndaşlıq borcumuzu yerinə yetirməyə çalışırıq.
Hörmətli KİV nümayəndələri! Sizdən artıq dərəcədə xahiş edirik ki, cəmiyyətimizin mühüm bir strateji sahəsindəki cəzasızlıq şəraitində yüksələn templə tüğyan edərək, bizi daha fəlakətli uçrumlara sürükləyən bu mütəşəkkil korrupsiya şəbəkəsinin aradan qaldırılması üçün, nüfuzunuzun və vəzifə səlahiyyətlərinizin imkanlarından maksimum dərəcədə istifadə edərək, daha effektli tədbirlərin görülməsində öz köməkliyinizi əsirgəməyəsiniz. Bunu etməklə Siz həm öz vətəndaşlıq, həm də vəzifə borcunuzu yerinə yetirmiş hesab olunacaqsınız. Respublikamızın əyalətlərində yaşayan əhalisinin “burda mənəm, Bağdadda kor xəlifə” əhvali-ruhiyyəli məmurların özbaşınalıqlarından ümidlərini itirib gözləri yoldan, qulaqları səsdən yığışmış qisminin deyil, ümidlərini itirmədiklərinə görə hələ də gözləri yolda, qulaqları səsdə qalan qisminin ümidlərinə güvənib Sizə müraciət edirik ki, bizim haqq səsimizi eşitməzlikdən gələn ünvanlara çatdırasınız... Nə qədər çətin olsa da...
Yazırıq ki, bu uzun naməni hər yan oxusun,
Amma əvvəlcə bizim Molla Süleyman oxusun!
Qoy oxusun ki, rayon təhsil şöbəsini, yəni mühüm milli-strateji bir sahəni yağı düşmənsayağı darmadağın edən Malik Vəliyev kimi fərdlərin, vəzifə kürsüsündə daha yüksək pillələrə can atması iddiasının haradan qaynaqlandığına təəccüblənməsin. Sən demə ,bir xalqı məhv etmək üçün onun nə müəllimini, nə də həkimini savadsız etməyə ehtiyac yoxdur. Əgər onun yaşadığı cəmiyyətin idarə edilməsi proseslərində malikkimlər istədikləri vaxt istədikləri yüksək mövqeləri zəbt edə bilirlərsə, ....
Hörmətlə: Bir qrup sakinlər adından Zeynalov Samir, Həsənov Musa