“Keçmişi Rəsul Quliyevlə sıx bağlı olduğu deyilən rektor İbrahim Cəfərov, bu gün tərəvəz yetişdirib əhaliyə satdırmaqla məşğul olur”

Prezident İlham Əliyev noyabrın 10-da Gəncədə növbəti səfərdə olub. Ölkə başçısı Azərbaycan Dövlət Filarmoniyasının, “Yeni Gəncə Yarımstansiyasının, Heydər Əliyev Fondunun dəstəyi ilə inşa olunan Mirzə Şəfi Vazeh muzeyinin, Əziz Əliyev parkının, Qafqaz məkanında analoqu olmayan “Grand” Ticarət Kompleksinin , " Gəncə Mall" ın açılışında əsaslı təmir və quraşdırma işləri aparılmış 1 saylı tam orta məktəbdə olub. Daha sonra ölkə başçısı “Majestic Palace” otelinin tikintisi ilə tanış olub.
Səfər zamanı Prezident İlham Əliyev Azərbaycan Dövlət Aqrar Universitetinin 514 yerlik müasir üslubda tikilən tələbə yataqxanasının II korpusunun rəmzi açılışını bildirən lentini də kəsdi.
"Gündəm Xəbər”in əldə etdiyi məlumatlara görə hazırda 4834 tələbəsi olan ADAU-nun tələbələrinin 75 faizi respublikanın ayrı-ayrı şəhər və rayonlarından olan gənclər, bu gün ADAU-nun tələbə şəhərciyində müasir tələbənin yaşam tərzinə uyğun olaraq hər bir şəraitlə təmin olunan yataqxanada yaşayıb təhsil alırlar. Kompleksdə yaradılan şərait müxtəlif şəhər və rayonlardan olan tələbələrə özlərini evdəki kimi hiss etməyə imkanı verir.

Xatırladaq ki, ötən il, 17 fevral 2016-cı il tarixdə Azərbaycan Respublikasının Prezidenti cənab İlham Əliyev ADAU-nun müasir tipli tələbə yataqxanasının I korpusunun açılışında iştirak edib. Tələbələrə böyük hədiyyə olan kompleks dörd korpuslu yeddimərtəbəli, bir korpusu isə altımərtəbəli binalardan ibarətdir. Ölkə başçısının açılışında iştirak etdiyi tələbə şəhərciyinin yaxınlığında isə, təcrübə məqsədi ilə 20 baş cins düyənin və 5 baş atın saxlanılması üçün ferma da inşa olunub.
“Gündəm Xəbər” bildirir ki, ADAU-nun tələbə yataqxanasının II korpusunun açılış mərasimində, yataqxananın yaxınlığında olan mal və at fermasının tikilib istifadəyə verilməsindən ölkə başçısına heç bir məlumat verilmir. Tələbə yataqxanası ilə demək olar ki, eyni zamanda inşa olunub artıq istifadəyə verilən, lakin ekoloji baxımdan yataqxana ilə cox yaxın məsafədə yerləşməsi mümkün olmayan mal və at fermasının həmin ərazidə tikilməsinin səbəbi isə, yalnız kənd təsərrüfatı naziri Heydər Əsədova və ADAU-nun rektoru İbrahim Cəfərova məlumdur.

Görünür, ölkə başçısına ADAU-nun tələbələrinə böyük hədiyyə olan yataqxananın açılışında, yataqxananın mal və at ferması ilə qonşu olması məlumatı verilməyib.Təbii ki, onda fermaya açılan yataqxana pəncərələrinin açılmasının mümkünsüzlüyünü də bilərdi.
Hazırda nə kənd təsərrüfatı naziri Heydər Əsədovu, nə də fermada sağılan inəklərin südünü tələbələrə yataqxana bufetində kürəkəni tərəfindən satdılan İbrahim Cəfərovu, yaşayış yerinin lap yaxınlığında mal və at fermasının olmaması o qədər də narahat etmir.
Qeydiyyat şöbəsi, zəngin kitabxana, stomatoloji kabinet, müayinə otağı, fotoatelye, akt və fitnes zalları, ticarət, iaşə və məişət xidməti obyektləri olan yataqxanadakı 257 otağın bütün mərtəbələrində istirahət guşəsi və s. qonşuluqda yerləşən fermaların mövcudluğu görəsən standartlara uyğundurmu?
Ötən ildən istifadəyə verilən I korpusun dam örtüyünün 2000 kvadratmetr sahəsi yataqxanada yaşayanların gəzintisi üçün nəzərdə tutulsa da, əsasən yay mövsümündə II korpusla divar-divara olan mal və at fermasının ucbatından, tələbələr hava almaq məqsədilə pəncərələrini belə aça bilməyəcəklər. Hələ bunlar harasıdır?
"Epizotologiya, mikrobiologiya və parazitologiya "kafedrasının giriş qapısının önündə isə, keçmişi Rəsul Quliyevlə sıx bağlı olduğu deyilən rektor İbrahim Cəfərov, bu gün tərəvəz yetişdirib əhaliyə satdırmaqla məşğul olur. İnsanların, sağlamlığını nəzərə alaraq adı gedən kafedranın ərazisi tam şəkildə minimum 500 m kənarda və ekoloji cəhətdən tam təhlükəsizliyini təmin etmək üçün xüsusi üsullarla müfafizə olunması tələb olunan kafedranın yaxınlığında ADAU-nun mədaxilinə daxil olmadan istixanalarda yetişdirilib kimə gəldi satılan tərəvəz bitkilərinin qida üçün nə qədər təhlükəli olmasından xəbər verir.
Qısa arayış: Doğum tarixi 1956-cı il, ADAU-nu ( o zaman Azərbaycan Kənd Təsərrüfatı İnstitutu) 29 yaşında, mərhum akademik Məmmədtağı Cəfərovun sayəsində başa vuran bugünkü rektor, professor İbrahim Cəfərovun baza təhsili "bitki mühafizəsi" fakultəsi olduğunu nəzərə alsaq, onun "epizotologiya, mikrobiologiya və parazitologiya "kafedrasının tam yaxınlığında pomidor, xiyar, bibər, badımcan yetişdirtdirib, bazar qiymətindən baha sataraq gəlir əldə etməsi anlaşılandı.

P.S. Bəzi sualları cavablandırmaq redaksiya heyəti üçün qaranlıq qaldığından : "Moşu, eqologiya budur?" Son....(Ardı var)

Mehriban Əzizqızı
gundemxeber.az