Bundan əlavə, Hüseynqulu Məlikovun hər zaman Lerik Rayon İcra Hakimiyyətinin başçısı tərəfindən verilən tapşırıqlara “baş üstə” deməsi də, sadalanan amillərdən ən əsaslısıdır

Bu günlərdə “Gündəm Xəbər”in elektron poçtuna və redaksiyamızın ünvanına Lerik rayonu, Züvüç ərazisinin sakini İlqar İbadov adlı şəxs tərəfindən müraciət daxil olub. Adı çəkilən bu şəxs, digər müraciət müəlliflərindən fərqli olaraq hansısa sosial probleminin varlığından deyil, birbaşa Lerik rayon Polis Şöbəsinin rəisi Hüseynqulu Məlikovun əməllərindən bəhs edir. Müraciət müəllifi olan İbadov bildirir ki, “Hüseynqulu Məlikov əslən Kürdəmir rayonundandır və uzun illərdir ki, Lerik rayon Polis Şöbəsinin rəisi vəzifəsini daşıyır. Bu şəxs işlədiyi müddət ərzində Lerikdə bir neçə hakim, prokuror, DTX Lerik rayon şöbəsinin rəisi və digər yüksək çinli vəzifə sahibləri işləyiblər, bir müddətdən sonra da, onlar ya başqa işə keçiblər, ya da ki, təqaüdə çıxıblar. Amma, Lerik rayon Polis Şöbəsinin rəisi isə, uzun müddətdir ki, bugünkü vəzifəsini daşımaqdadır. İndi sual oluna bilər ki, bu şəxsin uzun illər ərzində daşıdığı vəzifəsində qalmasına səbəb nədir? Müxtəlif mənbələrdən verilən məlumatlara görə, Hüseynqulu Məlikovun Lənkəran şəhər İcra Hakimiyyətinin başçısı ilə yaxın qan qohumluğunun olması, onun daşıdığı vəzifəsində uzun illər ərzində duruş gətirməsinə səbəb olan əsas amildir. udur. Bundan əlavə, onun hər zaman Lerik Rayon İcra Hakimiyyətinin başçısı tərəfindən verilən tapşırıqlara “baş üstə” deməsi də, sadalanan amillərdən ən əsaslısıdır.
İndi isə toxunacağım fakt ondan ibarətdir ki, Lerik rayon İcra Hakimiyyətinə məxsus hotel uzun illərdir ki, fəaliyyət göstərməkdədir. Həmin hoteldə əsasən Bakı şəhərindən gələn qonaqlar istirahət etməli olsalar da, bu gün isə həmin hoteldə Lerik rayon polis şöbəsinin rəisi Hüseynqulu Məlikov tək-tənha qalır. Onun ailəsinin də, Lerik rayonu ərazisində yaşamadığı iddia olunan məlumatlardandır və hotelin Lerik rayon İcra Hakimiyyətinin ştat cədvəlində olan xadimələr tərəfindən təmizləndiyi də bildirilir. Bu işlərin necə və hansı əsasla həyata keçirilməsindən dəqiq xəbərim olmasa da, bildiyim fakt odur ki, bu işlər hansısa maraqlar çərçivəsində həyata keçirilir. O məsələdən də xəbərdaram ki, bu gün Lerik rayon İcra Hakimiyyətinə məxsus hoteldə, hal-hazırda Lerik rayon polis şöbəsinin rəisi Hüseynqulu Məlikov yaşamaqda davam edir.
Onu da bildirim ki, Lerik rayon İcra Hakimiyyətinə məxsus ikietajlı hoteli sabiq icra başçısı Babalı Ağayev tikdirib. Bir müddət bundan öncə onunla görüşdüm və bu məsələ ətrafında xeyli söhbətlər də etdik. Ümumi söz-söhbət zamanı Babalı Ağayev bildirdi ki, “İcra Hakimiyyətinə məxsus hoteli heç vaxt heç kəsə satmaq olmaz. Amma, bu gün yayılan söz-söhbətlərə görə, həmin hotel Lerik rayon Polis Şöbəsinin rəisinə verilib. Söz yox ki, indi rəhbər vəzifə sahibi olanlar hər hansı daşınmaz əmlakı alarkən, onu öz adlarına sənədləşdirmirlər. Yəni, yaxın qohum-əqrəbasının, dost-tanışının adına sənədləşdirməklə ələ keçirirlər. Amma fakt faktlığında qalır. Yəni, əgər Lerik rayon Polis Şöbəsinin rəisi hoteli ələ keçirməyibsə, onu vadar edən nədir ki, o, hoteldə tikinti təmir işləri aparmaqda davam edir? Hər kəs üçün maraqlı deyilmi ? Məsələ ilə bağlı Azərbaycan Respublikasının ali dövlət orqanlarına həm yazılı, həm də teleqramlarla müraciət etmişəm. Təəssüflər olsun ki, bu günə kimi bir kimsə ciddi maraqlanmayıb və lazımi də tədbir görülməyib. Ona görə də hər bir müraciət və teleqramlarım əhəmiyyətsiz bir sənədə çevrilib. Bundan əlavə, Lerik rayon Polis Şöbəsində məsul vəzifə sahibi olanlardan bəziləri də, ailələrini rayona gətirməyiblər. Bütün bunlar öz-özlüyündə meydana təzadlı suallar da çıxarır. Lerik rayon İcra Hakimiyyətinin başçısı isə, daha çox belə vəzifə sahibi olanlarla işləməyə üstünlük verir. Ona görə ki, həmin şəxslər icra başçısının verdiyi tapşırıqları sanki gözüyumulu icra edirlər. Belə olan halda da, təqribən 80 minlik Lerik əhalisi əzab-əziyyət çəkməkdə davam edirlər. Çox zaman ailələr, ayrı-ayrı şəxslər müəyyən işgəncələrə məruz qalırlar ki, bu da heç cür yolverilməz haldır. İindi inanmaq istərdim ki, görəsən bu kimi məsələlərə son qoyulacaqmı? Yoxsa...

Ramin
gundemxeber.az