“Gündəm Xəbər”ə daha bir yol polisi əməkdaşının özbaşınalığı haqda məlumat daxil olub.

Belə ki, yol kənarında olan, plafaktoriyanın yanında dayanan sürücü Elgün Abdullayevə yaxınlaşan yol polisi əməkdaşı ona cəriməsi olduğu haqda məlumat verir. Sürücü isə lap yaxşı deyərək, cəriməsini yerindəcə ödəməsini bildirir. Yaxınlıqdakı poçt xidmətinə yaxınlaşıb cəriməsini ödəyən sürücü, döş nişanı 0142 olan Elvin adlı polisin təhqirlərinə məruz qalır və polis avtomobili cərimə meydançasına aparmaq haqda fikirini bildirir. Bundan sonra sürücü Elgün Abdullayev DİN-in 102 xidmətinə 99 YP 163 xidməti avtomobilində olan DYP əməkdaşının hərəkətlərindən şikayətini bildirir. Polis əməkdaşı isə, “mən 102 hərləmirəm” deyərək öz iddiasından əl çəkmir.

Vətəndaş Elgün Abdullayev redaksiyamıza bildirir ki, mən yol kənarında dayanmış vəziyyətdə olduğum halda DYP əməkdaşı kəmərimi niyə taxmamağım haqda sual verdi. Onun avtomobilimi cərimə meydançasına aparmaq üçün bəhanəsini bildikdən sonra, mən də ona “bəs siz təhlükəsizlik kəmərini nə üçün taxmamısnız sualını?” verdikdə, o belə cavab verdi. “Mən yaxşı eləyib kəmər taxmıram”. Vətəndaşlarla bu cür rəftar edən polis əməkdaşına hası adı vermək olar?
Yol polislərini kamera ilə çəkən şəxsləri məsuliyyətə cəlb olunması haqda qanunun meydana çıxması məmur özbaşınalıqlarını daha da sürətləndirir. Bu da onu deməyə əsas verir ki, DYP əməkdaşları sürücülərin üzərinə kəskin şəkildə hücüm edir və bu da açıq-aydın görünür.
Qeyd edək ki, hadisə 29 may 2018-ci il tarixində saat 12:00-13:00 radələrində Sumqayıt şəhər, Hacı Zeynalabdin Tağıyev qəsəbəsində baş verib.
Qarşı tərəfində mövqeyini dinləməyə və dərc etməyə hazırıq.

GundemXeber.Az