Əmək və Əhalinin Sosial Müdafiəsi Naziri Sahil Babayevin 1-ci müavini Prezidentin əmrlərini niyə “sabun köpüyü” hesab edir?

Gundrmxeber.Az bildirir ki, AZEL.TV-nin emailinə gələn bir şikayət məktubunu olduğu kimi sizlərə təqdim edirik:

"Salam olsun Azərbaycanın igid ve mərd insanlarına!

Mən Cəfərov Şahin Musaxan oğlu, Salyan rayonu Yolüstü kəndində yaşayıram. Azərbaycanımızın torpaqları uğrunda gedən düyüşlərdə ağır güllə yarası almışam. 1-ci qrup əlil, yataq xəstəsiyəm. O gündən bəri bu vəziyətdəyəm. Hara gedirəm baxan yoxdur. Aldığım pensiya heç dərmanlarıma çatmır.

Üç nazirin qəbulunda olmuşam. Mənim problemim evlə bağlıdır. Hörmətli prezidentimiz 2014-cü il tarixdə qərar verdi ki, 2018-ci ilə qədər bir nəfər də olsun Qarabağ əlili evsiz qalmayacaq. Lakin buna baxmayaraq, 2018-ci il də sona catır. Mən may ayında Əmək və Əhalinin Sosial Müdafiəsi Naziri Sahil Babayevin qəbuluna yazıldım. Üç ay sonra məni qəbula çağırdılar. Getdim. Məni Natiq müəllim, nazirin birinci müavini qəbul etdi. Mən orda ona etirazımı bildirdim ki, məni Sahil Babayev qəbul etməlidir axi. O məndən soruşdu, problemin nədir ?. Mən də ona dedim ki, neçə illərdir ev növbəsindəyəm, yaşamağa evim yoxdur. Hörmətli Prezidentimizin qərarında var ki, birinci qrup əlillər növbəsiz, evlə təmin olunmalıdırlar! Bəs niyə prezidentin qərarına hörmət etmirsiniz ? Sahil Babayevin 1-ci müavini mənə dedi ki, kim o qərarı veribsə, ged ondan da evini tələb et.

Doğrusu, 1-ci müavinin cavabı məni şoka saldı. Natiq müəllimə “sizdən Prezidentə şikayət edəcəm” dediyimdə, mənə cavabı bu oldu “kimə şikayət edirsən et, prezidentin əmrləri özü üçündür” axırda mənim yanıma qayıdacaqsan. Görüm o zaman nə edəcəksən?.

Mən artıq bilmirəm bu ölkədə kim kiçikdir, kim böyük. Nazir müavini prezidenti saymırsa, “prezident sənə heç nə verə bilməz, etsəm, bu işdə mən sənə yardım edə bilərəm” deyirsə, daha mənim, bizim, prezidentə nə inamımız qalacaq?!"