Ölkə mətbuatında müxtəlif məmurların, ayrı-ayrı vaxtlarda vətəndaşları, o cümlədən də, sahibkarları incitməsiylə bağlı xəbərlər tez-tez yer alır.

Artıq uzun zamandır ki, daha bir məmurun sahibkarı incitməsi ilə bağlı şikayətlər mətbuatda çox işıqlandırılır.

Gundemxeber.az MonitorTV-yə istinadla xəbər verir ki, Şirvan şəhərinin keçmiş icra başçısı Sədaqət Qəhrəmanovanın sahibkar Ziya Əliyevə qarşı törətdiyi mənəvi terror neçə illərdir ki, davam edir.

Ziya Əliyevin iddiasına görə, Sədaqət Qəhrəmanova onun halal pulu ilə inşa etdiriyi bir neçə obyektini güc yolu ilə ələ keçirib.

Sədaqət Qəhrəmanova öz səlahiyyətlərindən istifadə edə bilir və keçmiş icra başçısı olduğu rayonda hələ də güc sahibidir.

Bəs Sədaqət Qəhrəmanova kimdir? Onun adı mətbuatda necə hallanır?

1995-2005 ci illərdə indiki Şirvan, keçmiş Əli Bayramlı şəhərində icra başçısı vəzifələrində çalışıb. Yerli əhalinin sözlərinə görə, Sədaqət Qəhrəmanova Şirvan şəhərində pula hərisliyi ilə ad qoyub. Belə ki, o icra başçısı işlədiyi dövrdə həyat yoldaşı Damət Şəbiyev də polis orqanında yüksək vəzifə tutub. Bu vasitə ilə o, istədiyi şəxsə təzyiq göstərə bilir, hətta onların mülkünə əl qoya bilirmiş.

Bundan əlavə onu da qeyd edək ki, hal-hazırda Şirvan şəhərində “Köhnə bazar” adlanan ticarət mərkəzi hələ də Sədaqət Qəhrəmanovanın tabeçiliyindədir. Oradan gələn külli miqdarda vəsait xanım Qəhrəmanovanın cibinə axın edir.
Araşdırmamız zamanı maraqlı bir faktla da rastlaşdıq.
Məlum oldu ki, Sədaqət Qəhrəmanovanın həyat yoldaşı Damət Şəbiyevin bir qardaşı Lənkəranda narkobiznesin rəisi vəzifəsində çalışan zaman, onun digər qardaşı Şamil Şəbiyev, Cəlilabadda külli miqdarda narkotiklə həbs edilib. Və hələ də, 4 saylı cəzaçəkmə müəssisəsində həbsdədir.

Damət Şəbiyev isə Yasamal rayon polis idarəsində istintaq idarəsinin müstəntiqi olduğu zamanlarda belə adı bir çox rüşvət qalmaqalında hallanıb.
Oğlu döyülən valideynlərdən biri 2009 cu ilə musavat.com a açıqlama verərək, bildirib ki, “Müstəntiq Damət Şəbiyev oğlumu ekspertizaya aparandan sonra yenə işin istintaqı dayandı. Damət Şəbiyev isə oğlumdan barışıq barədə ərizə yazmağı tələb edib. Amma Dinməhəmməd bu təklifi qəbul etməyib. Müstəntiq isə oğlumu döyənləri tutmayacağını deyib”.
Valideyn daha sonra qeyd edib ki, Damət Şəbiyev qarşı tərəfdən rüşvət alıb və cinayət işini bağlamaq istəyir.

Bu kimi faktlar mətbuatda olduqca çoxdur. Ailəlikcə xalqı, vətəndaşları incidən məmurların prezident İlham Əliyevə sadiq olmayacağı da şübhə doğurmur.

Çünki, prezident İlham Əliyev çıxışlarında hər zaman xalqa, sahibkarlara şərait yaradılmasını məmurlardan tələb edir. Görünən odur ki, arxasına bəzi gücləri almış şəxslər, həmçinin Sədaqət Qəhrəmanova prezidentin çıxışlarına məhəl qoymur...
Əlavə olaraq Sədaqət Qəhrəmanovanın yüksək məmurlarla birgə iş ortaqlığı haqqında əldə etdiyimiz məlumatlar var və onları növbəti buraxılışımızda oxucularımıza təqdim edəcəyik. Hələlik isə, necə qazandığı sual altında olan mülklərinin siyahısını sizlərə təqdim edirik.

1. "Ocaq" ailəvi restoran ( Binəqədi, Digah yol kəsişməsi 4).
2. Yasamal, Xətayi, Sabil rayonlarında "Ocaq" (restoran, kafe, art) şəbəkəsi.
3. Tovuz rayonu Əyyublu kəndində böyük ferma, artezian quyular.
4. Port Bakunun üstündə sahəsi 130 kv.m olan 3 otaqlı mənzil.
5. "NN" Gözəllik salonları şəbəkəsi (şəhərin müxtəlif yerlərində).
6. H.Əliyev prospektində "Real” MTK-də 380 kv.m olan ofis (ASAN xidmətin arxası).
7. Binəqədi rayonu Cəfər Xəndan küçəsi 28, mənzil 23 ünvanında sahəsi 155 kv.m olan 4 otaqlı mənzil.
8. Şirvan şəhəri “köhnə bazar” adlanan Ticarət mərkəzi.