Deputat seçkilərində özünü biabır edən namizədlərin diqqətinə onu çatdırmaq istəyirik ki, xalq sizə deyil, məhz Prezidentinə arxalanır.

Siz deputat olmağa layiq deyildinizsə və bu gün də təkrarçılıq baş verəcəkdirsə, o halda ölkə rəhbəri Milli Məclisin buraxılmasına niyə razılıq verdi? Seçki kompaniyalarına “start verilən” ilk gündən bugünə qədər, məhz ölkə gündəmində baş verənlərə nəzər salaq. Bəli, bu gün ölkə üçün, ölkənin aparıcı siyasi partiyası olan YAP üçün lüzümsuz bir vəziyyət yaranıb və belə bir vəziyyət də gözlənilən idi. Çünki, YAP sıralarında deyil, yerlərdə rəhbər vəzifə tutaraq partiyanın içinə “qarışqa kimi daraşıb, ondan bal kimi istifadə edənlər”dən söhbət gedir. Belə bir halların varlığı isə, onlara rəhbərlik edənlərin günahıdır. Bu gün YAP-ın nüfuzu ölkə üçün önəmli olduğu halda, namizədlərlə bağlı siyahılarda hər hansı yeniliyə rast gəlinmədi. Yuxarıda qeyd etdiyimiz suallar, bu gün də tam əksəriyyəti düşündürməkdədir. Görəsən özünü doğrulda bilməyən MM-in buraxılması, təkrar seçkilərə getmək haqda qərarın verilməsi, həmçinin bu seçkilərə sərf olunan vəsaitlər nə üçündür?. Əgər hansısa qaranlıq məqamların nəticəsi olaraq deputat olanların siyahısı təkrarlanacaqdırsa, bu seçki prosesi də digərləri kimi xarakter daşıyacaqsa, o halda biz niyə aldanmalıyıq? Axı, aldadılan tərəfdə xalqla bərabər, ölkə başçısı da olur. Belə bir vəziyyət digər partiyalarda olduğu kimi, məhz “Müsavat” partiyası üçün də belədir. Xalq ötən seçkidə deputat olmuş şəxslərin sifətlərini yalnız televizorlarda, bəzi media qurumlarında cəfəng, məzmunsuz və əhəmiyyət kəsb etməyən çıxışları zamanı görsələr də, bu gün həmin şəxslərdən deputat tələbi tamamilə başqadır. İllərlə MM-də susqun qalıb “lal deputat” adını qazananları demirəm. Elə deputatlar var idi ki, onlar yalnız say naminə seçilmişlər və MM-də olarkən hər biri susmağa, sahib olduqları mandat hesabına xalq üçün deyil, birbaşa özləri və yaxınları üçün var-dövlət toplamaqla məşğul oldular. Bu gün bunları hər bir deputata şamil etmək vicdansızlıq olar. Məsələn, Tovuz rayonundan deputat olan Qənirə Paşayeva hər saman seçicilərinin yanında olur və belə bir səbəblər üzündən də, bu cür ittihamı ona şamil etmək olmaz.

Görəsən, bu gün reallığın, həqiqətin kökündə nələr durur? Niyə YAP tərəfindən irəli sürülən namizədlər xalq tərəfindən qəbul olunmur? Məsələn, yerlərdəki qalmaqallı görüşlər zamanı, o cümlədən YAP-nın Gəncə şəhər təşkilatının sədri Naqif Həmzəyevlə bərabər, GDU-da elmi işlər üzrə prorektor vəzifəsini daşıyan Pərvin Kərimzadə, bir neçə gün bundan öncə xalqın qəzəbinə “tuş gəldilər”. Yəni, onlar seçicilərlə görüş zamanı hər kəsdən rədd cavabı aldılar. Artıq xalq açıq-aşkar şəkildə namizəd olan şəxsə qarşı çıxırsa, namizədin özü isə təmsil olunduğu partiyanın nüfuzunu belə düşünmür. YAP-ın ətəyindən yapışıb xalqı-dövləti deyil, özünü fikirləşənlərin bir daha yerli icra orqanlarının, seçki dairələrinin, hətta məntəqələrin köməyindən yararlanaraq deputat olacaqları söylənilir. Bu da onu düşünməyə əsas verir ki, ölkə başçısının və xalqın gözləntiləri heçə getmək üzrədir. Məsələn, etibarlı mənbədən əldə etdiyimiz məlumatlarda deyilir: “PA-nın Gəncə şəhəri üzrə kuratoru olan Vəfadar müəllimin tapşırığı ilə, şəhərin 37-ci və 38-ci seçki dairələrində namizəd olan Naqif Həmzəyevlə bərabər, seçiciləri tərəfindən “daşqalaq” olunan, hətta söyülən Pərvin Kərimzadə də deputat seçiləcək. Belə olan halda gəncəlilərin özlərini yormalarına nə lüzüm var? Bu gün ölkəboyu YAP tərəfindən irəli sürülən namizədlər vaxtilə MM-in kürsüsündə əyləşərkən, onlar dövlətin, millətin marağının qorunmasına deyil, yalnız öz biznes imkanlarını genişləndirməklə yaddaşlarda qaldılar. MM-də əyləşib milli düşüncələrinin təbliği ilə deyil, yalnız intriqalar yaratmaqla məşğul olan, dəfələrlə saxtalaşdırılmış seçkilər nəticəsində deputat mandatı əldə etmiş şəxslərə qarşı, bu gün xalq öz dövlətinə güvənərək onlarla barışmaq fikirində deyil. Belə bir səbəb üzündəndir ki, bütün bölgələrdə, mərkəzi ərazilərdə seçici aktivliyi hiss olunmaqdadır.

Deyəsən bugünkü durum nə dünənki deputatların, nə də ki, seçki dairələrinin heç də xoşuna gəlmir. YAP əvvəlki siyahısını təzələmədiyindən və köhnə siyahıları təkrar verdiyindən, namizədlərin əksəriyyətinin seçki dairələrində qalmaqallar yaşanmaqdadır. YAP rəhbərliyi kadr potensialna bir daha nəzər salsa, yəqin ki, heç də pis olmaz. Son illər ərzində YAP-nın sıralarına həyasızcasına soxularaq, bu partiyanı özünə sipər edib karyera quranlardan, var-dövlət toplayanlardan təmizləmək üçün müvafiq addımlar atılmalıdır. Artıq özlərini ifşa etmiş namizədlər bilməlidirlər ki, onlar bir daha deputat olsalar, o halda yəqin etmək olacaq ki, həmin şəxslər özlərini xalqla birlikdə olan Prezidentə təkrar zorla sırımış olacaqlar. Bəziləri bu kimi məsələləri həssas formada ortaya çıxarırlar. Görəsən xalqın arzu və istəklərinə zidd olaraq, dünən seçilmiş deputatlar niyə bu gün özlərini təkrar ortaya atıblar? Xalq bu gün sizə deyil, dövlətə, Prezidentə güvənir. Ataların belə bir zərb məsəli var: “ətlə dırnaq arasına girən iylənmiş çıxar”. Xalqın bu gün sizə inamı heçə enib. Gəncədə yaşayan sakinlərin gözləri qarşısında YAP-ın namizədlərindən bir-ikisini çıxmaq şərtilə, çoxları küçələrdə, Facebook səhifələrində tənqid olunurlar. Onlar bitərəf namizədlər deyillər və təmsil olunduqları partiyanın düşdüyü durumu niyə düşünmürlər?. Əslində seçki prosesinə “start” verilməzdən öncə, partiyanın daxilində təmizləmə işləri aparılmalı idi. Məsələn, AMEA-nın Gəncə bölməsinin sədri Fuad Əliyevin təkidi ilə, həmçinin sabiq icra başçısı Elmar Vəliyevin sayəsində, Pərvin Kərimzadə 2013-cü ilin avqust ayında YAP Gəncə şəhər təşkilatının VIII konfransında təşkilatın sədr müavini, hakim siyasi partiyanın Gəncə şəhər təşkilatı qadınlar şurasının sədri seçilir. Bir anlığa diqqət yetirək. Gəncədə anaları, bacıları, bir sözlə xanımları görün kim təmsil edir?- Qeyri rəsmi nigahdan doğulanın birisi. Xatırlayaq ki, sovet dönəmindəki filmlərdə sinəsində partiya bileti daşıyanlar bitərəfləri arxasınca aparmaq və həmin şəxslərin dövlətə olan inam hisinini sarsıtmamaq üçün, qanlı-qadalı müharibələrdə sinələrini önə verdiklərini görmüşük. Bəs, görəsən bu gün yaşadıqlarımız nələrə dəlalət edir? Onlar partiyaya sığınıb xalqa dirsək göstərmək üçünmü addımlarını atırlar? Artıq bu gün müxalif partiyalar da, xalqın gözündə özlərini doğrulda bilmirlər. Onlar dəfələrlə xalqı yalnış addımlar atmağa sövq etdiklərindən, xalq bu gün onlar da inanmır. Artıq bu kimi partiyalara inamsızlıq hissi yarandığından, bu gün onlar meydanda tək qalıblar. Hər kəs dərk edir ki, bir neçə günə sonuclanacaq seçkilərdə dava yalnız “yorğan davası”dır. Dövlətinə, cənab Prezidentə naxələf cıxan Əli Həsənovlar, yenə də deputat adı altında özlərinin “desant”larını yerləşdirməyə çəhd etmələrinin nə ilə nəticələnəcəyi, artıq indidən əksəriyyətə bəllidir.

Bu gün biz biabırçı dava-dalaşların, bir-birilərini media qurumlarında təhqir etdirməklə ölkə gündəmini, əlalxüsus deputat kürsüsünə sahib olmaq istəyən namizədlərin xoşagəlməz addımlarının şahidi oluruq. Zənnimcə xalqın düşünən zümrəsi, belə bir biabırçılıqların nə ilə sonuclanacağını öncədən anlayır. Əgər MM-ə deputat seçkiləri korrupsiyasız həyata keçirilərsə, yəni seçki dairələrində, eləcə də yerli icra hakimiyyəti orqanlarında onların barmaqları seçkiyə girməzsə (Şeytanın barmağı kimi), bir sözlə deputatı xalq seçəcəksə, o zaman tam əmin olmaq olar ki, MM-də əksər kürsülər boş qalacaq. Artıq seçkilərə olduqca az müddət qalıb və xalqın içindən çıxan bir şəxs olaraq tam məsuliyyət hissi ilə deyirəm ki, bir- iki naziri çıxmaq şərtilə, hal-hazırda xalq Prezidentindən başqa bir kimsəyə inanmır. Ələlxüsus, ötən seçkilərdə mandat sahibi olmuş deputatlara isə, ümumiyyətlə inanmır.

Mehriban Əzizqızı
GundemXeber.Az