Ölkədə bir-birinin ardınca həyata keçirilən məmur həbsləri yeni bir prosesin başlandığı təəssüratını yaradır. 2019-cu ilin sonunda Ağstafa Rayon İcra Hakimiyyətinin başçısı Nizaməddin Quliyev və onun birinci müavini Ramiz Tatarov, Yevlax rayonun keçmiş icra başçısı Qoca Səmədov Dövlət Təhlükəsizliyi Xidməti (DTX) tərəfindən saxlanılıblar.

DTX-nın yaydığı məlumata görə, onlar vəzifə səlahiyyətlərindən sui-istifadə etməkdə, dövlət vəsaitini mənimsəməkdə, külli miqdarda rüşvət almaqda şübhəli bilinirlər. Nizaməddin Quliyevin “müntəzəm olaraq vəzifə səlahiyyətlərindən sui-istifadə etməsinə dair əsaslı şübhələr yaranıb”.

DTX oxşar əməliyyatı 3 ay sonra Neftçala rayon İcra Hakimiyyətində də keçirib. Rayon başçısı İsmayıl Vəliyev və bir neçə vəzifəli şəxsi saxlanılıb. İstintaq altına alınan məmurlar vəzifə səlahiyyətlərini aşmaqda və rüşvətxorluqda ittiham olunurlar. Gedişat onu deməyə əsas verir ki, məmur həbsləri yaxın perspektiv üçün davamlı olacaq. Növbədə hansı icra başçısının olacağı barədə isə konkret bir fikir söyləmək mümkün deyil...

Əvvəlllər də həbslər olmuşdu Əslində, həbslə müşayiət olunmasa da, indiyə qədər də bir çox məmurlara qarşı sərt tədbirlər görülüb. 2012-ci il martın 1-də Qubanın icra başçısı vəzifəsini tutan Rauf Həbibovun təhqiredici fikirlərdən hiddətlənən minlərlə qubalı etiraz aksiyası keçirib. Rauf Həbibovun villası yandırılıb. R.Həbibovun istefası tələbi ilə keçirilən aksiya iğtişaşlara çevrilib İğtişaşlardan bir müddət sonra Rauf Həbibov tutduğu vəzifədən çıxarılıb.
1 il sonra, 2013-cü il yanvarın 23-dən 24-nə keçən gecə İsmayıllı rayonunda da oxşar olay baş verib. Nizami Ələkbərov bu olaylardan az sonra vəzifəsindən çıxarıldı, lakin həbs olunmadı.

Amma yaxın keçmişdə həbsə alınan icra başçıları da olub. Məsələn, 2009-cu ildə Ağır Cinayətlərə Dair İşlər üzrə Məhkəməsi(hazırkı Bakı Ağır Cinayətlər Məhkəməsi) önünə Süleyman Rəşidov çıxarılmışdı. 1997-ci ildə Mingəçevir Şəhər İcra Hakimiyyətinin başçısı vəzifəsinə təyinat almış Süleyman Rəşidov 1 il sonra vəzifəsindən azad edilmişdi. Az sonra isə barəsində axtarış elan olunmuşdu. 2009-cu ilin sentyabrına qədər istintaqdan yayına bilən Süleyman Rəşidov külli miqdarda dövlət əmlakını talamaqda ittiham olunurdu. O, icra başçısı olmamışdan qabaq təhsil şöbəsinin müdiri vəzifəsində işlədiyi müddətdə də dövlət tərəfindən şəhərdə təhsil ocaqlarına ayrılmış külli miqdarda pulu mənimsəmişdi. O, Cinayət Məcəlləsinin 179.3.2-ci (mənimsəmə və israf etmə), 308.2-ci (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham olunub. 2010-cu ilin fevralın 12-də dövlət əmlakını talamaqda təqsirli bilinən Süleyman Rəşidovun cinayət işi üzrə məhkəmə prosesi başa çatıb. Hakim Rasim Sadıxovun sədrliyi ilə keçirilən prosesdə Mingəçevir şəhər İcra Hakimiyyətinin sabiq başçısı Süleyman Rəşidova 4 il şərti cəza verilib.

2016-cı ildə Bakı Ağır Cinayətlər Məhkəməsi önünə 1994-2001-ci illərdə Qobustan Rayon İcra Hakimiyyətinin başçısı işləyən Rafiq Alışov çıxarılmışdı. Rafiq Alışova qarşı Cinayət Məcəlləsinin 178-ci (dələduzluq), 320-ci( saxta sənəd) maddələri üzrə ittiham olunurdu. Məhkəmə Rafiq Alışovun barəsində ittihamedici hökm çıxarmışdı və 8 il 6 ay müddətinə azadlıqdan məhrum olunmuşdu.

Yardımlı “qara maskalıları” gözləyir

Yardımlıda DTX-nın rüşvətxorları qandallayan əməkdaşlarını həsrətlə gözləyir əhali. Vətəndaşlar ən çox icra başçısından daha çox onun birinci müavini, profesional korrupsioner Mahir Mirzəyevin illər boyu törətdiyi əməllərinə hüquqi qiymət verilməsini istəyir. Bu adam haqda elə təzəlikcə ölkə KİV-lərində məlumat yayıldı. Yəni 150 min manata avtomobil alması ilə bağlı. 50 min də dövlət nömrə nişanına verib. 600-700 manat alan məmur üçün bu fantastik rəqəmdir. Ancaq Mahir Mirzəyev üçün cüzi məbləğdir. Bu adam hər gələn icra başçısına rayonda ev, mülk bağışlayıb. Hər nazı ilə oynayıb ki, təki işində qalsın. Təqdim etdiyimiz videoda bunlar haqda ətraflı süjet var.

Monopolist

Qaynarxett.az-a daxil olan məlumata görə Yardımlıda icra başçısı müavini sözün həqiqi mənasında "imperiya” qurub. Bu qurulmuş "piramida”nın illərdir Yardımlını məhv etdiyini, onu geri saldığını, rüşvətin və korrupsiyanın tüğyan etməsinə rəvac verdiyini bilməyən yoxdur.

Apardığımız araşdırma zamanı rayonda həyata keçirilən və keçirilmiş tenderlərin hamısı bəlli şirkətlər tərəfindən reallaşdırlıb ki, onların da hamısı Mirzəyevlə bağlıdır. Mahir Mirzəyevin bəlli olan 42 şirkəti var. Onların hamısı tenderlərdə iştirak üçün nəzərdə tutulublar. Həmin siyahını ixtisala sizlərə təqdim edirik:

1. Bəhruz MMC

2. Deman MMC

3. Savalan 2008 MMC

4. Səbuhi MMC

5. Göy göl MMC

6. Naxis MMC

7. Veteran MMC

8. Caspian Fruit Co MMC

9. Amid MMC 10. Habil MMC

11. Rəşad MMC

12. Qadir 1960 MMC

13. Reyhan MMC və s.

14.Kainat 79 MMC

15. Qafqaztikintiquraşdırma MMC

16. Sanofen MMC

17. Trendservis MMC

18. RMT inşaat MMC

19. Terminal -A MMC

20. Azadlıq LTD

21. Constella MMC

22. Sistem X MMC

23.Retro inşaat MMC

24.Aktiv 2019 MMC

25.Ag Asto MMC

26.Papyalak MMC

27.Kaştasfiyer MMC

28.Ceburacka MMC

29.Lavars X4 MMC

30.Kayseri MMC

31.Uruqvay MMC

32.Nemansot 42 MMC

Onu da bildirək ki, Mahir Mirzəyevin bütün tayfasını rayonda rəhbər vəzifələrə yerləşdirilməsi haqda mətbuatda davamlı olaraq məlumatlar yayılır. Yardımlıdan verilən və dəqiqləşdirilmiş məlumata əsasən Mahir Mirzəyevin mütəşəkkil şəbəkəsində yer alan əsas məmurlar aşağıdakılardır:

1. Elçin Mirzəyev - başçının müavini, Mahir Mirzəyevin əmisi oğlu. Kənd təsərrüfatı sahəsinə nəzarəti həyata keçirir. Diplomunun saxta olduğu bildirilir. Qeyri qanuni yolla Yardımlınin kənd təsərrüfatı üzrə torpaqlarını zəbt edərərk Mahirlə şərik əkin sahələrinə malikdir. 500 hektardan artıq torpaq sahəsi məhz Mahir Mizəyevin atasının adına sənədləşdirilib. Bundan başqa Mahir Mirzəyevin heyvandarlıq təsərrüfatları da Elçin Mirzəyevin nəzarəti altındadır;

2. Malik Abışov - Maliyyə şöbəsinin müdiri. Belə ki, 20 ilə yaxındır ki, Maliyyə şöbəsinin müdiri vəzifəsində işləyən Malik Abışov rayona ayrılan vəsaitlərin mənimsənilməsində Mahir Mirzəyevin sag əli olaraq bilinir. Konkret olaraq bütün maliyyə maxinasiyalarının Malik Abışovun kabinetində əlaqəli idarə müdirlərinin toplantısında planlaşdırıldığı və həyata keçirildiyi bildirilir;

3. Vüqar Məmmədov - Yardımlı Rayon Polis şöbəsinin rəis müavini, Mahir Mirzəyevin qaynı. Hüquq-mühafizə orqanlarında Mahir Mirzəyevin əsas adamı hesab olunur;

4. Akif Mirzəyev - Yardımlı rayon Əmək və Əhalinin Sosial Müdafiəsi Şöbəsində müdir əvəzi, Mahir Mirzəyevin əmisi oğlu. Sosial sahəyə nəzarəti həyata keçirir. Rayonda əsasə narazılıqların başında gələn şəxslərdən biridir. Çünki bir qayda olaraq ehtiyacı olan vətəndaşlar dövlətdən sosial yardım ala bilmir. Onu da qeyd edək ki, Əmək və Əhalinin Sosial Müdafiəsi Şöbəsinin müdiri Elçin Mirzəyevin qaynıdır;

5. Manaf Balaşov - Təhsil şöbəsinin müdiri. Bu şəxsin fəaliyyəti ayrıca araşdırma mövzusudur. Rayon təhsilinə ayrılan maliyyə vəsaitlərini Mahir Mirzəyevlə şərikli şəkildə mənimsədiyi qeyd olunur. Bütün tenderlər isə bir qayda olaraq Mahir Mirzəyevin şirkətlərinə verirlir. Qeyd edək ki Rayon Təhsil şəbəsinin baş mühasibi Mahir Mİrzəyevin yeznəsidir;

6. Fəxrəddin Əkbərov - Yardımlı rayon Mərkəzi Xəstəxanasının baş həkimi. Fəxrəddin Əkbərov da Mahir Mirzəyevin birbaşa kurasiyasında çalışır. Hər ay Mahir Mirzəyevə «aylıq» verməklə yanaşı, baş həkim rayon Səhiyyə İdarəsinə ayrılan vəsaitləri Mahir Mirzəyevlə şərikli şəkildə mənimsəyirlər və yenə də tenderləri bir qayda olaraq Mahir Mirzəyevin «10 mantlıq MMCləri» udur. Ümumiyyətlə isə Yardımlıda səhiyyənin vəziyyəti elə bərbad haldadır ki, bu vəziyyəti görən yoxlamalar hər dəfə baş həkimdən külli miqdarda «bəxşiş» alıb rayonu tərk edirlər;

7. Rakif Səlifov - Gənclər və İdman idarəsinin müdiri. Mahir Mirzəyevin xalası oğlu. Bu sahəyə ayrılan vəsitləri də Mahir Mirzəyev xalası oğlunun əli ilə mənimsəyir;

8. Əli Babayev- Keçmiş Torpaq şöbəsinin müdiri. Mahir Mirzəyevin yeznəsidir. Rayon ərazisində satılan bütün torpaqlara bu şəxs nəzarət edirdi və bütün satışların haqqını birbaşa Mahir Mirzəyevə çatdırırdı;.

9. İlham Abdulov - Qaz idarəsinin mühəndisi, Mahir Mirzəyevin bibisi oğlu;

10. Elman İsmayılov - Meşə idarəsinin mühasibi, Mahir Mirzəyevin bacanağı. Rayonun meşə təsərrüfatına bütün nəzarəti o həyata keçirir. Həmçinin Mahir Mirzəyevin digər bacanağı Asif Təhməzov Meşə idarəsinin inspektor işləyir;

11. Samir Camalov - ƏƏSM-nin mühasibi, Mahir Mirzəyevin bibisi oğlu;

12. Cavid Rufullayev - MKTB-nin rəisi, Mahir Mirzəyevin qaynı;

13. Azad Nəzərov - Təhsil şöbəsinin baş mühasibi, Mahir Mirzəyevin yeznəsi;

14. Anar Alışov - Gənclər İdman İdarəsinin rəisi, Mahir Mirzəyevin qohumu;

15. Xalıq Alışov - Arxivin müdiri, Mahir Mirzəyevin qohumu;

16. Əlhüseyn Alışov - Şəhər bələdiyyəsinin sədri, Mahir Mirzəyevin qohumu;

17. İqbal Ağayev - Telekomunnikasiya Qovşağının rəisi, Mahir Mirzəyevin yeznəsinin qardaşı;

18. İlham Rzayev - Şəhər İcra nümayəndəsi, Mahir Mirzəyevin qohumu;

19. Şahlar Əliyev - Toxumçuluq idarəsinin rəisi, Mahir Mirzəyevin yeznəsinin qardaşı;

20. Qoşqar Mirzəyev - Qaz idarəsinin işçisi, Mahir Mirzəyevin əmisi oğlu;

Bundan başqa Mahir Mirzəyevin Bakıda da geniş imkanları var. Məsələn, Bakıda 28 May metrosunun yaxınlığında mənzillər isə ilkin kapital qoyulmuş sahələrdir. Çünki Patamdarda böyük həyət evi, Mərdəkanda həddindən artıq bahalı olan bağ evi Mirzeyevi saxta MMC-lərdən qazandığı pulların hesabına ərsəyə gəlib.

Mirzəyevin sahib olduqları bununla bitmir. Mənbənin iddiasına görə, Yardımlı rayonunun mərkəzindəki Universamın binası, rayonun çıxışındakı Yanacaq Doldurma Məntəqəsi, köhnə Maliyyə İdarəsinin binası, Yardımlı Musiqi Məktəbinin binası, Meşə Təsrrüfatı İdarəsinin binasını Mirzəyev özəlləşdirərək sahibkara çevrilib. Hazırda dövlət qurumu yəni Meşə Təsrrüfatı İdarəsi o binada hörmətli müavinə icarə haqqı ödəyir.

İcra başçısının son illərdə oliqarxa çevirilməsi onun 100-150 min manatlıq avtomobillərə də sahib olması və dəbdəbəli həyat tərzi keçirməsi Yardımlıda hər kəsə ayandır.



Gundemxeber.Az