Görün nələr baş verir? Masallı Regional Meşə Təsərrüfatı Mərkəzinin qanunsuzluqları barədə faktlarla məlumat verirəm. Xahiş edirəm araşdırasınız.

Masallı Regional Meşə Təsərrüfatı Mərkəzinin inzibati binasının təmirinə ayrılan vəsaitin çox hissəsini Meşələrin İnkişafı Departamentinin direktoru Ağaqardaş Qaraşov və onun Masallı RMTM-də işləyən qohumu (qızının qaynatası) Adil Quliyevlə birlikdə qanunsuz şəkildə mənimsədilər. İnzibati binanın təmir işlərini və ayrılan vəsaiti üzləşdirsəniz sübuta yetiriləcək.

Masallı Regional Meşə Təsərrüfatı Mərkəzinin işçiləri bayram, şənbə və bazar günləridə daxil olmaqla iş saatından artıq işlədilir. Burada işləyən II qrup əlil şəxslərdə qanuni şəkildə göndəlik iş saatı həftənin birinci günü 8 saat, digər günləri 7 saat olsa da qanunsuz şəkildə onlar iş vaxtından artıq işlədilib. Son 5 (beş) ayın iş tabellərini yoxlasanız bunun şahidi olacaqsınız. Bundan başqa Nazirlər Kabinetinin qərarına əsasən II qrup işləyən əlillərə işlədiyi müəssisə tərəfindən əlavə olaraq əmək haqqının 25 % -i qədər ödənilməli olsa da bu günə kimi ödənilməmişdir.

Əkin işləri iməcilik adı altında işçilərə hədə qorxu gələrək aparılır. Əkin naryadlarını yoxlasanız bunun şahidi olacaqsınız.

İşçilərin Əmək haqqları əmək müqaviləsində göstərildiyi vaxtdan gec ödənilir. Müqaviləni və Əmək haqqının köçürülmə tarixlərini araşdırsanız bunun şahidi olacaqsınız.

Masallı Regional Meşə Təsərrüfatı Mərkəzininə arılan yanacaq qanunsuz şəkildə mənimsənilir. Yol-vərəqələrini və müqaviləsi olan yanacaqdoldurma məntəqəsinin videokameralarını araşdırmaqla bunu sübuta yetirə bilərsiniz.

Nazirin adından istifadə edərək Masallı RMTM-nin rəhbərliyi işçilərə hədə qorxu gələrək bütün əkin işlərini qanunsuz şəkildə həyata keçirməyə çalışır.

Son vaxtları Nazir müavini Firdovsi Əliyev və Meşələrin İnkişafı Departamentinin direktoru Ağaqardaş Qaraşov qanunsuz şəkildə, heç bir məntiqə sığmayan xaincəsinə Cəlilabad və Yardımlı meşələrinin məhv olunmasına və Cəlilabad və Yardımlı meşə işçilərinin qanunsuz şəkildə işdən çıxarılmasına yönələn Masallı Regional Meşə Təsərrüfatı Mərkəzi üçün yeni ştat cədvəli təsdiq edib. Həmin ştat cədvəlini Nazir müavini Firdovsi Əliyev təsdiq edib. Həmin yeni Meşələrin İnkişafı Xidmətinin yaradılması ilə əlaqədar Masallı RMTM üçün təsdiq edilmiş ştat cədvəlini və həmin 3 (üç) rayon Masallı, Yardımlı və Cəlilabad rayonlarının meşə ərazilərini və onların relyefini müqayisə etsəniz söhbətin hansı qanunsuzluqdan getdiyinin şahidi olacaqsınız.


Bir daha xahiş edirəm göstərdiyim bu 7 (yeddi) faktı araşdırsanınız və qanunamüvafiq tədbir görəsiniz.

İbad Manafov