Son zamanlar dünyada qlobal şəkildə aktual problem olan koronavirus (COVİD-19) çox sürətlə yayılaraq pandemiya halını aldı. Çin Xalq Respublikasının Xuan şəhərindən başlayaraq bütün yer kürəsini bürüyən bu virus, artıq dünyanın 204 dövlətini özünə qarşı birləşməyə məcbur etdi.

Ümumdünya Səhiyyə Təşkilatının tövsiyyələrinə uyğun olaraq, bu gün ölkəmizdə də zəruri tədbirlər görülür. Bu tədbirlərə dövlət başçısının uyğun fərman və sərəncamlarını, Operativ Qərargahın yaradılmasını, Nazirlər Kabinetinin müvafiq qərarlarını misal gətirmək olar. Bütün bu tədbirlər birmənalı şəkildə insan həyatının qorunmasına yönəlir və onlara qeyd-şərtsiz hər bir dövlət qurumu və vətəndaş tərəfindən əməl edilməsi vacibdir. Tədbirlərdən ən əsası vətəndaşların kütləvi toplaşdığı tədbirlərin ləğv edilməsi, təxirə salınması, tədrisin müəyyən dövr üçün dayandırılması, bayram tədbirlərinin ləğvidir. Bütün bunlar vətəndaşların sağlamlığının qorunması, kütləvi yoluxmanın qarşısının alınması üçündür.

​ ​ Yuxarıda qeyd olunan ciddi tədbirlərin təşkil olunmasına baxmayaraq, bəzi təşkilatların​ rəhbərləri bu yöndə qəbul olunmuş qaydaları pozmaqdan çəkinmirlər. Belə ki,
“Azəristiliktəchizat” ASC və bu qurumun sədri Yaşar Həsənov, bütün rəsmi qərar və göstərişlərin onun rəhbərlik etdiyi quruma aid olmadığını düşünmək olar. O, qeyd olunanlara məhəl qoymayaraq, ASC əməkdaşlarının həyatına dəyər vermir və adını ixtisasartırma kursu qoyduğu tədbirinə davam edir. Yəni, bu şəxs dövlət başçısının sərəncam və göstərişlərinə əməl etməkdən boyun qaçırır. Nazirlər Kabinetinin qərarlarını özünə sərf edən formada təhlil edib, ​ Novruz Bayramı günlərinin qeyri-iş günü olması ilə bağlı keçirilməsi nəzərdə tutulan tədbirlərin ləğv olunduğunu əlində bayraq tutaraq, işçilərə verilən bayram məvacibini kəsməkdən belə çəkinməmişdir.

GundemXeber.Az