Hər kəsə məlumdur ki, Gəncəli Yunis Səfərov 2018-ci il iyul ayının 3-də​ Gəncə şəhər İcra Hakimiyyətinin sabiq başçısı Elmar Vəliyevə və Gəncə şəhər Baş Polis İdarəsinin əməkdaşı, polis serjantı Qasım Aşbazova odlu silahdan atəş açmaqla, hər iki şəxsə müxtəlif dərəcəli bədən xəsarətləri yetirmşdir.

Onu da bildirək ki, baş verən qanlı olay uzun müddət geniş ictimaiyyətin daha çox müzakirə etdiyi mövzulardan biri oldu. Düzdür, həmin vaxtlarda müxtəlif təhlillər aparıldı, ortaya fərqli yanaşmalar və s. qoyuldu. Amma, zaman keçdikcə mövzu gündəmdən düşdü və bu gün bir növ unudulmaq üzrədir. Bir məqamı da qeyd edək ki, Yunis Səfərovun açdığı atəş nəticəsində güllə yarası alan, amma uzun müddətli müalicədən sonra səhhəti bir qədər qaydaya düşən Elmar Vəliyevin, hal-hazırda Səbail rayonu ərazisindəki Nizami kinoteatrının arxasında, daha dəqiq desək Qara Qarayevin heykəli ilə üzbəüz ərazidə yerləşən evi, Səhiyyə nazirliyinin bir qrup əməkdaşları tərəfindən tam nəzarətə alınıb. Belə ki, Təcili Tibbi Yardıma məxsus bir personalın gündəlik növbəli şəkildə qeyd olunan ərazidə keşik çəkməsi, çoxları kimi bizim də marağımıza səbəb olmaqdadır. Çünki, bəzən kimlərsə təcili yardıma zəng edərkən olmazın problemlərlə üz-üzə qalsa da, deyəsən həkim sarıdan ​ Elmar Vəliyevin ​ gündəlik “bəxti gətirir”.

Gundemxeber.Az