Dostumuz Oktay Qasımov, 2015-ci ildən etibarən hər il 4 iyun Gəncə qiyamı ilə əlaqədar mətbuatın diqqət mərkəzində olur. Prezident köməkçisi kimi prosseslərin tam mərkəzində olduğu üçün buna təbii yanaşmaq lazımdır.

Mənim də məlumatım olan və Qasımovun illərdən bəri səsləndirdiyi bir fikir nədənsə məhz, 2020-ci ildə bu qədər hay-küyə səbəb oldu.



Söhbət ondan gedir ki, 15 iyun 1993-cü ildə Heydər Əliyev Ali Sovetin sədri seçilən günün səhərisi Rəsul Quliyev, Etibar Məmmədov və Rəhim Qazıyev Müdafiə Nazirliyində olub, nazirliyin kollegiyasından Ali baş komandanın Gəncə qiyamının yatırılması yönündə verə biləcək əmrlərə tabe olmamaq haqqında bəyanatın qəbul olunmasına nail olublar!
Mən də bu barədə 24 iyun tarixində AzerFreedoom kanalının Elçibəyin doğum gününə həsr olunmuş verilişində şərh yazdım.



Qurban Məmmədov şərhi oxuyaraq məni sənəd, əsas təqdim etmədən belə bir fikir irəli sürdüyümə görə "şaiyəyayan" adlandırdı. Səhərisi onunla əlaqə yaradıb, faktın mövcudluğunu bir daha təsdiqlədim, özümün hal-hazırda Vətəndən kənarda olduğumu və şübhəsi varsa, Rəhim Qaziyevə müraciət etməsini xahiş etdim. Sağ olsun, sözümü yerə salmadı. Dediklərini dinləyib, dəyərləndirin.
Uzun, yorucu status yazmaq fikrim yoxdur.
Sadəcə, Rəhim Qaziyevin Qurban Məmmədov vasitəsiylə cəmiyyətə verdiyi mesaj budur ki, o görüş olub, məqsədi də guya qiyamın yatlrılması üçün döyüş bölğələrindən qoşun hissələrinin çıxarılması haqqında ona məlumat verildiyi olub.
Növbəti ağ YALAN və niyə məhz 16 iyun.
Birincisi, Heydər Əliyev Bakıya dəvət olunmuşdu və hələ Ali Sovetin sədri seçilməmişdən onun iştirakı olmadan qərarlar qəbul olunmurdu.
İkincisi, Abdulla Allahverdiyev (DİN), Fəxrəddin Təhməzov (MTN) və Dadaş Rzayev (MN) istefa vermişdilər onların vəzifələrinin icrası Heydər Əliyevlə razılaşdırılaraq müvafiq olaraq Rövşən Cavadov, Namiq Abbasov və Səfər Əbiyevə həvalə edilmişdir.



Üçüncüsü, Prezident Elçi Bəyin 4 iyunda baş vermiş qiyamı yatırmaq üçün cəbhə bölgəsində qoşun cəlb etmək niyyəti olsaydı Dövlətə silah çəkmişlər haqqında amnistiya elan edib siyasi üsullarla məsələni həll etmək üçün Heydər Əliyevi Naxçıvandan Bakıya niyə dəvət edirdi? Və bunun məntiqi nəticəsi kimi 15 iyunda, məhz hakimiyyəti bölüşməklə ölkədə qarşıdırmaya son qoymağın mümkünlüyünə Milli Məclisi inandırıb Heydər Əliyevə səs vermələri üçün hətta təzyiq etməkdən çəkinməyib.
Rəhim Qaziyev kimə göstəriş verəcəydi cəbhə bölgəsindən qoşun hissələrinin çıxarılmasına.?
Elçibəymi?
Yaşınızın ahıl vaxtında, özünüzü güldürməyin, başqa söz yazmağa tərbiyəm imkan vermir. Hərgah, çoxuna layiqsiniz!
P.S. Rəhim Qazıyev küçə uşaqları kimi, dəstənin (şaykanın) günahını öz üzərinə götürməklə guya "mujiklik"edir. Deyir, Etibarla Rəsul susublar.
Nə qədər çalışıram nə Etibarı, Nə Rəsulu Rəhimin yanında nə müqəvva nə də madam Tüssonun mum heykəllərinə bənzədə bilmirəm.
P.P.S. Sizi ora kim buraxmışdı, ay keçmiş müdafiə naziri. Müxalifət partiyasının sədri və baş nazirin müavini keçmiş müdafiə nazirini nə məqsədlə və kimdən razılıq alıb müşayət ediblər, bundan danış.
Nağılı evdə nəvələrin yatmayanda onlara danışarsan!

Elçin Paşayev

GundemXeber.Az