​ Əldə etdiyimiz bəzi məlumatlara görə, hər iki şəxsin vaxtilə daşıdıqları vəzifələrə təsdiq olunmaları üçün, Azərbaycanın nüfuzlu hərbçilərindən biri (hələlik müəyyən səbəblər üzündən ad çəkmirik) icra başçısı cənab Namiq Zeynalova xahiş-minnət edir.

Hər kəsə bəllidir ki, koronovirus (COVİD-19) pandemiyasına qarşı aparılan mübarizə tədbirləri çərçivəsində, yəni bu infeksiyanın ölkəmizin ərazisində yayılmasının, onun törədə biləcəyi fəsadların qarşısının alınması məqsədilə, Azərbaycan Respublikasının Sanitariya-epidemioloji salamatlıq haqqında Qanununun 25-ci maddəsinə əsasən, Azərbaycan Respublikasında 24 mart 2020-ci il saat 00:00-dan etibarən 20 aprel saat 00:00-dək xüsusi karantin rejimi tətbiq olunmuşdu. Qeyd edək ki, xüsusi karantin rejiminin tətbiq olunması səbəbindən, br çox sahələr üzrə məhdudlaşdırıcı addımlar atılmış, ələlxüsus insanların “Evdə qal” kompaniyası çərçivəsində (bəzi hallar istisna olmaqla) çölə çıxmaları qadağan olunmuşdu. Belə bir vaxtda Heydər Əliyev Fondu tərəfindən, ölkəmizin bir çox imkanlı şəxsləri və xeyriyyəçiləri tərəfindən koronovirus pandemiyasına qarşı aparılan mübarizə tədbirləri çərçivəsində müxtəlif ərazilərdə yaşayan insanlara, o cümlədən Cəlilabad rayonunun Şiləvəngə kənd inzibati ərazi dairəsində yaşayan imkansız ailələrə, xəstələrə, əlillərə, yaşlılara və s. kimi kateqoriyadan olan insanlara ərzaq yardımları göndərilir. Təəssüf hissi ilə qeyd edək ki, insanların olduqca ​ ağır durumda olduqları bir vaxtda Cəlilabad rayon İcra Hakimiyyəti başçısının Şiləvəngə kənd inzibati ərazi dairəsi üzrə nümayəndəsi Bağır Şirəliyev və onun müavini Rəşad Seyfullayev, göndərilmiş yardımları müxtəlif yollarla mənimsəyirlər. Yəni, belə bir olayın baş verməsindən sonra, yaşananlarla bağlı bir çox media qurumlarında silsilə tənqidi açıqlamalar yayımlandı və bütün ölkə ictimaiyyəti bu haqda məlumatlı oldu. Bu yöndə aparılan araşdırmalar zamanı o da müəyyən olunur ki, inzibati ərazi nümayəndəliyinə daxil olan Adanalı, Şiləvəngə və Abışabad kəndlərində yaşayan əksər imkansız ailələrə ərzaq yardımları verilməyib və Bağır Şirəliyevin mənimsədiyi ərzaq məhsulları onun yaşadığı evdən maddi sübut olaraq götürülür. Atılan bu cür iyrənc və çirkin addımlardan sonra, Şiləvəngə kənd inzibati ərazi dairəsi üzrə nümayəndəsi Bağır Şirəliyev və onun müavini Rəşad Seyfullayev, Cəlilabad Rayon İcra Hakimiyyətinin başçısı cənab Namiq Zeynalovun əmri ilə daşıdıqları vəzifələrindən azad olundular. Son vaxtlar əldə etdiyimiz bəzi şifahi məlumatlara görə, Şiləvəngə kənd inzibati ərazi dairəsi üzrə sabiq nümayəndəsi Bağır Şirəliyev və onun müavini Rəşad Seyfullayev bir daha daşıdıqları vəzifələrinə sahiblənmək istəyirlər və belə bir istəklərini həyata keçirmək üçün müxtəlif variantlara da əl atırlar. Hətta əldə etdiyimiz bəzi məlumatlara görə, hər iki şəxsin vaxtilə daşıdıqları vəzifələrə bir daha təsdiq olunmaları üçün, Azərbaycanın nüfuzlu hərbçilərindən biri (hələlik müəyyən səbəblər üzündən ad çəkmirik) icra başçısı cənab Namiq Zeynalova xahiş-minnət edir. Çox maraqlı və düşündürücü haldır ki, ictimaiyyət arasında az-çox hörməti olan həmin hərbçi, bu gün belə bir iyrənc işlərə qol qoyur və imkansız insanlara göndərilmiş yardımları mənimsəyən həmin şəxslərlə bağlı, bir növ “qladiator”luq edir.

​ ​ Əslində o halın varlığını da unutmaq olmaz ki, Şiləvəngə kənd inzibati ərazi dairəsi üzrə sabiq nümayəndəsi Bağır Şirəliyevin və onun müavini Rəşad Seyfullayevin atdıqları addımlar, bir müddət bundan öncə ölkə gündəmini zəbt edən əsas mövzulardan birinə çevrilmişdi. Ona görə də düşünürük ki, əgər hansısa yollarla hər iki şəxs bir daha daşımış olduqları vəzifələrə təyin olunarlarsa, o halda Cəlilabad Rayon İcra Hakimiyyətinin başçısı cənab Namiq Zeynalov böyük bir məsuliyyəti öz üzərinə götürmüş olacaq. Onu da unutmayaq ki, bu cür əməl sahiblərinin atdıqları addımlar birbaşa cənab İlham Əliyevin ölkə əhalisizliyinin təhlükəsizliyinin təmin olunması, dolanışıq şəraitnin yaxşılaşdırılması, imkansız insanlara dayaq olunması və s. yöndə etdiyi çağırışlara qarşı çıxmaqdır, birbaşa qol qoyulan xəyanətdir. Oxşar xəyanətə qol qoyan İsmayıllı Rayon​ İcra​ Hakimiyyəti başçısının​ İsmayıllı şəhəri üzrə icra nümayəndəsi​ Məhərrəm Əhmədovun nəinki daşıdığı vəzifəsindən uzaqlaşdırıldı, hətta barəsində 4 aylıq həbs-qəti imkan tədbiri də seçildi. Yəni, bu mövzuda yaşanan bir neçə olayın varlığını misal çəkmək olar.

​ Media üzərindən apardığımız araşdırmalardan və Cəlilabad Rayon İcra Hakimiyyəti Aparatı əməkdaşlarından əldə etdiyimiz məlumatlardan aydın olur ki, bu gün də Şiləvəngə kənd inzibati ərazi dairəsi üzrə nümayəndə və müavin vəzifələrinə kimlərsə təyin olunmayıblar. Belə bir halın varlığı da, məhz ortaya çoxsaylı sualların çıxmasına səbəb olmaqdadır.
​ Mövzunu diqqətdə saxlayacağıq.

GundemXeber.Az