​Müstəqil Azərbaycanın ən uzun ömürlü Baş Prokuroru olan, yəni 25 aprel 2000-ci il tarixdən Azərbaycan Respublikasının Baş Prokuroru vəzifəsini daşıyan Zakir Qaralov, nəhayət bu ilin aprel ayında daşıdığı vəzifəsindən uzaqlaşdırıldı.

Qeyd edək ki, bu şəxsin 20 illik Baş Prokuror olduğu dövrdə ölkəmizdə çoxsaylı cinayət hadisələri baş versə də, məhz onların çoxunun üstü açılmadı. Hətta, Zakir Qaralovun vəzifəsini icra etdiyi ötən illər ərzində elə bir cinayət hadisələri də baş verir ki, həmin hadisələrlə bağlı bəzi gizlinlərin üstü bu gün açılmağa başlayır.

Bəzi çevrələrdə dolaşan söz-söhbətlərə görə, çoxsaylı cinayət hadisələrinin baş verməsində, sifarişli həbs mötivlərinin həyata keçirilməsində və s. bu şəxsin “işarəverən barmağı” xüsusi rol oynayır. Məsələn, vaxtilə Zakir Qaralovun verdiyi sifariş əsasında ömürlük həbs cəzasına məhkum edilən Şəmsi Səmədzadə, artıq 20 ildir ki, məhbəs həyatı yaşamaqdadır. Əldə etdiyimiz müəyyən məlumatlara görə, bacarıqlı iş adamı olan Şəmsi Səmədzadə Göygöl rayonunda ərsəyə gətirdiyi şərab zavodunun məhsullarını Azərbaycanın hər guşəsində məşhur edə bilir. Yəqin ki, bir vaxtlar ”Zod'” adında istehsal olunan və çoxsaylı müştərilərin zövqünü oxşayan​ şərablar əksəriyyətin yadında qalmış olar. Belə bir bacarıqlı işadamını ömürlük həbs etdirmək, sanki heç bir əxlaqa sığmayan addımdır.

​ ​ ​ ​ Sahibkar Şəmsi Səmədzadəni yaxından tanıyanlar, onun işgörmək bacarığına yaxından bələd olanlar, vaxtilə Zakir Qaralovun vermiş olduğu sifariş əsasında ömürlük həbs cəzasına məhkum edilmiş bu şəxsə bəraət verilməsini və 20 illik məhkumluq həyatı yaşamasının ziyanının sabiq Baş Prokuror tərəfindən ödənilməsini tələb edirlər.

Nəzərə alsaq ki, Şəmsi Səmədzadənin ötən 20 il müddətində dövlət büdcəsinə nə qədər ödəməli olduğu maliyyə vəsaitlərinin qarşısı alındı. Ölkəmizin büdcəsinə belə bir ziyanın vurulmasına kim səbəb oldu, o halda hər kəsə həmin şəxsin kimliyi bəlli olar. Bundan əlavə, həmin şəxsin Azərbaycan xalqına və dövlətinə xain olması, qənim kəsilməsi qənaətinin formalaşması da qaçılmaz olacaq.​

Şirin Cəfəri
GundemXeber.Az ​