Məlum olduğu kimi,yanvar ayının 1-dən ölkəmizdə icbari tibbi sığortanın tətbiqinə başlanılıb.Bununla bağlı Prezident İlham Əliyevin Fərmanına əsasən Səhiyyə Nazirliyinin strukturunda dəyişikliklər edilmiş,quruma tabe olan bir çox səhiyyə müəssisəsi yeni yaradılmış “Tibbi Ərazi Bölmələrini İdarəetmə Birliyi”nin (TƏBİB) balansına keçirilmişdir.Lakin bu gün insanların bir çoxu hansı tibb müəssisəsinin Səhiyyə Nazirliyinə,hansıların isə “TƏBİB”-ə tabe olması barədə hələ də məlumatlı deyillər.Təbii ki,bunun əsas səbəbi,elə işlərini günün tələbləri səviyyəsində qura bilməyən səhiyyə müəssisələrinin özündədir.Ölkə başçısının verdiyi Fərmandan və Nazirlər Kabinetinin çıxardığı qərardan artıq xeyli müddət keçməsinə baxmayaraq TƏBİB -ə tabe olan səhiyyə müəssisələrinin böyük əksəriyyəti hələ də rəsmi blanklarında Səhiyyə Nazirliyinin müəssisəsi kimi göstərilir.İnsanlar arasında çaşqınlıq yaradan da məhz bu amillərdir.

Aşağıda adlarını çəkdiyimizin hamısı TƏBİB-in balansına verilmiş səhiyyə müəssisələridir.Lakin sözügedən müəssisələrin bir neçəsi istisna olmaqla,mühafizə xidmətinin təşkili ilə bağlı elan etdikləri tenderlərdə əksəriyyəti hələ də Səhiyyə Nazirliyinə tabeli qurum kimi göstərilir.Bu isə TƏBİB tərəfindən idarəetmənin zəif təşkil olunmasından xəbər verir.

GundemXeber.Az bildirir ki, aktualinfo.org TƏBİB-ə tabeli səhiyyə müəssisələrində mühafizə xidmətinin təşkil olunması ilə bağlı elan olunmuş tender prosedurlarının keçirilməsində bir sıra suallar doğuracaq maraqlı məqamları araşdırıb.Belə ki, TƏBİB və Səhiyyə Nazirliyinə tabeli səhiyyə müəssisələri tərəfindən 10.10.2019-cu il tarixdən 28.07.2020-ci il tarixə qədər,yəni cəmi 10 ay ərzində aşağda göstərdiyimiz səhiyyə müəssisələrində mühfizə xidmətinin aparılması üçün “TİİM” Məhdud Məsuliyyətli Cəmiyyətin hesabına ümumi olaraqq 1 092 115 manat dövlət vəsaiti köçürülüb.Bu vəsaitlər tibb ocaqlarında mühafizə xidməti aparan şəxslərin aylıq əmək haqqına ayrılıb.Diqqətlə fikir verdikdə nələri görmüş oluruq. Məsələn,Respublika Neyrocərrahiyyə Xəstəxanasının 24 nəfər tərəfindən il ərzində mühafizə olunmasına 62503.32 manat,Azərbaycan Elmi Tədqiqat Travmatalogiya və Ortopediya İnstitutunun 2 nəfər tərəfindən mühafizə olunmasına da 62955.36 manat.Fərqə fikir verdinizmi?Qeyd edək sözügedən tibb məssisələrinin mühafizə xidmətindəndə çalışanların aylıq əmək haqqı 350 manat,uzağı 400 manatdır.Bəs bu qədər dövlət vəsaiti hara gedir?

İndi isə “TİİM” Məhdud Məsuliyyətli Cəmiyyətinin mühafizə etdiyi səhiyyə müəssisələrini və onlara ayrılmış vəsaitləri diqqətinizə çatdırırıq.

“Respublika Neyrocərrahiyyə Xəstəxanası” Publik Hüquqi Şəxs tərəfindən 28.07.2020-ci il tarixdə bağlanmış müqaviləyə əsasən il ərzində 24 nəfərin qurumda mühafizə xidmətlərinin göstərilməsinə 62503.32 manat.

Azərbaycan Elmi Tədqiqat Travmatalogiya və Ortopediya İnstitutu tərəfindən 27.07.2020-ci il tarixdə bağlanmış müqaviləyə əsasən il ərzində 2 nəfərin qurumda mühafizə xidmətlərinin göstərilməsinə 62955.36 manat

Ə.Əliyev adına Sumqayıt Tibb Kolleci tərəfindən 21.07.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 34900 manat.

Bakı şəhər Baş Səhiyyə İdarəsi tərəfindən 17.07.2020-ci il tarixdə bağlanmış müqaviləyə əsasən il ərzində 7 Birləşmiş Şəhər Xəstəxanasında 11 nəfərin mühafizə xidmətlərinin göstərilməsinə iki tender yolu ilə 111756.62 və 160943.76 manat.

Sumqayıt şəhər Narkoloji Dispanseri tərəfindən 09.07.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 35000 manat.

“Şamaxı Müalicə Diaqnistika Mərkəzi” Publik Hüquqi Şəxsi tərəfindən 23.06.2020-ci il tarixdə bağlanmış müqaviləyə əsasən il ərzində 3 nəfərin qurumda mühafizə xidmətlərinin göstərilməsinə 62940.48 manat.

Sumqayıt şəhər Psixiatriya Xəstəxanası tərəfindən 16.06.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 47925 manat.

Ə.Əliyev adına Azərbaaycan Dövlət Həkimləri Təkmilləşdirmə İnstitutu tərəfindən 31.05.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 47700 manat.

Azərbaycan Respublikası Səhiyyə Nazirliyinin Tibbi Reabilitasiya Xəstəxanası tərəfindən 30.05.2020-ci il tarixdə bağlanmış müqaviləyə əsasən il ərzində 12 nəfər mühafizə xidmətlərinin göstərilməsinə 62969.52 manat.

Azərbaycan Respublikası Səhiyyə Nazirliyinin Zaqatala Müalicə Diaqnostika Mərkəzi (qurum TƏBİBƏ tabedir) tərəfindən 18.05.2020-ci il tarixdə bağlanmış müqaviləyə əsasən il ərzində 1 nəfərin qurumda mühafizə xidmətlərinin göstərilməsinə 62969.52 manat.

Azərbaycan Respublikası Səhiyyə Nazirliyinin Qəbələ Müalicə Diaqnostika Mərkəzi (qurum TƏBİBƏ tabedir) tərəfindən 12.05.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 62941.2 manat.

“Bərdə Müalicə Diaqnistika Mərkəzi” Publik Hüquqi Şəxsi tərəfindən 01.05.2020-ci il tarixdə bağlanmış müqaviləyə əsasən il ərzində 10 nəfərin qurumda mühafizə xidmətlərinin göstərilməsinə 62969.52 manat

Azərbaycan Respublikası Səhiyyə Nazirliyinin Qazax Müalicə Diaqnostika Mərkəzi (qurum TƏBİBƏ tabedir) tərəfindən 22.04.2020-ci il tarixdə bağlanmış müqaviləyə əsasən il ərzində 1 nəfərin qurumda mühafizə xidmətlərinin göstərilməsinə 62962.44 manat.

Azərbaycan Respublikası Səhiyyə Nazirliyi tərəfindən 24.02.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 47640 manat.

“Sanator-Kurort Reabilitasiya Mərkəzi”Publik Hüquqi Şəxsi tərəfindən 19.02.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 49480.2 manat.

Uşaq Nevroloji Xəstəxanası tərəfindən 19.02.2020-ci il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 6416.66 manat.

Kliniki Tibb Mərkəzi tərəfindən 22.11.2019-cu il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 34920 manat.

“Sanator-Kurort Reabilitasiya Mərkəzi”Publik Hüquqi Şəxsi tərəfindən 10.10.2019-cu il tarixdə bağlanmış müqaviləyə əsasən il ərzində sayı açıqlanmayan nəfərin qurumda mühafizə xidmətlərinin göstərilməsinə 12250 manat

Qeyd edək ki, İqtisadiyyat Nazirliyi yanında Dövlət Vergi Xidməti, kommersiya qurumunun hüquqi şəxslərin dövlət reyestrinə daxil edilmiş məlumatlarına görə “TİİM” Məhdud Məsuliyyətli Cəmiyyəti 03.06.2011-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alınıb.MMC-nin hüquqi ünvanı Bakı şəhəri,Nərimanov rayonu,Zeynal Xəlil ev 14,nizamnamə kapitalı 10 manatdır.MMC-nin qanuni təmsilçisi Manafov İlham Sabir oğludur.

GundemXeber.Az