Ölkənin gömrük sistemində iki il əvvəl baş verən dəyişikliklər inhisarçılığın, korrupsiyanın faiz etibarı ilə azalmasına gətirib çıxarmasa da, müəyyən monopolist qüvvələrin tərki-silah edilməsilə nəticələnib.

Vaxtilə gömrük sistemində “meydan sulayan” mafioz qrupların, “broker Əbülfəz” ləqəbli Əbülfəz Məlikovun, “Karqo Şamil”in, ən əsası Bakı Baş Gömrük İdarəsinin illərlə rəisi olmuş Vüsal Novruzovun təsirlərinin minimuma endirilməsi bəzi dəyişikliklərə səbəb olub.
Bu dəyişikliyin mahiyyəti V.Novruzov başda olmaqla bəzi qrupların vəzifədən gedişi ilə barışmaması, çıxdaş olunmağı həzm etməməsidir.
Xüsusən Dövlət Gömrük Komitəsinin sədri postuna Səfər Mehdiyevin gətirilməsi sabiq rəis Aydın Əliyevin, o cümlədən V.Novruzovun ürəyinə sancılan xəncər effekti verib. Odur ki, sabiqlərin hazırkı gömrük rəhbərliyi əleyhinə kampaniya apardığı iddiaları səslənməkdədir.
Bu barədə GundemXeber.Az-ın əldə etdiyi məlumatda iddia edilir ki, V. Novruzov gömrüyün yeni rəhbərliyinə qarşı kompromat savaşında xəlvəti şəkildə iştirak edir.
Onun bu prosesdə rolunun nədən ibarət olduğu haqda müfəssəl məlumatlar açıqlanmasa da, vəzifədən getdikdən sonra qəzəbli olduğu bildirilir.
Bu da anlaşılandır - böyük pullar, gəlirlər əldən çıxıb, biznes imkanları əvvəlki qədər geniş deyil, gömrüyə təsir gücü azalıb və yeni vəzifəyə təyinatı əsla gözlənilmir.
Ona görə V.Novruzov özündən sonra gömrükdə neqativ halların azalmadığını müşahidə etdiyi üçün bu silahdan istifadə etdiyi iddiaları var.
Ümumiyyətlə, V.Novruzov sıradan gömrük genaralı və ya idarə rəisi deyildi. O, nazir Kəmaləddin Heydərova qeyri-rəsmi bağlı kadrdı. Hətta nazirin şirkətlərinin mühasibatlığını onun apardığı söylənilir.
Gömrüyün isə qeyri-rəsmi kuratoru olmuş K.Heydərovun bu sektoru demək olar ki, itirməsi, kadrlarının sistemdən uzaqlaşdırılması həzm edilmir. Bu mənada V.Novruzovun S.Mehdiyev və komandasına qarşı olmasında K.Heydərovun marağı da istisna edilmir.
Medada gedən xəbərlərə görə, Vüsal Novruzov general və rəis olmağına görə general-mayor Etibar Mirzəyevə bocludur.
‌Bildirilir ki, Fövqəladə hallar naziri Kəmaləddin Heydərov illər əvvəl Etibar Mirzəyevi çağırıb yanına və ona sual verib ki, "sənin Bakı Baş Gömrük idarəsində ETİBAR etdiyin insan var?” Etibar Mirzəyev də cavab verib ki ,”bəli var, həmin şəxs Vüsal Novruzovdur”.
Kamaləddin Heydərov da Etibar Mirzəyevə bildirir ki, "get vəzifəni Vüsal Novruzova təhvil ver”.
Hətta deyilənə görə Etibar Mirzəyev Kəmaləddin Heydərovun sualına düz cavab verdiyinə görə, sonda peşman da olub ki, bu da başa düşüləndir.
Onun ağlına yuxuda belə gəlməzdi ki, təsadüfən gömrük sisteminə gələn Vüsal Novruzov vaxt gələcək Etibar Mirzəyevin özünü Bakı Baş Gömrük İdarəsinin rəisi postunda əvəz edəcək. Özü də necə yüksək səviyyədə.
GundemXeber.Az-ın media üzərindən əldə etdiyi məlumata görə, Səfər Mehdiyev barəsində məlum faktların toplanması və Kəmaləddin Heydərova təqdim edilməsində Vüsal Novruzovun xidməti olub. Bununla o, Kəmaləddin Heydərovun yanında etimadını daha da möhkəmləndirib.
Bu baxımdan gözləmək olar ki, Səfər Mehdiyevin ilk işi Vüsal Novruzovla hesab çəkmək olacaq.
Digər tərəfdən əgər Kəmaləddin Heydərovun qəzəbinə gələn Səfər Mehdiyev DGK-ya sədr təyin edilibsə, deməli, Fövqəladə Hallar nazirinin artıq sözügedən quruma nəzarəti itirdiyini düşünmək olar.
Bu halda Səfər Mehdiyevin Kəmaləddin Heydərovun kadrlarlarını, xüsusilə də Vüsal Novruzovu komitədən uzaqlaşdırılacağını düşünmək olardı və ehtimallar düz çıxdı.
2018-ci ilin may ayında Dövlət Gömrük Komitəsinin sədri Səfər Mehdiyevin əmrii ilə Bakı Baş Gömrük İdarəsinin rəisi, general-mayor Vüsal Novruzov tutduğu vəzifədən azad edildi.
Yeri gəlmişkən, bəzi media qurumları müəyyən araşdırmalar aparmış və Vüsal Novruzovun Bakı Baş Gömrükdək İdarəsində mənimsədiyi 3 milyon 281 min 270 manat pulun son qəpiyinə kimi geri qaytarması haqda məhkəmənin çıxarmış olduğu haqda yayımlamışdı.
Yayılan məlumatlara görə, mənimsəmə faktı 01 yanvar 2016-cı il tarixlə 27 may 2018-ci il tarixi arasında baş verib.
Astara Gömrük idarəsinin ərazisində yerləşən “Duty free” şirkətinin anbarında on milyonlarla dəyərində ölçülən bütün məmulatların yoxa çıxmasında V. Novruzov ittiham olunub.
“Duty free” əməliyyatında bir neçə gömrük əməkdaşının cinayət məsuliyyətinə cəlb olunaraq barələrində həbs qərarı seçilsə də, nədənsə general V.Novruzov ev dustaqlığına götürülübmüş. Ona havadarlıq tmiş sabiq baş prokuror Zakir Qaralovun müdaxiləsindən sonra işə xitam verilib.

Gundemxeber.az