Hər kəsə bəllidir ki, ölkəmizdə icbari tibbi sığortanın tətbiqinin təmin edilməsi məqsədilə İcbari Tibbi Sığorta üzrə Dövlət Agentliyinin nəzdində “Tibbi Ərazi Bölmələrini İdarəetmə Birliyi” (TƏBİB) yaradılması haqqında Prezident fərman imzalayıb.

TƏBİB-in saxlanması və fəaliyyətinin təmin edilməsi dövlət büdcəsindən ayırmalar, fəaliyyət istiqamətlərinə uyğun olaraq görülən işlərdən, göstərilən xidmətlərdən əldə edilən daxilolmalar, ianələr, qrantlar və nizamnaməsində müəyyən edilmiş digər mənbələrdən daxil olan vəsaitlər hesabına həyata keçirilir. 2020-ci ildən TƏBİB-in tabeliyinə verilən dövlət səhiyyə sisteminə daxil olan tibb müəssisələrinin sırasında olmayan və Səhiyyə Nazirliyinin tabeçiliyində fəaliyyət göstərən ATU-nun Tədris Cərrahiyyə Klinikasinda yatan 94 nəfər, hansı ki, gözündə 9 qəlpə olan, hər iki gözünü itirən, ayaqlarında onlarla qəlpə olan və s. yaralı qazilər GundemXeber.Az saytının redaksiyasına zəng edərək narazılıqlarını ifadə ediblər.



Onlar bildirirlər ki, “Bizi bu xəstəxanadan çıxartmaq istəyirlər, ona görə də xahiş edirik ki, bizi burada saxlasınlar. Əgər saxlamırlarsa yaralı-yaralı evimizə gedək, başqa xəstəxanaya yox...” Kimlər yaralıların bu xəstəxanadan çıxarılmasında israrlıdır sualına, yalnız və yalnız aidiyyatı orqanlar cavab verməlidirlər. Bizim vəzifəmiz yalnız problemi ictimailəşdirməkdir. Yaralı qazimizdən biri bildirir ki, “Öncə bizə xəbərdarlıq etdilər ki, "COVİD-19"-la əlaqədar olaraq, sizi başqa yerə köçürəcəyik və burada korona xəstələrini yerləşdirəcəyik”.



Zəng edən qazilərdən biri əlavə olaraq onu da bildirib ki, "biz burada mülaicə olunmaq istəyirik. Çünki, elə yaralı var ki, həmin şəxs 8 xəstəxanada yatıb, bu xəstəxanaya gələndən sonra isə səhhətində ciddi irəliləyişlər baş verib." Qeyd edək ki, həmin 94 nəfər yaralı əsgər və zabitlərimiz ikinci Qarabağ savaşında sağlamlıqlarını itiriblər.



Onlar ərazi bütövlüyümüz uğrunda savaşa qalxan zaman dövlətə, xalqa və Prezidentə güvənib döyüşə atılıblar. Amma onları bu günki, günündə narahat edən dövlət qurumları bilməlidirlər ki, vətənimizin bütövlüyü həmin əsgərlərimizin hesabına bərqərar olur.
Mövzuya bir daha qayıdacağıq.



GundemXeber.Az