"Vətən Savaşı boyunca Şəmkir sakinləri bir yumruq kimi birləşərək Şanlı Ordumuza bütün dəstəyini nümayiş etdirdi və bu gün də camaatımız əlindən gələni etməkdədir. Şəmkirdən olan və Rusiyada yaşayan qardaşlarımız da bütün gücləri ilə dəstək verirlər. Amma nədənsə, icra başçımız Alimpaşa Məmmədov özünü fərqli aparır".

GundemXeber.Az bildirir ki, bu sözlər DİA.AZ-a daxil olan müraciətdə yer alıb.

Narazı şəmkirlilər adından edilən müraciətdə daha sonra bildirilir: "Alimpaşa Məmmədov o qədərmi kasıblayıb ki, bu gün onsuz da pandemiyadan əziyyət çəkən sahibkarlardan yenə də pul yığır. Adını guya yaralı qazi və şəhid ailələrimizə yardım məqsədini qoyurlar, amma Şəmkir sakibnləri özləri9 ayrıca olaraq yardım etdiyi halda icra hakimiyyəti nədən ortaya düşüb pul yığır ki?"

Sakinlər iddia edirlər ki, onlar etiraz edəndə "bu iş könüllüdür, kimsəyə zor yoxdur" deyirlər: "Biz də yaxşı başa düşürük ki, pul verməyənlərə sonradqn müxtəlif təzyiqlər ediləcək. Ona görə də sahibkarla ayrıca olaraq fonda pul köpçürüb, çekləri əllərində saxlayırlar ki, sonradan Alimpaşa Məmmədov haqlı görünməsin. Onun məqsədindən həmişə şübhəli olmuşuq. Yəqin pulu bizdən yığıb, altından öz adını yazdırmaq istəyir".

İddia olunanlarla bağlı dia.az olaraq qarşı tərəfi də dinləməyə hazırıq...

GundemXeber.Az