Dövlət Gömrük Komitəsi demək olar ki, yarandığı gündən rüşvət və korrupsiya mənbəyi olub.

Yəqin 1994-cü ildə Ulu Öndər Heydər Əliyevin müşavirədə DGK-nın o zamankı sədri Tahir Əliyevə dedikləri yaddan çıxmayıb: “ Tahir, deyirlər orda dövlət rüsumu əvəzinə rüşvət alırsan, pullar yığırsan...”. Və həmin iclasdan sonra DGK sədri vəzifəsindən qovuldu.
Bunu nə üçün yada saldıq. DGK-nın rüşvət və korrupsiya mənbəyi olması barədə, təkcə mediada deyil, hətta dəfələrlə Milli Məclisdə məsələ qaldırılıb və bu qurumun ləğv edilməsi, İqtisadiyyat Nazirliyinə birləşdirilməsi məsələsi vurğulanıb.
Ancaq çox təəssüf ki, Səfər Mehdiyev DGK sədri olandan sonra qurumda vəziyyət daha da dözülməz olub.
Düzdür, bəzi “aylıq” alan media orqanları az qala Səfər Mehdiyevdən islahatçı-reformator, korrupsiyaya qarşı mübarizə aparan məmur imici düzəltəməyə çalışırlar.
Onlar unudur ki, Səfər Mehdiyev 2004-dən 2006-cı ilin fevral ayına qədər DGK sədrinin müavini, 2006-cı ilin fevral ayından 23 aprel 2018-ci ilədək Dövlət Gömrük Komitəsi sədrinin birinci müavini vəzifəsində xidmət etmişdir. Və de-fakto işləri o aparıb. Yəni DGK-da rüşvət və korrupsiyanın çiçəklənməsində baş rolda Səfər Mehdiyev olub. Əlbəttə, Səfər Mehdiyev gedib gömrük postlarında, keçid məntəqələrində oturub pul yığmır. Onun “qara kassa”ları, pul yığanları var.
Deyirlər ki, belələrindən biri də Rəşad Babayevdir. (biz demirik, deyirlər(red))
Rəşad Babayevdən söhbət düşmüşkən, onunla bağlı mediada DGK-nın rəsmi açıqlaması var. Açıqlamada qeyd edilir ki, Rəşad Babayev əmək və əhalinin sosial müdafiəsi naziri Sahil Babayevin əmisi oğlu deyil və Rəşad Babayev heç vaxt Qərb Ərazi baş Gömrük İdarəsinin rəisi olmayıb.
Təsəvvür edirsiniz DGK bu məzmunda açıqlama verir və 30-40 sayt bunu tirajlayır.
Birincisi, Rəşad Babayevin Sahil Babayevin əmisi oğlu olub-olmamasının məsələyə nə dəxli var. Lap tutaq ki, DGK sədri Səfər Mehdiyevin xalası oğludur. Nəsə dəyişirmi ? Lap Həsənağanın qohumu olsun.
Söhbət Rəşad Babayevin rüşvətxor və korrupsioner olmasından gedir.
İkincisi, DGK öz rəsmi açıqlamasında xüsusi olaraq vurğulayır ki, Rəşad Babayev heç vaxt DGK-da rəis olmayıb, həmişə rəis müavini olub.
Gəlin Rəşad Babayevin tutduğu vəzifələrə baxaq.
Rəşad Babayev Dövlət Gömrük Komitəsinin Malliyyə-tarif və valyuta nəzarəti baş idarəsinin rəis müavini vəzifəsində çalışıb.
Sonra Rəşad Babayev Tovuz Gömrük İdarəsinin rəisi təyin edilib.
Daha sonra daha böyük qurumda Qərb Ərazi Baş Gömrük İdarəsinin rəis müavini işləyib.
Bəli, deyilənə görə Qərb zonasında rəis müavini işləyərkən Gürcüstan vasitəsilə ölkəmizə gələn vətəndaşların, sahibkarların başına o qədər oyun açıb ki, ölkə başçısına yüzlərlə şikayət məktubları gedib. Avtomobil ehtiyat hissələrinin Azərbaycana gətirilməsi üçün 10000 dollar rüşvət alınıb. Məsələnin qəlizləşdiyini görən, DGK sədri Səfər Mehdiyev təcili “qara kassası”nı Cənub Ərazi Baş Gömrük İdarəsinə rəis müavini göndərib.
Bu qədər sadə və bəsit.
İndi özünüz deyin, Rəşad Babayev Tovuz Gömrük İdarəsində rəis olmayıb ? Bəs, rəis necə olur ?
Lap tutaq ki, siz deyən kimi rəis olmayıb. Bununla nəsə dəyişirmi ? Deyirlər ki, bu adam rüşvətxordur. Əsas budur, sənab Səfər Mehdiyev.
Bu adamın kimin dayısı oğlu, kimin əmisi oğlu, kimin sağdışı-soldışı, yaxud rəis, yoxsa rəis müavini olmasının cəmiyyət üçün mənası yoxdur, cənab Mehdiyev.

Gundemxeber.az