Yazıya giriş üçün bir məqama diqqət çəkək.

Bu günədək Azərbaycanda neçə avtomobil istehsal edən zavod işə düşüb. Neftçalada, Şamaxıda, Naxçıvanda və s.
Naxçıvanda axırıncı dəfə NAZLİFAN avtomobili istehsal olundu. Sonra nə oldu ? Hanı o zavod, indi neçə avtomobil istehsal edir ?
Birincisi, avtomobil istehsal etmək və avtomobil yığmaq tam fərqli prosesdir. Detalları xaricdən gətrib yığmaq istehsal demək deyil.
Yazıya nə üçün bu girişlə başladıq ?
Çünki bu cür saxta layihələri Azərbaycanda ilk tətbiq edən və milyonlar qazanan o zamankı rabitə naziri, indi AMEA prezidentinin müşaviri olan Əli Abbasov olub.
Təsəvvür edirsiniz nazir Əli Abbasov cəmiyyəti aldadır ki, Mingəçevir şəhərində KÜR kompüterləri istehsal edəcəyik.
Əli Abbasov özü əla başa düşürdü ki, ölkəmizdə komputer istehsalı hələki mümkün deyil. Söhbət istehsaldan deyil, sadəcə xaricdən detalları gətirib yığmaqdan gedirdi. Məqsəd isə dövlətin ayırdığı milyonları, on milyonları mənimsəməkdən gedirdi.
Axı, məhsulu istehsal etmək üçün onu bazarı, alıcısı olmalıdır. Kim idi Əli Abbasovun kompüterini alan. Əli Abbasovun Mingəçevirdəki zavodu nəinki istehsal, hətta normal şəkildə komputer yığa bilmirdi. Və bu keyfiyyətsiz, tez sıradan çıxan kompüterləri 5000 orta məktəbə, kolleclərə, litseylərə sırımaq.. bəli sırımaq və milyonları mənimsəmək lazım idi.
Bunun üçün Rabitə və Təhsil nazirlikləri bazarlıq etməli idi.
O zaman Təhsil nazirliyində Təhsil Sisteminin İnformasiyalaşdırılması İdarəsinin rəisi Samir Məmmədov bu birgə bazarlığın layihəsini hazırladı.
Təsəvvür edirsiniz kompüter zavodunun istehsal gücü 3 min ədədi keçirdi. Hər məktəbə 5-10 kompüter göndər, kompüter sinifləri, hələ üstəlik proqram təminatı, müəllimlərə kompüteri öyrətmək və s.
Bütün bunlar kağız üzərində idi. Bütün bu maxinasiyalardan çox adam xəbər tutmuşdu. Və hər ay Əli Abbasovdan “paket”lərini alırdılar.
Beləcə dövlətin ayırdığı milyonlar Əli Abbasovun və digər şəriklərin cibinə gedirdi.
Bu gün məktəblərdəki yüzlərlə, minlərlə kompüterlərə baxış keçirilsə biri də işlək deyil.
Bütün bunlarla kifayətlənməyən Əli Abbasov sonra bəyan elədi ki, guya milli PLANŞET buraxacaq. Və sonra bu zavoddan xəbər çıxmadı. Sadəcə, belə bir məlumat yayıldı ki, zavodun şəhər ərazisindəki torpaq sahəsinin bir hissəsini Əli Abbasov baha qiymətə satıb.
Sonra bəlli oldu ki, həmin zavodu kimsə özəlləşdirib.
Bəzi məlumatlara görə, zavodun yerində Htech İnvest xarici şirkəti kompüter və elektron avadanlıqlar istehsal edəcək.
Yəqin ki, bu zavodda Əli Abbasovun da öz payı var.
Bu layihənin müəlliflərindən biri Samir Məmmədovun isə son xəbəri Bakı Mühəndislik Universitetinin Texnoparkının rəhbəri vəzifəsindən gəlib.
Araşdırmamız davam edir. //gundelik-baku.com//