Dövlət İmtahan Məktəbinin təhlilinə əsasən, 2007-cı ildə 1-ci sinfə daxil olan 118290 şagirdin 53%-i 2023-cü ildə əmək bazarına heç bir peşə və ixtisas üzrə təhsil almadan çıxacaq. Gundemxeber.az bildirir ki, 2008-ci ildə 1-ci sinfə daxil olan 120005 şagirdin 54%-i 2024-cü ildə əmək bazarına heç bir peşə və ixtisas üzrə təhsil almadan çıxacaq. 2021-ci üçün bu proqnoz 62 faiz, 2022-ci il üçün 61 faizdir.

İqtisadçı Vüsalə Rüstəmova feysbuk hesabında qeyd edir ki, ölkədə bir tərəfdən kadr çatışmazlığının mövcudluğu, digər tərəfdən işsizliyin aktual olmasınında bir paradoks görünə bilər:
“Düşünürəm ki, peşəkar kadr çatışmazlığının başılıca səbəbi əhalinin böyük hissəsinin peşə və ixtisas təhsilinin olmamasıdır. Onların isə nə qədər keyfiyyətli təhsilə sahib olması başqa məsələdir.
Belə deyək, hər il əmək bazarına yeni daxil olan gənclərin 60 faizinin heç bir peşə və ixtisas təhsili olmaması bazarda fəhlə, xadimə və s. bu kimi yüksək təhsil tələb etməyən işlərdə tələbatı tam ödəyir, üstəlik işsizliyi də artırır. Amma yüksək bilik tələb edən sahələrdə peşəkar kadrlarla bağlı qıtlıq müşahidə olunur.
Sevindirici haldır ki, növbəti illər üzrə faizlər nikbinliyə doğru proqnoz edilir. Məsələn, 2021-də 62 faizdirsə, 2023-cü ildə nisbət 53 faizə düşəcək. Son bir ildə Təhsil Nazirliyi tərəfindən peşə məktəblərinin inkişafı ilə bağlı atdığı strateji addımlar (xüsusilə, Türkiyə Təhsil Nazirliyi ilə peşə təhsili ilə bağlı qurulan əməkdaşlıq) proqnozları daha da nikbinləşdirə bilər. Onu da zaman göstərəcək”.

GundemXeber.Az