Əmək və əhalinin sosial müdafiəsi naziri Səlim Müslümov hazırda həbsxana həyatı yaşayır.

Ümumiyyətlə, son illər nazirlik rəhbərlərinin həbsində bir anlaşılmazlıq var. Və bu məsələ cəmiyyət arasında da ciddi müzakirə olunur.
Həbslər zamanı nazirin müavinləri, baş idarə rəisləri həbs olunur və...cənab nazir isə heç nə olmamış kimi öz azad həyatını sürür.
Axı, nazirlikdə bu qədər cinayətlər, rüşvət və korrupsiya halları oubsa, nazirin bundan necə xəbəıri olmaya bilərdi?
Məsələn, Mədəniyyət və turizm nazirliyində az qala bütün rəhbər şəxslər həbs olunub, ancaq sabiq nazir Əbülfəz Qarayev müxbirə deyir ki, evimdə oturmuşam, nə olmalıdır ki...
İkinci hal isə Əmək və əhalinin sosial müdafiəsi nazirlriyində olduğu kimidir. Yəni cənab nazir həbs olunur, digər rəhbər şəxslərə isə gözün üstə qaşın var deyən yoxdur.
Bəli, sabiq nazir Səlim Müslümov minlərlə saxta pensiya, saxta əlillik məsələlərinə görə cinayət məsuliyyəti daşıyır və hazırda həbsxana həyatı yaşayır.
Axı, nazir bu boyda, bu miqyasda cinayət əməllərini təkbaşına edə bilməzdi.
Bəs nazirin müavinləri, bəs nazirliyin rayon şöbələrinin rəhbərləri niyə məsuliyyətdən kənarda qalır ?
Məlumdur ki, Əmək və əhalinin sosial müdafiəsi nazirliyinin tabeçiliyində rayon şöbələri var.
Hər rayonda nazirliyin sosial təminat şöbələri ( el arasında “sobes” deyirlər) fəaliyyət göstərir.
Axı, nazir özü kiməsə pensiya təyin etmir, əlillik dərəcəsi vermir. Bütün bunlar hamısı rayon şöbələrində hazırlanır və gəlir nazirin stolunun üstünə.
Əlbəttə, nazir məsuliyyət daşıyır. Ancaq bu işi icra edən rayon şöbələri olub.
Söhbət təkcə bir rayondan getmir. Ümumiyyətlə, əksər rayonlarda oxşar əməllər, rüşvət və saxtakarlıq halları olub.
Belə rayon şöbələrindən biri də naziriliyin Xətai şöbəsidir.
Xətaidə 2010-2014-cü illərdə sosial təminat şöbəsinin- “sobes”in müdiri İsgəndərov Cavanşir Əşərəf oğlu olub.
Bu adam işlədiyi müddətdə saxta pensiyaların, saxta əliliklərin düzəldilməsində planı 100 faiz doldurub.
Görəsən bu gün Cavanşir Əşrəfov nə üçün istintaqa çağırılmır ?
Axı, Cavanşir Əşrəfov kimilərin əməlinə görə, dövlətə milyonlarla ziyan dəyib.
Cavanşir Əşrəvov dövlətə vurduğu ziyanı ödəyə də bilməz ?
Bəlkə imkanı yoxdur, cənab Əşrəfovun ?
Əşrəfov nazirliyin Xətai şöbəsinə rəhbər olduğu zaman yığdığı rüşvətin hesabına böyük biznesə və müklərə, sərvətə sahib olub.
Onun, təkcə Sabirabadda 100 hektarlarla torpaq sahələri, mal-qara fermaları, restoranı, ticarət obyektləri var.
Bakıda milyonerlər məhəlləsində, Teymur Əliyev küçəsində mülkü, Bakıda göydələnlərdə mənzilləri və daha nələri.
Bütün bunları Cavanşir Əşrəfov Əmək və əhalinin sosial müdafiəsi nazirliyinin Xətai rayon şöbəsinin müdiri olarkən, yığdığı rüşvətin hesabına əldə edib. Amma bu gün rahatca yığdıqlarını xərcləyir.
Ümumiyyətlə, Səlim Müslümovun həbsinin arxasında cinayətkar bir şəbəkə gizlənib.
Bu şəbəkəyə xalq arasında VTEK deyilən, nazirliyin Tibbi-Sosial Ekspert Komissiyası da daxildir.
Əmək və əhalinin sosial müdafiəsi nazirliyinin Sosial təminat ( sobes) şöbələrində və TSEK-lərdə baş verən qanunsuzluqlar, rüşvət və korrupsiya halları ciddi araşdırma mövzusudur.
Bizi izləyin. //gundelik-baku.com//