Azərbaycan – Cibuti parlamentlərarası əlaqələr üzrə işçi qrupunun rəhbəri, deputat Əliabbas Salahzadənin biznesi üzə çıxıb. GUNDEMXEBER.AZ reportyor.info-ya istinadla xəbər verir ki, onun bu əlaqələr üzrə işçi qrupunun rəhbəri olması təsadüfi deyil.

Şeyxin kürəkəni olan deputat Cibutidən xurma, banan və ədviyyat məhsullarının idxalını təşkil edir. Ümumiyyətlə, Paşazadələr bu ölkədən xurma, banan və ədviyyat idxal edir.
Təsadüfi deyil ki, onun atası sabiq deputat, 28 dəfə Həccə getmiş, Şeyxin qudası olan Hacı Qalib Salahzadədir. Hacı Qalib Salahzadə ki, adı çəkilən dairədən dəfələrlə deputat olub.
2015-ci ildə keçirilən parlament seçkiləri zamanı Həcc ziyarətindən yarımçıq geri qayıdan Qalib Salahzadə bu dəfə parlamentə düşə bilmədi. Sonrakı illərdə onun adı bir çox qalmaqallarda hallanmağa başladı.
Maraqlı burasındadır ki, ondan şikayət edən şəxslərin hamısı ya Salahzadənin vaxtilə deputat olduğu dairənin sakinləri ya da öz kəndçiləri idi. Yəni, oğul parlamentin dadını, əhəmiyyətini çox-çox qabaqdan bilirmiş.
Hətta onun qardaşı Əlihüseyn Salahzadə 2017-ci ildə “Azərsu” əməkdaşını döyməkdə təqsirləndirilərək həbs edilib. Hacı Qalib bu hadisəni də özünə qarşı müəyyən qüvvələrin işi adlandırmışdı. Amma zaman keçdi, Hacı Qalib siyasi qüvvəsini toparladı, oğlu parlamentə düşdü. 

GUNDEMXEBER.AZ