Bu günlərdə Astara şəhərində yaşayan və ehtiyatda olan polkovnik Rəşad Həsənov GundemXeber.Az saytı vasitəsi ilə Azərbaycan Respublikasının Prezidenti, Müzəffər ordunun Ali Baş Komandanı İlham Əliyev cənablarına, Azərbaycan Respublikasının Birinci vitse-prezidenti Mehriban Xanım Əlieyavaya və  bütün dövlət orqanlarına müraciət edib. 

Cənab Polkovnik müraciətində bildirir: "Mən 22 il (1994-2016) Azərbaycan Respublikası Silahlı Qüvvələində xidmət etmişəm. Hərbi xidmətimin 17 ili döyüş bölgəsində olmuşdur. Ehtiyatda olan polkovnikəm. Vətən müharibəsinə könüllü olaraq getmişəm. 27 sentyabr 2020-ci il tarixdən 10 noyabr 2020-ci il tarixinədək Vətən müharibəsində iştirak etmişəm.23 oktyabr 2020-ci il tarixində mərmi partlayışı nəticəsində baş və kürək nahiyələrimdən xəsarət almışam. 

Hərbi xidmətim dövrümdə 9 medalla təltif olunmuşam. Hal-hazırda Astara şəhərində yerləşən 2 saylı hərbi şəhərcikdə yaşayıram. Həmin şəhərcikdəki aclnacaqlı vəziyyətlə bağlı müxtəlif vaxtlarda bütün dövlət orqanlarına mütaciət etmişəm. Lakin heç bir tədbir görülməmişdir. Düzünü desəm ki, mən yaşayıram sözünü deyəndə utanc hissi keçirdirəm. Sağlamlığını Vətəninə qurban verən ehtuyatda olan polkovnikə bu cür münasibət gözlənilməsi yaxşı hal deyil. 

Dövlət Başçısının tam qayğısı ilə əhatə olunduğumuz bir vaxtda Maliyyə və Müdafiə Nazirliklərinin səlahiyyətli nümayəndələrinin laqeyd münasibəti insanda təəccüb hissi oyadır. Azərbaycan Respublikası Prezidentinin 28 dekabr 2011-ci il arixli 569 nömrəli Fərmanına əsasən 2014-cü il tarixdə 20 il xidmət müddətim bitdiyi üçün evlə təmin olunmalı idim. Lakin mən mənzilə komissiyanın təqsiri ucbatından təmin olunmamışam. Halbuki ehtiyatda olan polkovnik kimi ailə sayına və daşıdığım rütbəyə uyğun mənzillə təmin olunmalı idim. Hal-hazırda yaşadığım binanın dam örtüyü bərbad vəziyyətdə olduğu üçün yağan yağışlar birbaşa mənzilimə damır. Binanın kanalizasiya sistemi olmadığı üçün üfünət iyindən nəfəs almaq olmur. 

Maliyyə Nazirliyinə mövcud vəziyyətlə bağlı müraciət etdim, lakin onlar sanki məni «cəzalandırmaq»  və susdurmaq məqsədilə cavab məktubunda mənim siyahıda adımın 864-cü olduğumu bildirirlər. Axı mənim yaşayış durumum ağır vəziyyətdədir. Necə ola bilər ki, komissiya yaralanmağımı və döyüşlərdə iştirakımı nəzərə almasın Yağan yağış birbaşa mənzilimə damır. Niyə komissiya bu şərtləri nəzərə almır. Xahiş edirəm köməklik göstərin."

GundemXeber.Az