Haqqında bəhs edəcəyimiz Mürsəl Əliyev uzun müddət  Ekologiya  və Təbii Sərvətlər  Nazirliyi sistemində yüksək vəzifələrdə işləyib. Daha doğrusu, onun vəzifə karyerası  sabiq  nazir Hüseynqulu  Bağırovun dövründə olub. 

Belə ki,  Mürsəl Əliyev sabiq nazirin   etimadından sui-istifadə edərək  Ekologiya və Təbii Sərvətlər Nazirliyində Mineral Xammal Analitik Elmi Tədqiqatlar Mərkəzinin rəhbəri, Mineral Xammal Elmi Tədqiqat İnstitutunun direktoru və Bakı şəhər Ekologiya və Təbii Sərvətlər Departamentinin direktoru vəzifələrində çalışıb. 

Mürsəl Əliyevin daş, qum-çınqıl karaxanası sahiblərinin başına açdığı oyunlar, onlara  tətbiq edilən saxta  cərimələr, sonda  Bakı şəhərinin ekologiya sisteminə vurduğu ziyan, baş verən korrupsiya halları  sabiq nazir Hüseynqulu Bağırovu məcbur elədi ki... 

Mürsəl Əliyevi və daha bir neçə nəfəri Bakı şəhər Ekologiya  və Təbii Sərvətlər  Departamentindən uzaqlaşdırılsın. Təsəvvür edin ki,  topladığı sərvətin  çoxluğundan aşıb-daşan Mürsəl Əliyev hətta sabiq nazir  Hüseynqulu Bağırovu saymırdı. 

Beləliklə, 2013-cü ildə   sabiq ekologiya  naziri   Hüseynqulu Bağırov Bakı Şəhər Ekologiya və Təbii Sərvətlər Departamentinin direktoru Mürsəl Əliyevi vəzifəsindən azad elədi. Keçən müddət ərzində Mürsəl Əliyev daş, qum-çınqıl  karxanalarından yığdığı pulların hesabına ELM ALƏMİNƏ qərq oldu. Rüşvətdən başı açılmayan  Mürsəl Əliyev indi də  alim-elmlər doktoru olmaq üçün hər yola qədəm qoydu. 

Və nəhayət  elmi titula sahib oldu. Çoxbilmiş olan  Mürsəl Əliyev bilirdi ki, onun bu elmi titulları nə zamansa onun köməyinə gələcək.

Gundemxeber.Az gundelik-baku.com-a istinadla bildirir ki, Hüseynqulu Bağırov  nazir vəzifəsindən gedəndən və Muxtar Babayev nazir olandan sonra Mürsəl Əliyev  elmi titullarını əldə əsas edərək  yeni nazirin etimadını qazana bildi. Və bir neçə aydan sonra, 2019-cu ildə  nazir Muxtar Babayevin sərəncamı ilə  Mürsəl Əliyev nazirliyin Milli Geoloji Kəşfiyyat Xidmətinin rəisi vəzifəsinə təyin edildi. 

Bəli Mürsəl Babayev bu  mühüm vəzifəyə təyin olunan kimi  ölkədə bütün mədən sahəsində çalışan şirkətləri “aylığa”  otuzdurdu, külli miqdarda cərimələrlə şirkətləri çökdürdü. 

Təsəvvür edirsiniz  1 il olmamış, 2020-ci ildə cənab nazir Muxtar Babayev də sələfi Hüseynqulu Bağırov kimi Mürsəl Əliyevi  ekologiya sistemindən qovdu. Vəzifəyə, rüşvətə, korrupsiyaya  vərdiş eləmiş Mürsəl Əliyev  dinc dura bilməzdi. 

Nəhayət Mürsəl Əliyev bu dəfə yolunu  Mədət Quliyevin rəhbərlik etdiyi Müdafiə Sənayesi Nazirliyindən saldı. 

Belə ki, onun dayısı oğlu  Natiq Cavadov Müdafiə Sənayesi Nazirliyinin Milli Aerokosmik Agentliyinin  baş direktorudur. Bəli, Mürsəl Əliyev  elmi dərəcəsini, elmi titullarını da qoltuğuna vuraraq  Milli Aerokosmik Agentliyinə, dayısı oğlu  Natiq Cavadovun qəbuluna getdi. 

Məlumat üçün onu da qeyd edək ki, Müdafiə Sənayesi Nazirliyinin Azərbaycan Milli Aerokosmik Agentliyi   Azərbaycanın kosmik tədqiqat proqramlarını idarə edən dövlət qurumudur. Agentlik 1974-cü ildən Azərbaycan Milli Elmlər Akademiyasının  “Kaspiy”  Elmi Mərkəzi kimi fəaliyyət göstərib. 1981-ci ildə "Kaspiy" Elmi Mərkəzinin bazasında Kosmik Kəşfiyyat Elmi İstehsalat Birliyi yaradılıb. Azərbaycan Milli Aerokosmik Agentliyi 1992-ci ildə  Azərbaycan Milli Elmlər Akademiyasının "Kaspiy" Elmi Tədqiqat mərkəzinin yerinə təsis edilmişdir. 2006-cı ildən  Müdafiə Sənayesi Nazirliyinin tabeçiliyindədir. 2019-cu ildən etibarən  Azərbaycan  Milli  Aerokosmik Agentliyinin Baş direktoru  Natiq Cavadovdur. 

Bəli, beləcə  Mürsəl Əliyev  dayısı oğlu  Natiq Cavadovun  dəstəyi  ilə  Müdafiə Sənayesi Nazirliyinin Elmi-Tədqiqat İnstitututuna  direktor təyin olundu. Məlumdur ki,  Natiq Cavadovun və dayısı oğlu  Mürsəl Əliyevn rəhbərlik etdiyi qurumlar dövlət büdcəsindən maliyyələşir. Beləcə  

dayıoğlu-bibioğlu  əl-ələ verərək  dövlət büdcəsindən ayrılan  vəsaiti mənimsəməklə məşğuldurlar. Gördükləri iş  isə sıfırdan da aşağıdır. 

Onu da qeyd edək ki,  Mürsəl Əliyev sonuncu dəfə  Müdafiə Sənayesi  naziri  Mədət Quliyevin yanında silah  yarmarkasından  hazırlanan verilişdə televiziyada görünüb. 

Deyəsən, işsizliyə öyrənən Mürsəl Əliyevi bu dəfə də Mədət Quliyev, sən düzələn deyilsən deyərək, işsiz qoyacaq.

Gundemxeber.az