Bazar ertəsi Nəsimi Rayon Cavadxan 3005 ünvanında (Memar Əcəmi metrostansiyası) yerləşən “McDonalds Azerbaycan” şirkətinin qarşısında aparılan qeyri-qanuni yol tikinti işlərinin aparılmasına etiraz edən sakinlər bildiriblər ki, Mcdonald's rəhbərliyi apardığı tikinti işləri vətəndaşların gediş-gəlişinə ciddi maneələr yaratmaqla yanaşı, "Moskva Univermaq" kimi tanınan ticarət mərkəzinə, həmin ərazidə yerləşən parka və digər sahibkarların obyektlərinə alış-veriş edilməsinin qarşısını alırlar.

 Ərazidə çəkiliş aparan məkdaşımızın sözlərinə görə, etirazlara cavab olaraq, Mcdonald's-un əməkdaşları sakinləri ərazidən kənarlaşdırmağa çalışsalar da buna nail ola bilməyiblər.

 Bundan sonra, əraziyə gələn Polis əməkdaşları məsələyə müdaxilə edərək şirkətin rəhbərliyini aksiya keçirən sakinlərlə dialoqa dəvət etdilər.    Mcdonald's rəhbərliyi ilə sakinlər arasında gedən qısa danışıqlardan sonra, aydın oldu ki, həqiqətən də şirkətin apardığı yol tikinti işlərinin düzgün aparılmadığından, başqalarının yolunu kəsməyə səbəb olublar.

 Sonda şirkət rəhbərliyi apardıqları tikinti ərazisinin hər iki tərəfdən gediş-gəliş üçün yolun olacağına söz verdilər.

 Qeyd edək ki, 2020-ci ilin oktyabr ayında  “McDonalds Azerbaycan” şirkətinin Facebook hesabında əvvəlcə Azərbaycana dəstək paylaşımları yerləşdirməsi, az sonra isə bunu silməsi sosial şəbəkənin azərbaycanlı istifadəçilərinin böyük narazılığına səbəb olmuşdur. İstifadəçilər öz etirazlarını şirkətin səhifəsində #baycotmcdonalds həştəqilə bildirmişdilər. Hətta bir çoxları şirkəti boykot etməyə də çağırış etmişdilər.

Azərbaycanda böyük şəbəkəyə malik olan şirkət üzr istəmək əvəzinə, məqsəd və məramlarının qarın doyurmaq olduğunu açıqlamışdılar. 

GundemXeber.Az