Bakı şəhəri, Binəqədi rayonu, Biləcəri qəsəbəsi, məh. 5057/68, ev 7, mənzil 61-də yaşayan Niftəliyeva  Zərnişan Rövşən qızı gundemxeber.az-ın redaksiyasına yazmış olduğu müraciətində bildirir ki, "Sabunçu rayon icra şöbəsi də öz xidməti vəzifəsini icra etmir, belə ki, icraçı Firdovsi adlı şəxs uşaqlarla görüşü düzgün təşkil etmir, bir neçə dəfə yəni 2 aydır uşaqla görüş olmur, mənə bildirir ki, guya uşaqlar reablitatsiya olunması üçün həkimə gedir, lakin 2 ay ərzində hər dəfə reablitatsiya ilə əlaqə saxlayırıq uşaq həkimə aparılmır, icraçı da buna göz yumur, məni analıq hüququndan məhrum edir. 

Azərbaycan Respublikasının Prezidenti İlham Əliyev Cənablarına!

  Azərbaycan Respublkası İnsan Hüquqları Üzrə Müvəkkili Səbinə Əliyevaya!

Azərbaycan Respublikası Ailə, Qadın və Uşaq Problemləri Üzrə Dövlət Komitəsinin Sədri Bahar Muradovaya! 

  Azərbaycan Respublikası Məhkəmə Hüquq Şurasının Sədri Fikrət Məmmədova! 

Azərbaycan Respublikası Ali Məhkəməsinin Sədri İnam Kərimova! 

  Azərbaycan Respublikası Bakı şəhər Apellyasiya Məhkəməsinin Sədri Mübariz Əkbərova! 

  Bakı Apellyasiya Məhkəməsi Mülki Kollegiyasının Hakimi Akif İsgəndərova! 

  Bakı şəhər Sabunçu rayon Məhkəməsinin Sədri Vidadi Qasımova! 

  Cəbrayıl rayon İcra Hakimiyyətinin Başçısı Kamal Həsənova! 

  Bakı şəhər Sabunçu rayon İcra Hakimiyyəti Başçısı Adil Vəliyevə ərizə ilə müraciət edərək bildirirəm: 

Cənab Prezident!

Məni Ana kimi Cəbrayıl rayon İcra Hakimiyyətinin Başçısı yanında Qəyyumluq və Himayəçilik Komissiyası, Sabunçu rayon İcra Hakimiyyəti Başçısı yanında Qəyyumluq və Himayəçilik Komissiyası, Bakı şəhər Sabunçu Rayon Məhkəməsinin hakimi Əsədova Tahirə Əlif qızı aldıqları rüşvət qarşısında iki azyaşlı uşaqlarımı analıq hisslərindən məhrum ediblər.

Mənimlə 2021-ci ildə Niftəliyev Zaur Nadir oğlu ilə arasındakı nikah Bakı şəhər Binəqədi rayon məhkəməsinin qətnaməsi ilə pozulmuşdur və məni əxlaqsızlıqda şantaj edərək, qohumluq münasibətində olduğumuza görə özü, qardaşları və atası mənim atama psixoloji təsir göstərərək  atamın məni öldürülməyini təkid edərək uşaqlarımı əlimdən zorla almışdır və atamı təsir altında saxlayaraq mənə uşaqlarımı ona verməyimə dair məhkəməyə ərizə yazdırmışdır. Lakin bütün bunlara baxmayaraq, 2022-ci ilin sentyabr ayında uşaqlarımın mənə qaytarılmasına dair ərizə ilə məhkəməyə müraciət etmişəm.Qızım Niftəliyeva Aysel 25.05.2015-ci ildə, oğlum Niftəliyev Atilla 05.05.2023-cü ildə anadan olmuşdur. Keçmiş həyat yoldaşım Niftəliyev Zaur 17.03.2023-cü ildə Niftəliyeva ( Şıxəliyeva) Arzu Şəkəralı qızı ilə rəsmi nikaha daxil olub ailə qurmuşdur və mənim uşaqlarıma ögey ana baxır, nəyə görə mənim uşaqlarıma ögey ana baxmalıdır? Mən uşaqlarla ünsiyyətə dair iddia ərizəsi ilə məhkəməyə müraciət etmişəm və Cəbrayıl rayon İcra Hakimiyyətinin Başçısı yanında Qəyyumluq və Himayəçilik Komissiyası 29 sentyabr 2022-ci ildə rəy vermişdir ki, hər iki uşağın anaları Niftəliyeva Zərnişan Rövşən qızı ilə ünsiyyətdə olmasını uşaqların mənafeyinə uyğun hesab etmir və Sabunçu rayon Məhkəməsində   uşaq tələbinə dair işə baxıldığına görə Cəbrayıl rayon Məhkəməsinin Qərardadı ilə uşaqla ünsiyyətə dair mülki işin icraatı dayandırılmışdır. Sual olunur ki, mənim doğma uşaqlarımla ünsiyyətdə olmamağımı nəyə əsaslandırmışdır və mən nəyə görə uşaqlarımla ünsiyyətdə olmamalıyam? Mən psixi xəstə deyiləm, ağıl kəmliyim yoxdur, ev şəraitim vardır, işləyirəm və bu qondarma rəyi Z. Niftəliyevin verdiyi rüşvət əsasında vermişdir, yəni iki körpənin taleyi pulla alınıb satılır. Sabunçu rayon İcra Hakimiyyəti Başçısı yanında Qəyyumluq və Himayəçilik Komissiyası 10 yanvar 2023-cü il tarixdə rəy verərək, uşaqların Niftəliyev Zaur Nadir oğlunun himayəsində saxlanılmasını məqsədəuyğun hesab etmişdir, nəyə görə iki azyaşlı 5 və 7 yaşında uşaqlar ataya verilməlidir ? Həmin evdə analıq vardır. Komissiya müəyyən etmişdir ki, hər ikimiz psixolji cəhətdən sağlam, ev şəraitimiz normal və uşaqlara münasibətimiz normal olduğu halda, birdən komissiya qərar alır ki, hər iki uşaq ataya verilməlidir? 

Bakı şəhər Sabunçu Rayon Məhkəməsinin hakimi Əsədova Tahirə Əlif qızı həmin rəyləri əsas götürərək və mənim keçmiş həyat yoldaşım Z. Niftəliyevin mənim əxlaqıma dair sözləri qəbul edərək, uşaqların mənə verilməsini təmin etməmişdir. Məhkəmə hər iki qondarma rəyləri qəbul edərək, mənim 5 yaşlı və 7 yaşlı uşaqlarımı ana hissindən məhrum edib, analığa möhtac edib?

Zaur Niftəliyevin qardaşı Səməndər Niftəliyev haqqında insanların şəxsi həyatına dair internetdə yayılmış məlumatları silmək adı ilə insanları aldadıb pul aldığına görə haqqında AR CM-nin 178-ci maddəsi ilə AR Prokurorluğunun Korrupsiya İdarəsində cinayət işi araşdırılır, mənim haqqımda da xakerlərlə birləşib səsyazılrını təşkil edib uşaqlarımı əlimdən alıblar və atama məxsus evi də əlindən almaq istəyirlər və Cəbrayıl rayon Məhkəməsində bu barədə mülki işə baxılır.

Uşaq tələbinə dair mülki işə Bakı Apellyasiya Məhkəməsində hakim Akif İskəndərov baxacaqdır.  

Cənab Prezident! 

Mənim əxlaqsızlığım hər hansı hüquqi sənədlə müəyyən edilmədiyi halda mən molla rejimli dövlətdəmi yaşayıram? və mənim şantaj edilməyimi hüquqi əsas qəbul edərək, Cəbrayıl rayon İcra Hakimiyyətinin Başçısı yanında Qəyyumluq və Himayəçilik Komissiyasının, Bakı şəhər Sabunçu rayon İcra Hakimiyyəti Başçısı yanında Qəyyumluq və Himayəçilik Komissiyasının qondarma rəylərini Bakı şəhər Sabunçu Rayon Məhkəməsinin hakimi Əsədova Tahirə sübut kimi qiymətləndirərək , mənim iki azyaşlı uşaqlarımı analıq hissindən məhrum etmişlər. 

Cənab Prezident! 

Sizin uşaqlarla bağlı apardığınız dünyəvi siyasətinizi məmurlar pozurlar, əgər iş üzrə ədalətli Qərar qəbul edilməsə , mənim uşaqlarım mənə qaytarılmasa özümü yandıracağam! İtirəcəyim heç nə yoxdur..." 

Hörmətlə: Niftəliyeva Zərnişan Rövşən qızı.

GundemXeber.Az