Onun sayəsində baş verənləri mütəmadi olaraq izləyirdik, lazımi məlumatları əldə edirdik. Bir sözlə, Rusiyanın Ukraynaya qarşı hərbi təcavüzü nəticəsində bombardman olunan şəhər və qəsəbələrdə yaşananların canlı şahidi olurduq. Bundan əlavə, İdrak Camalbəyli Azərbaycan xalqının mərdliyini ukraynalıların yaddaşına həkk etdirmək üçün əlindən gələni də edirdi.

 Birmənalı olaraq o, "Ukrayna, Azərbaycan sənin yanındadır!" şüarını dost ukraynalılara çatdırmağı bacardı. İdrak sakit dayanmırdı və o, Rusiya raketləri ilə dağıdılan Ukrayna ərazilərində baş verən vəhşilikləri, amansız hücumları və s. bütün dünyaya nümayiş etdirirdi. Nəhayət, onun ürəyi belə bir iztirablara, baş verən haqsızlıqlara tab gətirmədi və sonda dayandı. Dünən İdrak Camalbəyli doğma vətəninə gətirildi və o, bu gün Abşeron rayonunun Masazır qəsəbə qəbristanlığında dəfn olundu.

 Allah rəhmət eləsin!

Bu yerdə Taras Şevçenkonun müəllifi olduğu və uşaqlıq illərində əzbərlədiyimiz şerini İdrakın ruhuna ithaf edirəm:

Mən öləndə, məni basdırarsınız,

Yüksək bir təpədə, bir dağ başında.

Elə bir yerdə ki, görünsün yalnız

O gözəl Ukrayna... Onun daşında,

Onun tarlasında, geniş çölündə,

Mən öləndən sonra, görüm nələr var!

Sevdiyim Dneprin şən sahilində

Nədən söhbət açır quduz dalğalar!

 Mənim Ukraynamdan yuyub aparsa ,

Dnepr yad qanını mavi dənizə,

Onda mən sözümü deyərəm qısa,

Unudub tarlanı, dağı… nə isə,

Son verib fəğana, son verib aha,

Dua eyləyərəm onda Allaha.

Çiçək açmayınca bax, bu arzular,

Edərəm yenə də hər şeyi inkar.

Məni basdırınız, üsyan ediniz,

Qırıb yox ediniz o qandalları.

Düşmənin qanını axıtmaqla siz

Azad olarsınız, biliniz barı.

Mən isə gələcək böyük, şən, xoşbəxt,

O azad və yeni ailənizdə

Xatırlayarsız, hər zaman hər vaxt,

Adımı çəkərək şən dilinizdə.

Şirin Cəfəri

GundemXeber.Az