Bir qrup Yardımlı Rayon sakinləri tərəfindən gundemxeber.az-ın redaksiyasına göndərilən məktubda bildirilir ki, "Rayon İcra Hakimiyyətinin Başçısının müavini Azər Xamiyev  Yardımlı-Masallı magistral yolunun üst hissəsində yerləşən ərazidə ekoloji terror törədib. Belə ki, müavin vəzifəsindən sui-istifadə edərək minlərlə ağacları qırdırıb və Yardımlı Elektrik şəbəkəsinə göstəriş verərək qeyri qanuni transformator yerləşdirərək, bu ərazidə istirahət mərkəzi yaratmağı nəzərdə tutub. Halbuki transformatorun qiyməti minlərlə manatdır. Bu dövlət vəsaitinin mənimsənilməsidir. Bu qanunsuzluqların nəticəsində ekologiyamıza minlərlə manat ziyan dəyib. Çünki, burada qanunsuz olaraq qazıntı işləri aparılıb və minlərlə cavan fidan ağacları vəhşicəsinə məhv edilib. Bu bir fəlakətdir. Həmin ərazinin fotoşəkillərini təqdim edirik. Həmin əraziyə baxış keçirməklə bu qanunsuzluqların şahidi ola bilərsiniz. Buradan aydın olur ki, Azər Xamiyevin bu əməli dövlətə qarşı xəyanətdir. Çünki Cənab Prezident İlham Əliyevin rəhbərliyi ilə hər il ölkəmizdə yüz minlərlə ağac əkilir, yaşıllıqlar salınır. 

Amma Yardımlı Rayon İcra Hakimiyyətinin başçısının müavini Azər Xamiyev yüz minlərlə ağacları məhv edir. Bu çox dözülməz haldır. Azər Xamiyevin qanunsuz əməlləri bununla bitmir. Biz aidiyyəti qurumlardan xahiş edirik ki, Azər Xamiyevin Yardımlı rayonunda həyata keçirdiyi ekoloji fəlakətin qarşısını alsınlar. 

Yardımlı rayonunda hal hazırda fəaliyyət göstərən idarələr də Azər Xamiyevin əsarətindədir. Aztəminatlı ailələrin yaşaması üçün yaradılan sosial işçi yalnız rayonda Azər Xamiyevə və icra hakimiyyətinin digər məmurlarına xidmət edir. O, özünə münasib adamların adlarını həmin idarələrə sosial işçi və ya daimi işçi yaradaraq alınan əmək haqqlarını mənimsəyir. Elə işçilər var ki, ümumiyyətlə idarəni belə tanımırlar. Tanımağa da ehtiyacları yoxdur. Azər Xamiyevi tanımaq kifayətdir. Bundan başqa Yardımlı Rayon İcra Hakimiyyətində hər ay guya aztəminatlı ailələrə yardım məqsədilə pul ayrılır. Bu vəsaitlərin əksəriyyəti mənimsənilir. 

Çünki, yardım edilən şəxslərin əksəriyyəti Yardımlı Rayon İcra Hakimiyyətinin işçilərinin yaxın qohumlarıdır. Həmin pullar Kapital bankdan Yardımlı Rayon İcra Hakimiyyətinin işçilərinin cibinə axır. Rayonda qanunsuzluğu saymaqla bitmir. Bütün qanunsuzluqların başında Yardımlı İcra Hakimiyyətinin işçiləri dayanır. Buradan mətbuat vasitəsilə ölkə rəhbərliyinə müraciət edirik və çox xahiş edirik ki, rayonumuzu Yardımlı Rayon İcra Hakimiyyəti Başçısının müavini Azər Xamiyevin və icra hakimiyyətinin digər məmurlarının əsarətindən xilas edilməsinə köməklik edilsin. Yardımlı Rayon İcra Hakimiyyətinin məmurlarının qanunsuz əməllərinin qarşısının alınmasını xahiş edirik."

GundemXeber.Az redaksiyası olaraq, müraciətdə adıçəkilən şəxslərin də mövqeyini dinləməyə hazırıq.

GundemXeber.Az