Azərbaycan Respublikasının Prezidenti cənab İlham Heydər oğlu Əliyev Amerika Birləşmiş Ştatlarının Prezidenti cənab Donald Trampla 3(üç) tərəfli sülh sazişi imzalanan gün, Bakı şəhəri, Sabunçu Rayon, Ləhiş bağlar massivinin 35-ci dalanında, qabaqcadan planlaşdırılmış, məqsədli şəkildə təxribat törədilmişdir.  

   Bu haqda Bakı şəhəri, Sabunçu Rayon, Nardaran qəsəbəsi sakini Əzimzadə Habil Mirzəbaba oğlu, 2008-ci ildən “yeni aşkar olunmuş tarix və mədəniyyət abidəsi kimi dövlət qeydiyyatına alınmış “qədim qəbirlər, qədim yaşayış məskənləri və kurqan abidələr kompleksi”nə daxil olan Seyid Məhəmməd Kərbəlayi Məhəmməd oğlunun və Seyid Əli Seyid Məhəmməd oğlunun qəbirüstü sanduqə tipli abidələrinin oğurlanması və qəbirlər üzərində təhqiredici hərəkətlər edilməsi barədə gundemxeber.az-ın redaksiyasına faktlarla məlumat vermişdir. 

O, qeyd edib ki, "Bakı şəhəri, Sabunçu Rayonu, Ləhiş bağlar massivinin 35-ci dalanın sonu, 4483 nömrəli bağın cənub-qərbində yerləşən, 2008-ci ildən dövlət tərəfindən “yeni aşkar olunmuş tarix və mədəniyyət abidəsi” kimi mühafizə olunması üçün siyahıya alınmış “qədim qəbirlər, qədim yaşayış məskənləri və kurqan abidələr kompleksi” var. Həmin tarixi ərazi, Kürdəxanı kənd sakini Məmmədova Gülnisə Vəfadar qızının nəsil – şəcərəsinin 300 ilə yaxın və hal-hazıra kimi istifadəsindədir. Bu barədə güvvəyə minmiş və hal-hazıra kimi qüvvədə olan Bakı Appelyasiya Məhkəməsinin 12 yanvar 2009-cu il tarixli, 2(103)-517/2009 saylı məhkəmə qətnaməsi var. Birinci dəfə məhkəmə qətnaməsi qəbrin ərazidən çıxarılması iddiası rədd edildikdən sonra, o zaman Bakı şəhəri, Sabunçu RİH-nin Kürdəxanı qəsəbəsi üzrə icra nümayəndəsi Rafiq Rzayev tərəfindən qəbirlər oğurlanmış və qəbirlər üzərində təhqiredici hərəkətlər edilmişdir. 

Bu məsələ barədə Bakı şəhəri, Sabunçu Rayon Prokurorluğunda 2009-cu ildən başlanmış istintaq 2012-ci ilə qədər davam edilmişdir.     Bakı şəhəri, Sabunçu Rayon, Nardaran qəsəbəsi, Şıxəli Tusi küçəsi, ev 29 ünvanında qeydiyyatda olan və yaşayan Əzimzadə Habil Mirzəbaba oğlunun qanunazidd təxribat xarakterli hərəkəti barədə Azərbaycan Respublikası Baş Prokurorluğunun 961 qaynar xəttinə, Bakı şəhəri, Sabunçu Rayon Prokurorluğuna, AR DİN-nin 102 zəng-xidmətinə və Bakı şəhəri, Sabunçu Rayon Pİ-nin 15-ci PB-sinə hadisə barədə Rəisinə ərizə ilə müraciətlər etmişik. 

Bu şəxs, Əzimzadə Habil Mirzəbaba oğlu, “Nardaran” adlı kafesinin və “Nardaran” yanacaq doldurma məntəqəsinin müdiri və torpaq “makleri” kimi fəaliyyət göstərir. Tarix və mədəniyyət abidələrinin qorunması haqqında Azərbaycan Respublikasının Qanununun 10-cu maddəsində deyilir: Abidələrin bədii-estetik görkəminin dəyişdirilməsi, uçurulması və onlar üçün təhlükə yarada biləcək təmir, inşaat təsərrüfat və digər işlərin aparılması qadağandır. (Maddə 10. Abidələrin toxunulmazlığı). Qanununun 28-ci maddəsində deyilir:  Abidələrin qorunması haqqında Azərbaycan Respublikası qanunvericiliyini pozan şəxslər Azərbaycan Respublikasının qanunvericiliyinə uyğun olaraq cinayət, inzibati. Intizam və mülki məsuliyyət daşıyırlar. (Maddə 28. Abidələrin qorunması haqqında qanunvericiliyin pozulmasına görə məsuliyyət)."

GundemXeber.Az

““QƏSR” Mədəni İrsi və Tarixi Abidələri Qoruyaq 

İB”-nin mətbuat xidməti. Əlaqə telefonu. (050) 707-65-68