Hər il yeni il ərəfəsində televiziyalarımız köhnə filmləri nümayiş etdirirlər. Nəinki köhnə filmlər, eyni zamanda tele-tamaşalar da bayram axşamı təqdim edilir. Bəs görəsən bu filmləri bu qədər baxımlı edən səbəb nədir?

Mövzu ilə bağlı Xalq artisti Afaq Bəşirqızı moderator.az-a danışdı. Bildirdi ki, indi yeni filmlər də, tele-tamaşalar da çəkilir, amma onlar o qədər də baxımlı deyil:

"Biz əvvəlki nəsil yaradıcı insanları yaratdığımız obrazlar bu gün də unudulmur. O zaman həmin filmləri çox çətinliklə ərsəyə gətirirdik, birmizin başı gicəllənirdi, yüksək temperaturla çəkilirdik, təzə cərrahiyə əməliyyatından çıxıb, hələ tikişləri sökülməmiş halda gedib çəkilişdə iştirak edirdik. Deyirlər incəsənət qurban tələb edir. Biz elə bu sənət üçün qurbanlar vermişik. O vaxtlar çox cüzi qanararlar alırdıq. Hətta o dövr həmin pulla çətin keçinsək də bunların heç birini nəzərə almırdıq. Fikirləşirdik ki, biz özümüzdən sonra sənət qoyub gedirik. Bizi təstiq edən, bizi biz edən sənət qoyub getdiyimizi bilirdik. Bu sənət xalqındır. Amma bu gün xoşa gəlməyən, mənasız ssenarilərə- "sənin itin mənim çarığımı apardı" kimi filmlərdə rol almamışıq.
Mən demirəm bizim çəkildiyiniz filmlərin ssenariləri şedevr idi. Bu gün də filmlər çəkilir, amma elə bir şedevr yazıçı, elə bir televizya tamaşası hazırlandı bizmi oynamadıq? Bizdən sonra başqa aktyor heyətləri ilə televiziya tamaşası çəkilsə də o tamaşalar arxivdə çürüyür. Çüni aktyor hiss edir ki, bu ssenari nədir, mən burda nə oynaya biləcəm? Ona görə də çox təəssüflər olsun ki, indi bayağı ssenarilərə çox fikir verilir.
Yazarlarımız var, niyə yoxdur ki? Amma onları bəyənməyən rejissorlar var. Aktyor seçimi düzgün riayət edən bəzi rejissorlar var ki, onlar hələm -hələm köhnədən qalma, öz qələminin gücünü göstərən ssenaristləri bəyənmirlər. O da ki, gətirib belə nəticəyə çıxarır. Hələ uzun müddət belə gedəcək. Deyirlər ki, film çəkmək üçün pul yoxdur, bu yaradıcılıq ocaqlarında bu dəqiqə böyük bir sensasiya yaradıb. Necə yoxdur? Dövlət hər tədbirə görə müəyyən maliyyə ayırır. Necə ola bilər ki, sizin pulunuz olmasın?
Onsuz da yenə aktyorlar gələcəklər, cüzi qanararla işləyəcəklər, amma...
Adam çox şey danışa bilər, amma danışırsan sənin için göynəyir. Bu bizə təsir edir, axı bu belə davam edə bilməz".

Gundemxeber.az