Bu gün qızılın qiyməti rekord həddə çatıb. Əlvan metalın bahalaşmasına səbəb ABŞ və Çin arasında ticarət müharibəsi fonunda qlobal iqtisadi artımla bağlı narahatlıqlardır. Paralel olaraq, dollar ucuzlaşmaqdadır.

Gundemxeber.Az "Reuters"ə istinadla bildirir ki, spot qızılın qiyməti 1,4 faiz artaraq bir unsiya üçün 3,373,70 dollar təşkil edib.

ABŞ-nın qızıl fyuçersləri 1,8 faiz artaraq 3 386,50 dollar olub.

Dollar indeksi son üç ilin ən aşağı səviyyəsinə çataraq qızılı digər valyuta sahibləri üçün daha cəlbedici edir.

IG bazar strateqi Yeap Jun Rong bildirib ki, ABŞ-nın tarif gərginliyi və staqflyasiya narahatlıqlarından qaynaqlanan artan geosiyasi risklər yaranıb.

Xatırladaq ki, ABŞ prezidenti Donald Tramp aprelin 2-də onlarla ölkəyə "cavab rüsumları" tətbiq ediləcəyini açıqlayıb. Onun administrasiyası bəzi ölkələrə qarşı tarif tətbiqini dayandırsa da, Çinlə ticarət müharibəsini gücləndirib. Pekin isə ölkələrə ABŞ-la onun hesabına iqtisadi sövdələşmələr etməmək barədə xəbərdarlıq edib.

Yaranmış gərginliklər qızılın bahalaşmasına səbəb olur. Bununla belə, bu metalın nisbi möhkəmlik indeksi 75-dir ki, bu da qızılın həddindən artıq satın alındığını göstərir.

Ronq hesab edir ki, qızıl üçün növbəti potensial sərhəd 3500 dollar səviyyəsi ətrafında ola bilər.

Spot gümüş isə 0,4 faiz artaraq bir unsiya üçün 32,71 dollara, platin 0,3 faiz artaraq 969,65 dollara, palladium isə 0,5 faiz ucuzlaşaraq 957,68 dollara çatıb.

Analitik Aleksey Kozırev hesab edir ki, 2025-ci ilin yay fəslinin sonuna qədər qızılın qiyməti 2990-3250 dollar unsiya diapazonunda dəyişəcək. Eyni zamanda, mərkəzi banklar metal qiymətlərində artımın əsas generatorları olaraq qalacaqlar.

Analitikin proqnozlaşdırdığı kimi, zaman keçdikcə tələbin azalması fonunda qızılın yüksək qiyməti ona olan marağı qismən azaldacaq və qiymətin ucuzlaşmasına səbəb olacaq

Gundemxeber.az