Rusiyanın baş naziri Dmitri Medvedyevin “twitter” hesabı “hack” edilib.

Dövlət rəsmisinin mətbuat xidmətindən bildirilib ki, Medvedevin hesabında sonuncu atılan tvitlər ona məxsus deyil.

Dmitri Medvedyevin hesabında görünən sonucu tvitlərdən biri o idi ki, baş nazir deyir: “İstefa verirəm, hökumətin fəaliyyəti utancvericidir. Məni bağışlayın. Sərbəst fotoqraf olacağam, bu çoxdankı xəyalımdır”.

Başqa bir tvitdə isə deyilir: “Ölkə rəhbərliyindəki problemlərə görə Rusiya vətəndaşları əziyyət çəkməməlidir”.

Sözügedən tvitlər hesabın yenidən ativ edilməsindən sonra silinib.

Qeyd edək ki, baş nazirin sosial şəbəkə hesablarına bundan əvvəl də hücumlar edilmişdi.