Göyçay rayonu çayarxı kənd sakini Nəbiyev Anar Rövşən oğlu tərəfindən, redaksiyamıza şikayət məktubu daxil olub. Rövşən Nəbiyev gundemxeber.az-a ünvanladığı şikayət məktubunu eyni zamanda Azərbaycan Respublikasının Prezidenti cənab İlham Əliyevə də göndərib.Şikayətçinin göndərdiyi məktubu olduğu kimi “Gündəm Xəbər” oxucularına təqdim edirik. Mən 22 yanvar 2003-cü il tarixdən bu günə kimi Kəndli “Fermer təsərrüfatı”-nın başçısı vəzifəsində işləyir, Başçılıq etdiyim təsərrüfatın qanuni istifadəsində 37.5 hektar torpaq sahəsi vardır. İşsizəm,ailəliyəm 1 azyaşlı övladım var. 10 yaşımdan ailə üzvlərim ilə birlikdə oradan əkinçiliklə məşqul oluruq. 20 ilə yaxındı ki gecəmiz gündüzümüz oranının tozunu udub işləmək olub. Qanuni təsərrüfatımız olub bu gundə davam edir. O vaxtkı rayon İcra hakimiyyətinin başçısının sərəncamı ilə 1996-cı ildən daimi istifadəmizdə olan fermer təsərrüfatdır. Bu gündə təsərrüfatla dolanıram. Həmin torpaq sahəsinin bir hissəsi dağlıq ərazidə, digər hissəsi isə yol kənarında yerləşir. Göyçay rayon məhkəməsinin hakimi Elxan Babayevin torpaq sahəsinin yolun kənarında olan hissəsinə (yağlı yerinə) gözü düşüb. Aqressiv hərəkətlərindən görünür ki, torpağı ələ keçirmək niyyətindədir və etdi. Ortalığa qoca kənd sakinini salaraq oyun oynayır.Rayonun Qarabaqqal kənd sakini 87 yaşlı İ.Novruzova saxta icarə müqaviləsi təşkil edərək məndən ora-bura yazdırmağa başladılar. İş məhkəyə düşdü. Məhkəmədə ilk dəfə hakim Fərhad Əfəndiyev tərəfindən baxıldı. Hakim mənim mülkiyyətimdə olan torpaq sahəsinin boşaldılması barədə qərar qəbul edib. Işə apellyasiya və Ali məhkəmə baxmış, bu qərar qüvvədə saxlanılmışdır.
Mənim başçılıq etdiyim fermer təsərrüfatının qanuni istifadəsində olan və sonradan mülkiyyətinə verilmiş torpaq sahəsinə İmran Novruzova saxta icarə müqaviləsi verilmişdir. Belə ki, Qarabaqqal Bələdiyyəsinin 27 aprel 2007-ci il tarixli iclasında gündəlikdə olan məsələlərin siyahısında - torpaq sahəsinin Novruzov İmran Cahangir oğluna icarəyə verilməsi olmamışdır. Protokolda heç bir qeydiyyat aparılmadan, bələdiyyə üzvləri iştikak etmədən, rayon Torpaq şöbəsində qeydiyyata alınmadan, sxemi olmadan rusumu keçirilmədən İ.Novruzova müqavilə verilmişdir. Onun ahıl yaşlarında olan vaxt (87 yaşı var), torpaq sahəsini icarəyə götürməsi və əkib-becərməsi faktiki mümkün deyil. Sonradan başa düşdüm ki, yerim yol kənarında olduğundan əlimdən qəsdən almaq istəyirlər. Sadəcə olaraq ona saxta müqavilə verilib ki, həmin müqaviləyə əsaslanaraq mənə qarşı məhkəmədə iddia qaldırsın. Hiss olundu ki rayonda quruplaşma yaradırlar mənidə oyuna salırlar. Həmin ərəfədə hakim Elxan Babayev (torpağa gözü düşdüyündən) baxması üçün işi öz üstünə yazdırdı. Həmin mülk iş 18 ay məhkəmədə araşdırıldı. Məhkəmədə məlum oldu ki, İmran Novruzovun məhkəməyə təqdim etdiyi sənədlər köhnə tarixə qeydiyyatı aparılmadan saxta şəkildə tərtib olunub. İcarəyə verilmiş torpaq sahəsinin 2007-ci il tarixli planını həmin vaxt bələdiyyə sədri olmayan şəxs tərəfindən təsdiq edilmişdir. Bunu görəndən sonra həmin Bələdiyyə sədrinin yanına getdim, dedim qardaş, sən 2007-ci ildə Qarabaqqal Bələdiyyəsində nəinki sədr, heç bələdiyyənin üzvü də olmamısan. Nəyə görə həmin sənədi möhürlə təsdiq etmisən. Bəsədiyyənin sədri dedi, həmin sənədi mən Göyçay rayon icra hakimiyyətinin müavini Yunis Osmanlının tapşırığı ilə təsdiq etmişəm. “mən kiməm ki onun sözündən çıxam”. Burdan məlum oldu ki, quruplaşmada kimlər var. Bunu bir azda dəqiqləşdirmək üçün addımlar atdım. Bundan sonra DTXK-nin Göyçay rayon şöbəsində məsul işdə çalışan Qismət Məmmədovun yanına getdimki, niyə saxta sənədə imza atmısan sən buna görə həbs olunmalısan. Onun da cavabı eyni oldu və əlavə etdiki başçının müavini Yunus Osmanlıdan konkret tapşırıq var. Bundan əlavə məlum oldu ki, ortalığa atılmış yaşlı kənd sakinin İ.Novruzov yaşadığı kənddə Yunus Osmanlı ilə hakim Elxan Babayev arxamda durublar kimi ifadələr söyləyir.Beləliklə məhkəmədə iş mənim ziyanıma qurtardı. Hakim Elxan Babayev Yunis Osmanlının bir kəlmə sözü ilə mənim rəhbərlik etdiyim fermer təsərrüfatının daimi istifadəsində olan və hərrac-müsabiqə yolu ilə mülkiyyətimə verilən torpaq sahəsinin rəsmi sənədlərini ləğv etdi. Nəticədə həmin torpaq sahəsi Bələdiyyənin mülkiyyətinə qayıtdı. Indi bilmirəm fermer təsərrüfatının inkişafı ilə məşğul olum, yoxsa saxtakar məmurlarla mübarizə aparım. Artıq başımı itirmişəm, hətta elə gün olub ki, özümü öldürmək istəmişəm. Ümidim yalnız və yalnız cənab prezidentə qalıb. Cənab prezident hakim ədalətli olmalı, qanunun keşiyində dayanmalıdır amma Göyçayda Elxan Babayev şəxsi maraqlarının, tapşırıqların, maddiyyatın keşiyində durur. Hesab edirəm ki, yalnız cənab prezidentin bir başa bu məsələyə müdaxiləsindən sonra problemim öz həllini tapacaq.

Hörmətli cənab prezident ! heç bir yerdən ümidi olamyan, tək ümidi Sizə olan bir vətəndaş kimi məsələnin qanuni araşdırılamsı üçün hüquq mühafizə orqanlarına tapşırıq verməyinizi və rəhbərlik etdiyim fermer təsərrüfatının daimi istifadəsində olan və hərrac-müsabiqə yolu ilə mülkiyyətimə verilən torpaq sahəsi özümə qaytarılmasında köməklik edəsiniz.

“Gündəm Xəbər Qəzeti Redaksiyası”