KXCP Saatlı rayon şöbəsi gundemxeber.az-a baş verən seçki saxtakarlığı ilə bağlı məlumat veriblər. Həmin məlumatı olduğu kimi oxucuların diqqətinə çatdırırıq.Hörmətli redaksiya, bildiyiniz kimi Respublikamızda 23 dekabr 2014-cü il tarixdə bələdiyyə seçkilərinin demokratik keçirilməsi barədə, istər hakimiyyət nümayəndələri, istər MSK öz mövqelərini bildiriblər.
Sakin 65 saylı Saatlı-Sabirabad –Kürdəmir seçki dairəsində eləcə də 16 saylı Novruzlu seçki məntəqəsində seçki abı-havası yoxdur. Bu isə onu deməyə əsas verir ki, MSK-nın sözü ilə əməli tərs mütanasibdir və seçicilərin seçkiyə olan əhval-ruhiyəsini, inamını azaldan bir əməldir.
Belə ki,65 saylı Saatlı-Sabirabad-Kürdəmir seçki dairəsinin 16 saylı Novruzlu seçki məntəqəsinin sədrinin və bələdiyyəyə verilən namizədlərin siyahısı və kimlikləri gizlin saxlanılır. Dəfələrlə dairədə olsaqda dairənin sədri Yengibar Abuşovu yerində tapa bilməyirik. Dairənin səlahiyyətli nümayəndələri isə 16 saylı Novruzlu seçki məntəqəsinin sədrinin kimliyi və bələdiyyə namizədlərin siyahısını gizlin saxlayırlar. Bu barədə 19 dekabr 2014-cü il tarixdə MSK-nın sədri Məzahir Pənahova teleqramma vuraraq məlumat versəmdə heç bir tədbir görülməyib.Bu da onu deməyə əsas verir ki, seçicilərlə yanaşı, bir nazmizəd kimi mənimdə hüquqlarımın pozulmasına şərait yaradır.
Əlavə olaraq qeyd edim ki, 16 saylı Novruzlu məntəqə seçki komissiyası , Novruzlu icra nümayəndəsi Oktay Zülfüqarovun inhisarındadır. O, Zülfüqarovun razılığı olmadan Novruzlu kəndində olan sosial obyektlərin rəhbərlikləri və ərazidə işə düzəlmə onun birbaşa səlahiyyətindədir. Belə ki O. Zülfüqarovun keçmiş müahasibi və məntəqə sədri olmuş Bayram Həsənovu, Bələdiyyə sədri gətirməkdən ötrü nazmizədlər komandası da hazırdır. Onu da qeyd edim ki, Bayram Həsənov həmdə məntəqə sədridir. Kənddə gəzən şayələrə görə B.Həsənov bələdiyyə sədri gəlməkdən ötrü pulunuda verib. Yuxarıda göstərdiklərim və digər məsələlər onu deməyə əsas verir ki, seçicilərin hüquqlarının pozulması ilə yanaşı, bələdiyyəyə namizədlərin seçicilər tərəfində seçilməsi yox, bələdiyyə namizədlərin təyin edilməsi prosesi gedir. Bu da seçicilərdə seçkiyə olan inamı azaldır.
İnanıram ki, millətini, dövlətini sevən əlaqədar qrumaların nümayəndələri öz mövqelərini ortalığa qoyaraq , Dövlətimizin Xalqımızın gələcəyi üçün öz cəsarətli addımlarını atacaqlar.
Saatlı rayon Novruzlu kənd Sakini , 16 saylı Novruzlu seçki ərazisindən nazmizəd, KXCP-nın Ali məclisin üzvü Həsənov Əlisa Əzizağa oğlu.

” Gündəm Xəbər Qəzeti Redaksiyası”