Təhsil və səhiyyə “bazar” çevrilib; İcra başçısı “ənənəvi metod”u ilə rayonu uçuruma yuvarlayıb

Bir neçə gün əvvəl Gədəbəy rayonunda 11 yaşlı oğlanın intihar etməsi ilə bağlı bəzi məqamlar aydınlaşıb.

«Gündəm Xəbər» qəzeti saytlarda yayılan xəbərlərə istinadən məlumat verir ki, Arabaçı kəndində özünü asaraq intihar edən 2004-cü il təvəllüdlü Abbasov Şahin Gülzalı oğlunu, orta məktəbdə müəllimi tərəfindən döyülüb. Xəbərdə iddia edilir ki, 5-ci sinifdə oxuyan Ş.Abbasov məktəbdə şagirdlərin gözü qarşısında müəllimi tərəfindən kobud rəftarla üzləşib. O, daha sonra özünü asaraq intihar edib.

Özünü öldürmə faktı ilə bağlı rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb. Ş.Abbasovun valideynləri və digər yaxınları ilə yanaşı, müəllimləri və sinif yoldaşları da istintaqa ifadə verib. İstintaq sirri olduğundan onların ifadəsi açıqlanmır.Özünü öldürən məktəblinin meyitinin ekspertizasından əldə edilən nəticələr yaxın günlərdə hazır olacaq.

Bu sensasiyalı xəbər diqqəti yenidən Gədəbəyə yönəldib.

Qəzetimizi bilgiləndirən gədəbəylilərin sözlərinə görə, Gədəbəy rayon İcra Hakimiyyətinə Ramiz Yediyarovun təyinatından sonra, nəinki rayonun bütün sahələri, hətta təhsil sistemi də «iflic» olub: «Rayonun bütün sahələrində olduğu kimi, təhsilində də Ramiz Yediyarov «güləyi əsir». O, rayon təhsilini də özünün şəxsi maraqlarının qurbanına çevrib. Siz rayon məktəblərinə verilən inventarların hansı MMC-lər tərəfindən təmin edilməsi faktlarını araşdırsanız, görəcəksiniz ki, icra başçısı ilə rayon təhsil şöbəsinin müdiri təhsili necə «bazar»a çevriblər:

«Bəli, keçmiş vergi əməkdaşı olan Ramiz Yediyarov, hələ də o sistemin bəzi məmurlarının idarəetmə sistemindən uzaqlaşa bilməyib. O, təyin edildiyi üç il müddətində Gədəbəydə elə bir idarə, müəssisə yoxdur ki, həmin idarələrə dövlət tərəfindən ayrılan pul vəsaitləri mənimsənilməsin.

Bizdə olan məlumatlara görə, artıq müəyyən yuxarı qurumlar Ramiz Yediyarovun qanunsuz əməlləri haqda kifayət qədər məlumatlıdırlar. Yəqin ki, bu məmurun görəvdən alınma müddəti, tez bir zamanda baş verəcək.

Mürəkkəb məsələ ondadır ki, Ramiz Yediyarov görəvdən alınandan sonra onun dağıtdığı və mənimsədyi dövlət vəsaitlərinin sorğu-sualı necə olacaq?

Gədəbəy rayonuna düşmən kəsilmiş bu məmur yəqin ki, yediyi və göyə sovurduğu vəsaitlərin sorğu-sualını gələcəkdə həmin təşkilatlara rəhbərlik edənlərin üzərinə yıxacaq. Başqa yol da yoxdur. Keçmiş vergi mütəxəssisi olan başçı çox gözəl bilir ki, onun idarə və müəssisələrdən yığdığı rüşvətlər, heç bir sənədə imzası olmadan əldə etdiyi qanunsuz vəsaitlərdir. Yəni o, idarə müdirlərini yükləyərək, həm pulunu qazanır, həm də özünü məsuliyyətdən azad edir».

Məlumata görə, Ramiz Yediyarov hələ 14 saylı Ərazi Vergilər İdarəsində rəis işlədiyi zaman, bu «metodlar»dan çox gözəl istifadə edib: «Onun vergidəki iş üslubunu həmin dövrün sahibkarlarından soruşa bilərsiniz. O, vergi müfəttişlərini ayrı-ayrı sahibkarların yanına göndərir və onlardan rüşvət tələb edirdi. Buna etiraz edən sahibkarlar isə, vergi əməkdaşları tərəfindən ağır cəzalandırılırdı. Şikayət edən sahibkarlara isə Ramiz Yediyarov özünü elə göstərir ki, guya rüşvət alınmasından onun xəbəri yoxdur. İcra başçısı təyin edildiyi üç il müddətində də, həmin maxinasiyalarını Gədəbəy rayonunda həyata keçirməyə başladı. Ramiz Yediyarovun ən çox zərbə vurduğu təşkilatlar səhiyyə və təhsildir. Demək olar ki, rayonda təhsil və səhiyyənin vəziyyəti çox acınacaqlı vəziyyətədir. Hətta elə kənd orta məktəbləri var ki, heç onların qapısı belə açılmır. Nəticədə dərsə gəlməyən müəllimlərə aylıq məvacib yazılır, direktorlar həmin məvacibi yarı bölür və toplanan vəsaitlər rüşvət olaraq rayon rəhbərliyinə ötürülür».

İcra hakimiyyətini yaxınlığında yerləşən 1 saylı orta məktəb haqda məlumat verən şəxs bildirir ki, məktəb 60-cı ildə necə tikilibsə, bu gün də həmin görkəmdədir. Hətta bəziləri iddia edirlər ki, Ramiz Yediyarov icra başçısı təyin ediləndən bəri, həmin məktəbin təmiri üçün külli miqdarda vəsait ayırmış, ancaq həmin vəsait təyinatı üzrə xərclənmədən başçı tərəfindən mənimsənilib. Bir nömrəli şəhər orta məktəbinin şagirdləri üçün nəzərdə tutulmuş komputer avadanlıqlarından, demək olar ki, heç bir əsər-əlamət yoxdur. Deyilənlərə görə, həmin komputerlər məktəbin direktoru Sevda Musayeva tərəfindən satılmış, əldə edilən pul isə şəhər meri Şahbaz Bayramovun əli ilə Ramiz Yediyarova çatdırılıb.

Səhiyyə ocaqlarında da vəziyyət acınacaqlıdır. Belə ki, Akademik Zərifə Əliyeva adına Gədəbəy Mərkəzi Xəstəxanasının baş həkimi Ramiz Pirverdiyev xəstəxananı ticarət mərkəzinə çevirib. Təsəvvür edin ki, Gədəbəy əhalisi ən kiçik analizləri üçün belə başqa rayonlara üz tutmalı olurlar. Belə ki, Gədəbəy Mərkəzi xəstəxanasına göndərilən tibb avadanlıqlar baş həkim

tərəfindən çox ustalıqla satılır. Bunun nəticəsidir ki, hər kəsin payını yaxşı çatdıran baş həkim, uzun müddətdir ki, mərkəzi xəstəxanaya rəhbərlik etməkdə davam edir.

Nəzərinizə onu çatdırırıq ki, müstəqillik qazanandan bu yana Gədəbəyə təyin edilmiş icra başçılarının heç birinin işlədiyi dövrdə, belə talançılıq, rüşvətxorluq, səriştəsizlik, məmur özbaşınalığı olmamışdır. Ramiz Yediyarov icra başçısı təyin ediləndən, hədindən artıq rüşvətə meyilli olduğu üçün rüşvətin tüğyan etməsinə şərait yaradılıb. Bunun bariz nəticəsidir ki, bir nömrəli məktəbə iki ildir ki, direktor təyin olunan Sevda Musayevanın gözləri ayaqlarının altını seçmir. O, hər yerdə bəyan edir ki, “heç kim məni işdən azad edə bilməz, məni bu vəzifəyə icra başçısı təyin edib, o da müdafiə edir.

Təkcə bir faktı qeyd etmək lazimdir ki, Gədəbəydəki təhsillə bağlı qazetinizin ötən saylarında gedən yazılardan təşfişə düşən məktəb direktoru, öz qanunsuz işlərinə qanunu don geyindirmək üçün, gecələr məktəbə gəlir və müəyyən jurnalları, sənədləri evinə aparıb dəyişdirir.

Burada bir nüansı da qyed edək ki, maraq fənlərini öz yaxın əlaltılarının adına yazdır, amma heç bir dərs keçilmir və həmin pullar da mənimsənilir. Rayonda elə bir insan tapmaq olmaz ki, Ramiz Yediyarov başda olmaqla, bu gün rayona rəhbərlik edən məmurlardan razı olsun».

Cəfər