Bu gün Azərbaycan Respubilkasının prezidenti, eyni zamanda hakim Yeni Azərbaycan Partiyasının Sədri İlham Əliyevin doğum günüdür.

Doğum günü ilə əlaqədar Ölkə.Az saytı olaraq siyasi partiya sədrlərinin Prezident İlham Əliyevə ürək sözləri və arzularını öyrəndik:

ADP sədri Sərdar Cəlaloğlu: "Hər bir siyasi partiya xalqın problemlərini həll etmək, xalqı xoşbəxt bir gələcəyə aparmaq, ölkəni daxili və xarici düşmənlərdən qorumaq, xalqa dost yığmaq üçün formalaşır. Onun liderinin də vəzifəsi xalqının dostlarının sayını artırmaq, düşmənlərinin sayını azaltmaqdır. Düşmənləri məğlub etmək, xalqının nüfuzunu qaldırmaqdan ibarətdir. Hər bir partiya sədri bu işləri görməlidir. Onun da Azərbaycan xalqı qarşısında xidmətləri nə dərəcədə öz xalqına dost yığmaq, nə dərəcədə xalqının düşmənlərini neytrallaşdırılması ilə ölçülə bilər. Bu baxımdan Prezident İlham Əliyevə bu vəzifələrin yerinə yetirilməsində müvəffəqiyyət arzulayıram".

Müasir Müsavat Partiyasının sədri Hafiz Hacıyev: "Əziz qardaşım İlham Əliyevi təbrik edirəm. İlham Əliyev çox ləyaqətli şəxsdir. İlham Əliyev bir partiya sədri kimi, prezident kimi yetişmiş bir insandır. İlham Əliyev milləti üçün həddindən artıq çox çalışan bir şəxsdir. İlham Əliyevə qardaş kimi arzum odur ki, həmişə yüksəklərdə olsun, həmişə millətinə xidmət eləsin. Hər an onun yanındayam, onun yolunda ölümə getməyə də hazıram. Çox təəssüf ki, İlham Əliyevin ətrafındakılardan bəziləri onun lazımi qədər qədrini bilmir. Ancaq mən buna icazə verməyəcəm. Qardaşım İlham Əliyev bilməlidir ki, onun mənim kimi bir cəngavər qardaşı var və 90 minlik ordusu ilə onun yanındadır. Ona can sağlığı, uzun ömür, ailə xoşbəxtliyi arzulayıram".

Ümid Pariyasının sədri İqbal Ağazadə: "İlham Əliyevə uzun ömür can sağlığı arzulayıram. Arzu edirəm ki, məsuliyyətdən və görəvdən doğan vəzifələrinin icrası üçün əlindən gələni etsin. Ən başlıcası müxalifətlə və cəmiyyətlə dialoqun qapıları həmişə açıq olsun".

AXCP sədri Razi Nurullayev: "Hələ digər tərəfdə olanda, Əli Kərimlinin rəhbərlik etdiyi AXCP-də olanda da, İlham Əliyevi iki dəfə təbrik etmişdim. Düşünürəm ki, dövlət başçısını partiya sədrinin təbrik etməsində hər hansısa siyasi məqsəd güdmək lazım deyil. İlham Əliyevi ad günü münasibəti ilə səmimi qəlbdən təbrik edirəm. Ona uzun ömür, can sağlığı arzulayıram. Düşünürəm ki, Azərbaycanda partiya sədrləri özündə siyasi iradə tapıb dövlət başçısını və digər partiya sədrlərini təbrik etməlidir. Burada bir siyasi məqsəd axtarılmamalıdır. Bu bir mədəniyyət nümunəsidir. Bir daha İlham Əliyevə uzun ömür, can sağlığı arzulayıram. Arzu edirəm ki, cəmiyyətin gözləntilərini doğrultsun".

Azərbaycan Sosial Demokrat partiyasının sədri Araz Əlizadə: "İlham Əliyev Azərbaycan Respubilkasının prezidentidir. Çox maraqlı bir prezidentdir. Onun fəaliyyəti ancaq Azərbaycan dövlətçiliyinin möhkəmlənməsinə yönəlib. Ona uğurlar arzu edirəm. Allah ona can sağlığı versin. Dünyada iqtisadi, siyasi böhrandır. İlham Əliyev bütün gücünü sərf edir ki, Azərbaycanı bu böhrandan zərərsiz, xətərsiz çıxarsın. Bu yolda ona müvəffəqiyyətlər arzulayıram. Daim əlimizdən gələni edəcəyik ki, Azərbaycan dövləti möhkəmlənsin. Bu işdə ona yardımçı olmağa hazırıq".

Ana Vətən partiyasının sədri Fəzail Ağamalı: "İlham Əliyevi doğum günü, qarşıdan gələn Yeni il və Dünya Azərbaycanlılarının Həmrəylik günü münasibətilə təbrik еtməkdən böyük sеvinc və məmnunluq duyurаm. İlham Əliyevin müdrik və milli mаrаqlаrımızа söykənən siyаsəti qısа zаmаn kəsiyində müstəqil Аzərbаycаn dövlətinə Bеynəlхаlq аləmdə böyük nüfuz qаzаndırmış, оnun dünyаdа yüksək mövqе tutmаsını təmin еtmiş və ölkəmizi Cənubi Qаfqаzın lidеr dövləti səviyyəsinə qаldırmışdır. Ölkəmizin müdafiə qabiliyyətinin gücləndirilməsi və işğal olunmuş torpaqlarımızın azad olunmasında tutduğunuz güzəştsiz və prinsipal mövqe, sоsiаl-iqtisаdi sfеrаdа əldə еdilən uğurlar, insаnlаrın həyаt tərzinin fundаmеntаl şəkildə yахşılаşdırılmаsı, ölkəmizdə dеmоkrаtik prosеslərin аrdıcıl хаrаktеr dаşımаsı İlham Əliyevin qətiyyətli fəаliyyətinin məntiqi nəticəsidir. Tam əminəm ki, İlham Əliyevin dəmir iradəsi milli dövlətçiliyimizin qorunub saxlanılmasına, onun möhkəmlənməsinə və ölkəmizin dünyada ön sıralara çıxmasına xidmət edən islahatların daha böyük sürətlə gedişi prosesinə yeni-yeni töhfələr verəcəkdir.
İlham Əliyevi bir dаhа üç əlamətdar bayram münаsibəti ilə səmimi qəlbdən təbrik еdir, möhkəm cansağlığı, аilə хoşbəхtliyi, uzun ömür və Аzərbаycаn dövlətinin çiçəklənməsi naminə аtdığı möhtəşəm аddımlаrdа yеni-yеni uğurlar аrzulayıram".

Qeyd edək ki, İlham Əliyev 1961-ci il dekabrın 24-də Bakı şəhərində anadan olub. O, 1997-ci ildən Azərbaycan Milli Olimpiya Komitəsinin Prezidenti, 2003-cü ildə Azərbaycan Respublikasının Baş Naziri, 2003-cü ildən Azərbaycan Respublikasının Prezidenti, 2005-ci ildən isə Yeni Azərbaycan Partiyasının Sədridir.

Səxavət Məmməd