Sabiq deputat ABU rektoru ilə oğurlanmış qardaşının da bazarlığın edib

Elşad Abdullayev: “Gülər Əhmədova ilə Sevinc Babayeva mənə demişdir ki, Gülər Əhmədova qardaşım Mahirin tapılmasında yardımçı ola bilər, onun çox böyük əlaqələri var”
Fəaliyyəti dayandırılmış Azərbaycan Beynəlxalq Universitetinin (ABU) sabiq rektoru, hazırda Fransada mühacirət həyatı yaşayan Elşad Abdullayev eks-millət vəkili Gülər Əhmədova barəsində açılan cinayət işi ilə bağlı Bakı şəhər Prokurorluğuna müraciət ünvanlayıb. Bu barədə Elşad Abdullayev özü məlumat verib.
Elşad Abdullayevin müraciətində bir sıra məqamlara toxunulub. Müraciətin müəyyən hissəsini ixtisarla təqdim edirik: “Gülər Əhmədovanın barəsində başlanmış cinayət işi ilə əlaqədar bir zərərçəkmiş şəxs kimi istintaqa aşağıdakıları göstərə bilərəm:
Mənim doğma qardaşım, Azərbaycan Respublikası Milli Təhlükəsizlik Nazirliyinin əməkdaşı Abdullayev Mahir İslam oğlu 13 oktyabr 2003-cü il tarixdə saat 10:30 radələrində evdən çıxmış və bir daha geri qayıtmamışdır. Məhz qardaşımın oğurlanmasının səhərisi günü, 14 oktyabr 2003-cü il tarixində saat 08-09 radələrində deputat Gülər Əhmədova və Sevinc Babayeva mənim iş otagımda-Azərbaycan Beynəlxalq Universitetinin rektorlugunun qəbul otagında məni gözləyirdilər, həmin an onları qəbul etdim. Gülər Əhmədova ov şikarı üstünə gəlmiş ovçu kimi məni təhdid edib üstümə gələrək bildirdi ki, Mahirin mənə 600 ABŞ dolları borcu vardır.
Mən Gülər Əhmədovaya bildirdim ki, heç narahat olmayın əgər qardaşım Mahir mənə bildirsə ki, sənə 600 dollar borcu var şəxsən mən həmin pulu özüm sənə qaytaracagam. Gülər Əhmədovanın bu 600 dollar ehyamını mən Əli Zəngilanskinn video-görüntülərində dediyi kimi Mahiri müğənli Mətanət İsgəndərlinin evindən DİN-in Banditizm İdarəsinə aparılan günü onun əl sumkasından 600 min dolların götürülməsi kimi başa düşürəm.
Hal-hazıra kimi də 10-cu ildir ki,Mahirdən heç bir məlumat yoxdur. Baş Prokurorluq yanında yaradılmış Müstəqil İstintaq Komissiyasının yaradılmasından 7 ay 7 gün kecir. Halbuki, bir hüquqşünas kimi təsdiq edirəm ki, bu cinayətin açılması üçün KİV-də ictimailəşmiş bir video-faktda kifayətdir. İctimai əhəmiyyətini nəzərə alsaq bütün azərbaycan xalqıda bunu təsdiq edir. Mən qardaşımın tapılması üçün bütün vasitələrə əl atmışam. Məhz bu axtarışların gedişində Gülər Əhmədova ilə Sevinc Babayeva mənə demişdir ki, Gülər Əhmədova qardaşım Mahirin tapılmasında yardımçı ola bilər, onun çox böyük əlaqələri var”.