Seksual gözəlçə…

Son zamanlar Türkiyə mediasının başı yazıçı Adnan Oktarın A9 kanalında aparıcısı olduğu proqrama qarışıb.
"gundemxeber.az" xəbər verir ki, söhbətlərindən çox ekranda yanında olan qadınların açıq-saçıq geyimləri ilə gündəmə gələn Adnan Oktar türk mətbuatının dilindən düşmür.
Veriliş boyunca aparıcının “kediciklərim” adlandırdığı qadınların libaslarında alt geyimlərinin görünməsi söz-söhbətə səbəb olub. Hətta proqramda dini mövzular müzakirə olunarkən “kediciklərin” açıq-saçıq geyimlərlə və sinə dekoltesi ilə efirə çıxması Türkiyə mediasında ajiotaj yaradıb.
“Adnan Oktar Hocanın ən uslu kediciği” adı ilə tanınan Beyza Bayraktar kameralara verdiyi pozalarla izləyənlərin və media nümayəndələrinin diqqətini çəkib.
Beyza Bayraktar 1979-cu ildə Türkiyədə anadan olub. İxtisasca qrafist-rəssamdır. Hətta onun beyzabayraktar.muminkadinlar.com adlı internet səhifəsində Allah, din və mömin qadınlar haqqında yazıları da dərc olunur. Geyimi və həyat tərzi yazıları ilə uzlaşmayan gözəlçə son zamanlar türk mediasında açıq-saçıq fotoları ilə səs-küy yaradıb.
Özünü islam din xadimi kimi təqdim edən, azərbaycanlı oxucuya daha çox Harun Yəhya imzası ilə yayılan kitabların müəllifi kimi tanış olan Adnan Oktarın aparıcısı olduğu bu veriliş bizim tamaşaçıların diqqətinə və iradlarına səbəb olub. Bir çoxları nə qədər baş sındırsalar da, açıq-saçıq geyimli, hər kəlməbaşı inşallah, maşallah deyən aparıcıların, eləcə də onlara dəstək olan Adnan Oktarın hansı dinə, əqidəyə qulluq etmələrini aşkar edə bilmirlər.
Həmin fotoları və videogörüntünü sizə təqdim edirik: