Azərbaycanda yeni fəaliyyətə başlayan ARB TV-də müxtəlif televiziyalardan ayrılmış aparıcılar yer alacaq.

Məlumata görə, ANS televiziyasından ayrılan bir qrup jurnalist də fəaliyyətini burada davam etdirəcək.
Tanınmış jurnalist Afət Rahilqızının həftəiçi hər gün “Afətlə çıxış yolu” adlı verilişi yayımlanacaq. Veriliş sosial məzmun daşıyacaq. ANS-dən ayrılan digər aparıcı Natiq Nailəoğlu da yeni verilişlə tamaşaçıların görüşünə gələcək.
Xəzər televiziyasından getmiş Məcid Hüseynov da yeni telekanala dəvətlilər sırasındadır.
Qeyd edək ki, yeni telekanalda Zümrüd Qasımovanın “Gəlin danışaq” proqramı da yaymlanacaq. (publika.az)