Müğənni Ebru Polad pərəstişkarı olan iş adamının 100 min dollarlıq yemək təklifini rədd edib.

Dekabr ayında iş adamlarından biri sosial şəbəkə vasitəsilə müğənniyə mesaj yazaraq bildirib ki, onunla yemək yesə, Ebrunun istədiyi xeyriyyə vəqfinə 100 min dollar ödəniş edəcək. Bu haqda öz səhifəsində yazan və iş adamının adını açıqlamayan müğənni bunun aldığı ən gözəl təklif olduğunu bildirmişdi.

Ötən gün isə müğənni iş adamının təklifini rədd etdiyini bildirib: “Öncə təklifi qəbul etdim. Çünki xeyriyyə vəqfinə 100 min ödəyəcəyini demişdi. Daha sonra isə davamlı mənə yazdığı üçün fikrimi dəyişdim. Çox israr etdi, qorxdum”. (Musavat.com )