Böyük Britaniyalı musiqiçi, əfsanəvi rok ifaçısı Con Uetton 68 yaşında dünyasını dəyişib.

Bu barədə musiqiçinin rəsmi saytında məlumat yerləşdirilib.

Vokal, gitara ifaçısı, bir çox mahnıların müəllifi Con Uetton xərçəng xəstəliyi ilə uzunsürən mübarizədən sonra dünyasını dəyişib.

70-ci illərdə "King Crimson" qrupu ilə məşhurlaşan Uetton "Roxy Music", "Uriah Heep" kimi qruplarda çıxış edib.1980-ci ildə isə "Caught In the Crossfire" ilk solo albomu çıxıb.