Müğənni Zenfira İbrahimovanın bu yaxınlarda həbs edilmiş əri Anar Heydərov sabah azadlığa buraxılacaq.

Bu barədə müğənni sosial şəbəkədə məlumat yayıb.

“Son bir gün qaldı, inşallah. Çox darıxmışam. Həqiqətən, sənsiz həyatın mənası yoxdur mənim üçün”, - deyə ifaçı yazıb.

Xatırladaq ki, Anar Heydərov iyunun 25-də öz motosikleti ilə Zaqulba prospektindən üzü Bilgəh istiqamətində hərəkətdə olan zaman avtoxuliqanlıq edib. Məhkəmə qərarı ilə Anar Heydərovun sürücülük hüququ 1 il müddətinə məhdudlaşdırılıb. Özü isə 20 gün inzibati həbs cəzası ilə saxlanılıb.