Britaniyanın ən zəngin və ən məşhur zadəgan xanımlarından biri, baronessa Karren Bredinin qızı model karyerasına başlamaq niyyətindədir.

Nottingem Universitetinin tələbəsi, 21 yaşlı Sofiya Pesşisolido "TopShop" brendinin yeni kolleksiyasının reklamına çəkilməklə bağlı təklif alıb.

Baronessa Bredi də qızının bikinidə və "TopShop" geyimlərində fotolarını İnstagram ilə Twitter-dəki akkauntlarında paylaşaraq yazıb: "Qızımla fəxr edirəm. O, gözəlliyi və görünüşü baxımından ən məşhur modellərdən geri qalmır".

48 yaşlı baronessa Karren Bredi qızının model olmaq arzusuna qarşı çıxmaq istəmədiyini deyib.

"Mən tanınmış zadəgan olsam da, qızımın həyatına müdaxilə etmirəm. Zənginəm, amma qızım universitetdə təhsil haqqını ödəmək üçün bankdan kredit götürüb. Bu, azad insanın seçimidir", - Baronessa Karren deyib.