Müğənni Roza Zərgərli bu gün “10-dan sonra” proqramına qonaq olub.

Verilişdə Rozanın "Maşın"da aparıcı İlhamə Bədəlova arasında yaşanan qalmaqalı müzakirə olunub.
Əvvəlcə Bədəlovanın verilişdə olarkən Roza haqqında söylədiyi fikirlər yayımlanıb. Bədəlova “Xəstə olduğu üçün işçini qovmusan” deməsinə etiraz edib və ondan üzr gözlədiyini bildirib: “Rozanın iddia etdiyi kimi, işdən qovduğum şəxsin telefon danışığını eşitmisiz. Gördüz ki, bu xanım haqqında neqativ fikirlər səsləndirib. Roza xanım səhv etdi. Böyüklük göstərsin və məndən üzr istəsin”.
Aparıcı Yusif Ağayev də İlhamənin Rozanı məhkəməyə verəcəyini söyləyib.
R. Zərgərli isə efirdən kənar İlhaməylə danışacağını bildirib və əlində sübutlar olduğunu dilə gətirib:
“İşdən qovulan şəxs mənə başqa, ona başqa sözlər deyir. İkili oynayır. Faktlar, sübutlar və şahidlər var. Mən haqlı danışıram. Məhkəmə səviyyəsinə çatsa, o şəxs kənara addım ata bilməz. Mən görmədiyim şeyi danışmaram. Səhhətində problem olan insanın üstünə çox gedə bilmərəm. Onunla hər yerə mən getmişəm. Məndə səsyazısı var ki, həmin insan deyir boş ver”.