Könül Xasıyeva Sunayın xatirəsinə mahnı ifa edəcək

Azərbaycanın Əməkdar artisti, tanınmış muğam ifaçısı Könül Xasıyeva çox istədiyi yaxın qohumunu itirdiyini deyib. "Axsam.az"ın məlumatına görə, Sunay adlı balaca qızın itkisi əməkdar artisti depressiyaya salıb.

“Sunay doğma qızım deyildi, amma övladım qədər çox istəyirdim. Onun ölümü mənə çox pis təsir edib, hələ də qəbul edə bilmirəm. Hər gün evdə şəkillərinə baxıb ağlayıram. 13 yaşında uşağın həyatdan getməsi hamını kədərləndirir" - deyə müğənni bildirib.

K.Xasıyeva bildirib ki, Sunayın xatirəsinə mahnı ifa edəcək: “Sözləri və musiqisini özüm yazmışam. Onu qısa film kimi hazırlayacam. Qoy, tarixə yazılsın”.