Son günlər İrandakı soydaşlarımızın başlatdığı "Səni deyirlər" trendi sosial şəbəkələrin fenomeninə çevrilib. Rəqs kampaniyasına Azərbaycandan da qoşulublar. İstər tanınmış şəxslər, istərsə də sadə vətəndaşlar rəqsləri ilə cənublu qardaşlarımıza dəstək verirlər.

gundemxeber.az Milli.Az-a istinadla xəbər verir ki, ATV xəbər böyük marağa səbəb olan mahnının ifaçısı İbrahim Əlizadə ilə telefon bağlantısı yaradıb, mahnının tarixi haqqında, çatdırmaq istədiyi mesajlar barədə süjet hazırlayıb.

İfaçı telefon bağlantısı zamanı türk dilinin unudulmamasını istədiyini deyib.

"Mən istəyirəm İranda, Azərbaycan tərəfində türkü oxunsun, türk dilində mahnılar oxunsun. Həm bizi şad etsin, həm də dilimiz burada yaddan çıxmasın".

İbrahim Əlizadə, həmçinin müsahibəsində bildirib ki, mahnını rəqs etmək üçün ifa etməyib.

"Mən bu mahnıda sevinmək, şad olmaq istəməmişəm. Mahnıda sözüm də siyasi deyil. Toyda oxunub bu mahnı. 30 il bundan əvvəl yazılıb, 25 il əvvəl ifa edilib. Amma məsələ qalıb mahnını necə təqdim etməyə. Urmunu qurutdular, baxmadılar. Rəqs olaraq deməmişəm oynayalar, sözümü yetirmişəm. Urmu dəryası bizim üçün əziz idi, bizim çırağımız odur. Gedəndə indi ona baxıb ağlarıq".

Qeyd edək ki, soydaşlarımız bu mahnının sədaları altında rəqs etməklə Urmiya gölünün qurudulmasına etiraz edirlər.