Dünyaca məşhur pop kralı Maykl Cekson barəsində sağlığında yayılmış iddialar yenidən gündəmə gəlib. Onun azyaşlı oğlan uşaqlarıyla cinsi əlaqədə olması haqda xəbəri ABŞ-da çıxan “Leaving Neverland”i jurnalı yayıb.

Qeyd edək ki, bundan əvvəl də bu cür iddialar ortaya çıxanda Maykl Cekson “Yatağımı oğlan uşaqları ilə paylaşdım, lakin onlarla cinsi əlaqədə olmadım” deyə açıqlama vermişdi.

Adı çəkilən jurnalda pop kralı tərəfindən uşaq olarkən cinsi zorakılığa məruz qalan iki şəxsin açıqlamaları yer alıb. Belə ki, Ceyms Safeçuk və Veyd Robson 1980-ci illərdə Maykl Cekson ilə aralarında baş verən münasibətlərdən söz açıb. Hər iki şəxs dəfələrlə sənətçi tərəfindən zorlandığını bildirib. Safeçuk hələ 10, Veyd isə 7 yaşında olarkən zorlandığını iddia edib.

Veyd olanları bu cür xatırlayıb: “Hələ 5 yaşında ikən məşhur pop kralı ilə tanış olub. Belə ki, bir rəqs yarışmasında birincilik qazandıqdan sonra Maykl Ceksonla tanış olmağa imkan yaradan bilet əldə edib.

Müğənni ilə tanış olduqdan sonra Cekson səhəri gün də onun yanına gəlməyi xahiş edib. Ertəsi gün müğənninin yanına anası ilə birlikdə gələn Veyd həmin gün sənətçi ilə 2 saata yaxın oteldə söhbət edib, vaxt keçirib.

İki il sonra Robsonlar ailəsi Los-Anjelesə gələrkən Cekson ilə əlaqə saxlayıb. Müğənni ailəni Neverlanda dəvət edib.

Ailə öz uşaqlarını Ceksonla birgə vaxt keçirmək üçün Neverlanda getməyə icazə verib. Veydin sözlərinə görə, cinsi istismara məhz həmin günlərdə məruz qalıb.

Safeçuk isə 9 yaşında olarkən reklam şəkilişləri zamanı müğənni ilə tanış olmaq şansını qazanıb. Onun sözlərinə görə, bir ildən sonra otellərin birində Maykl Ceksonla evlənib. Safeçukun sözlərinə görə, müğənni ona necə onu necə təmin edəcəyini başa salıb və qəribə şəkildə evləniblər. Safeçukun anasının sözlərinə görə, müğənninin onun oğlunu hər gecə evinə çağırmasından sonra şübhələnməyə başlayıb. Safeçuk isə hər axşam müğənni ilə birlikdə olduğunu və bunu çox xoşbəxt anlar kimi xatırladığını deyib.

Robson açıqlamasında onu da qeyd edib ki, Maykl Ceksonu dünyanın ən comərd insanı hesab edir, “O insanları sevirdi”. Robsonun sözlərinə görə, 7 il müğənni tərəfindən cinsi istismara məruz qalıb.