Dünyaca məşhur tenor, italiyalı ifaçı Andrea Bocelli koronavirusa yoluxub. 61 yaşlı ifaçının xanımı Veronikanın da virusa yoluxduğu bildirilir. Son məlumata görə ifaçı və xanımı artıq virusa qalib gələrək, özlərini yaxşı hiss edirlər.

Qeyd edək ki, bir neçə ay ərzində çoxlu sayda dünyaca məşhur sənətçilər, həmçinin siyasətçi və idmançılar koronavirusa yoluxub və yaxud qurbanı olub.

Gundemxeber.Az xarici KİV-lərə istinadən onlardan bir neçəsini təqdim edir.

Bir müddət bundan öncə məşhur komediya aktyoru, 70 yaşlı Ken Şimura koronavirusa yoluxaraq, dünyasını dəyişmişdi.

Ken Şimuranın virusa yoluxduğu açıqlanıb

Digər məşhur yaponiyalı aktyor Kumiko Okae də 63 yaşında koronavirusdan vəfat edib.

Koronavirusdan dünyasını dəyişən məşhurlar arasında məşhur cazmen Emmanuel Njoke Dibanqo da var. O, Fransada koronavirusdan vəfat edib.

Məşhur musiqiçi koronavirusdan öldü

Saksafon ifaçısı Dibanqonun 86 yaşı var idi və Afrika caz üslubunda ifa edirdi. Kamerunda anadan olan musiqiçi Paris xəstəxanalarının birində dünyasını dəyişdi.

İki dəfə “Grammy” mükafatının sahibi, Amerika folk musiqisi ifaçısı Con Prine 73 yaşında koronavirusdan vəfat edib. Onun “Hello in There”, “Paradise”, “Sam Stone”, “Angel from Montgomery” mahnıları bütün dünyada məşhurdur.

Amerikanın daha bir məşhur caz ifaçısı Ellis Marsalis də 85 yaşında koronavirus ucbatından dünyasını dəyişib.

Kurtlar Vadisi Pusu” serialında canlandırdığı Ordinaryuis obrazı ilə məşhurlaşan aktyor Tarhan Kaya da koronavirusdan vəfat edib.

Oyuncu Turhan Kaya hayatını kaybetti - Kültür-Sanat Son Dakika ...

Əfsanəvi “I Love Rock`n`Roll” mahnısının müəllifi və ifaçısı, müğənni Alan Merrill koronavirusdan ölən məşhurlar sırasındadır.

Məşhur aktyor Mark Blum da koronavirusdan dünyasını dəyişib. 69 yaşlı aktyorda koronavirus aşkar ediləndən bir neçə gün sonra xəstəxanada keçinib. Xatırladaq ki, Mark “Desperately Seeking Susan” (“Çılğın Madonna”) və “Timsah Dandi” filmlərində oynadığı rolları ilə məşhurlaşıb. Xüsusən də Madonna ilə tərəf-müqabili olduğu “Çılğın Madonna” filmindəki obrazı ilə yadda qalan Mark son olaraq “Succession”, “Mozart in the Jungle” seriallarında rol alıb.

Koronavirusa yoluxub və ondan qurtula bilən məşhurlar sırasında isə məşhur ispaniyalı aktyor İtziar İtuno, aktyor İdris Elba, ukraynalı aktrisa və model Olqa Kurilenko, şahzadə Çarlz, məşhur cütlüklər Tom Hanks və xanımı Rita Vilson, Plasido Domingo, zorlama qalmaqalları ilə tez-tez gündəmə gələn Hollivud ulduzu Harvey Veynsteyn və digərləri var.

Gundemxeber.Az